|
حل اللغز واحصل على كرت هلا مجانا
اللغز بجد اكثر من رائع و اللى يحله راح اطرش له كرت هلا ابو 100 ريال وعد مني لمنتديات يافع :)
اللغز للأذكياء فقط .... كتب إينشتاين هذا اللغز بنفسه في القرن الماضي , وقال أن 98 % من سكان العالم لم يتمكنوا من حله . 1- توجد خمس منازل لكل منها لون مختلف . 2- يسكن كل منزل شخص من جنسية مختلفه . 3- كل ساكن يفضل ان يشرب مشروبا معين , ويدخن سجائر نوع معين منها,ويحتفظ بحيوان أليف معين . 4- لاأحد من الجيران الخمسة يشرب نفس المشروب أو يدخن نفس النوع من السجائر أو لديه نفس الحيوان الأليف . معلومات الربط : * يسكن البريطاني في المنزل الأحمر . * لدى السويدي *** * يحب الدنماركي شرب الشاي . * البيت الأخضر على الجانب الأيسر من البيت الأبيض * مالك البيت الاخضر يشرب القهوة. * الشخص الذي يشرب سجائر نوع بال مال لديه طائر. * الرجل الذي يسكن في البيت الأوسط يشرب الحليب. * مالك المنزل الأصفر يدخن سجائر نوع دانهيل . * يسكن النرويجي في المنزل الاول . * يسكن مدخن سجائر نوع مارلبور مجاورا لمن لديه قطه. * الرجل الذي لديه حصان يسكن مجاورا لمن يدخن سجائر نوع دانهيل . * مدخن سجائر نوع وينفيلد يحب شرب الجعه (شراب الشعير). * يسكن النرويجي مجاورا للبيت الأزرق . * يدخن الألماني سجائر نوع روثمانز. * مدخن سجائر نوع مارلبور لديه جار يحب شرب الماء. المطلوب تحدد اللون الجنسيه الحيوان المشروب نوع السجائر لكل واحد مع توضيح : من منهم لديه السمكة (أو أن حيوانه الأليف سمكة)؟ لا توجد خدعه في حل هذا اللغز , بل هو منطق صرف من يعرف الإجابة سيكون من ضمن أذكى أذكياء العالم (2% الأذكياء في العالم وايضا يكون قد حصل على كرت هلا بمبلغ 100 ريال والشاطر يلحق :) |
رد: حل اللغز واحصل على كرت هلا مجانا
ماشاء الله عليك اخي سر الغلا
خطير جدا انا يوم شفت الجائزة كرت هلا قلت راحت عليه باين أني سوف احل اللغز ويوم شفت اللغز ومن وضعه قلت العوض من الله راح الكرت الهلا اذا معظم سكان العالم ماحلوا اللغز فكيف بي أنا ان احله . إن شاء الله الحل موجود معاك اخي الفاضل |
رد: حل اللغز واحصل على كرت هلا مجانا
ماشاء الله بداية قوية واللغز نفكر فية بعدين وقت المقيل
والهذرة الكثير اليوم معنى شكل شامي يحل اللغز على طول ههههههههههههههههههههههههه هههه في عباقرة ان شاء الله في منتدانا يحلوة |
رد: حل اللغز واحصل على كرت هلا مجانا
أشكرك أخي سر الغلا على هذا اللغز
اللي يشجع الواحد إنه يشغل مخه والصراحه من زمان ما شغلت مخي وهذي فرصه للواحد يشحن المخ شوي . . ياريت تمسك ورقه وقلم. . . طيب الحين سجل عندك من اليمين . . البيت الأول : لونه أصفر يسكنه النرويجي يحب يشرب الماء يدخن دانهيل عنده قطه . البيت الثاني : لونه أزرق يسكنه الدنماركي يحب يشرب الشاي يدخن مارلبوروا عنده حصان . البيت الثالث : لونه أحمر يسكنه البريطاني يحب يشرب الحليب يدخن بال مال عنده طائر . البيت الرابع : لونه أبيض يسكنه السويدي يحب يشرب الجعه ( شراب الشعير ) يدخن وينفيلد عنده كلب . البيت الخامس : لونه أخضر يسكنه الألماني يحب يشرب القهوه يدخن روثمان وهو اللي حيوانه الأليف هو السمكه . . وإذا تبغي تتأكد أرسم 5 مربعات متجاوره ووزع عليها البيانات السابقه من اليمين بدأ من البيت الأول وإذا في شئ غلط وضح لنا المهم إذا إنت عند كلامك خذ رقمي من عند أخي الزعيم وأرسل لي رقم تعبئه بطاقه هلا 100 ريال وإذا كان بس كلام كفايه عندي إني ضمن 2% من أذكياء العالم وتسلم على اللغز ! ! ،،، |
رد: حل اللغز واحصل على كرت هلا مجانا
اخوي عين يافع اشكرك على المشاركه الحلوه
والي من خلالها حاولت تحل اللغز بس مع الاسف اجابتك ناقصها شي واحد ياليت تفكر اكثر شوي عشان تقدر تحله والكرت الهلا موجود بالحفظ والصون |
رد: حل اللغز واحصل على كرت هلا مجانا
حدث خطا اثناء التحميل
|
رد: حل اللغز واحصل على كرت هلا مجانا
اقتباس:
ولا أعتقد أني نسيت شئ من ذلك مع ملاحظه أنك ذكرت أنه لا توجد خدعه في اللغز ! وإذا نسيت شئ وضح عشان أعرف وين الغلط !! لك كل التقدير ،، |
رد: حل اللغز واحصل على كرت هلا مجانا
اخوي المشكله بالحيوان الاليف مع اي واحد فيهم
|
رد: حل اللغز واحصل على كرت هلا مجانا
طيب أنا بنتظر حتى يحاول الإخوان حل اللغز وبعدها عطنا الحل !
وأرجو منك تنزل لأقرب بقاله وتشتري كرت بو 100 |
رد: حل اللغز واحصل على كرت هلا مجانا
للحين ما حد حل اللغز ! !
دعوه للشباب لحله عشان ما يضيع سر الغلا السالفه وياكل علينا الكرت يله منهو الذكي ! |
رد: حل اللغز واحصل على كرت هلا مجانا
بل بل
عين يافع انت ماتفرط ياخي ماصدقنا ينسون السالفه لوووووووووووول |
رد: حل اللغز واحصل على كرت هلا مجانا
طيب أنا راضي بكرت بو 50 ريال
هااا ما قصرت وياك صح ! |
رد: حل اللغز واحصل على كرت هلا مجانا
عين يافع الموضوع تم حذفه شوف لك موضوع ثاني ياخي
|
رد: حل اللغز واحصل على كرت هلا مجانا
سر الغلا والله جايب لغز اصلا ماله حل كله عشان الكرت
وبعدين المفروض تحط الهديه 10000 على هالغز |
رد: حل اللغز واحصل على كرت هلا مجانا
اللغز ما له حل
لكن سر الغلا توهج لما أنا حليته وصار يضيع السالفة لكن ما بنساها له طيب طيب الأيام بيننا يا سرو |
رد: حل اللغز واحصل على كرت هلا مجانا
عفوا الموضوع الذي تحاول المشاركه فيه مغلق نهائيا
|
رد: حل اللغز واحصل على كرت هلا مجانا
كيوتل غفلت الموضوع نهائيا
لأن سر الغلا ما دفع حق كرت الهلا مساكين كيوتل ما يحبون النصب ! هههههه |
رد: حل اللغز واحصل على كرت هلا مجانا
هههههههههههههه
الله يرجك ان تبي تاخذ الكرت غصب طيب ... ياخي حل وبعدين تكلم لوووووووول ... جوابك خطا ..اقولك 98 /. محد حله وتجي انت تبي تحله صج انك فاضي ... ليكون الحين انت في الديوان قاعد تتقوت هع هع هع.... وشكرا على المرور ... |
رد: حل اللغز واحصل على كرت هلا مجانا
سر الغلا أنا متأكد إن حلي صحيح 100 %
مثل ما أنا متأكد إني من 98 % قول إنك توهجت وما توقعت إن الدوحة فيها واحد ذكي مثلي وأنا أتحداك على كرتين هلا تعبئة بو 100 تجيب لنا الحل الصحيح وترويني وين الغلط حقي إذا كان موجود أو إنك تعترف إني حلت اللغز ! وأنا عند كلامي وإعتبرة تحدي مني ولا تتهرب ! |
رد: حل اللغز واحصل على كرت هلا مجانا
انا بطلب من المشرف يحطني مراقب على هالمنتدى عشان اسكر هالموضوع
هاي الاحل الاخير |
رد: حل اللغز واحصل على كرت هلا مجانا
سر الغلا عطه الهديه وخل عنك الحركات الي مالها داعي اوكي
وبعدين انا شاهد انه حل اللغز عطه الهديه ولا تعذر لا تخليه ياعين يافع وراه |
رد: حل اللغز واحصل على كرت هلا مجانا
تدري ويش مشكلة سر الغلا يا إحساس
إنه يوم نقل اللغز نقله بالحرف الواحد وما إنتبه إن اللغز فيه كرت هلا بو 100 ريال بعدين المنتدى اللي نقل منه الظاهر ما عندهم حد يفكر فالحين سر الغلا متوهج باللغز يقول شلون حله عين يافع فلا هو عارف الحل ولا يبغي يعترف بأني حليتة و يدفع لي كرت الهلا وعلشان كذا إختار إنه يستعبط عشان يطحس الكرت مع العلم إن اللي أبغيه منه بس إنه يعترف وخلاص وأعتقد إن هذا الموضوع بيكون أطول موضوع في المنتدى وما يتسكر إلا لما آخذ الكرت منه والواحد مربوط من لسانة ويمكن أضطر أحول المسألة للمشرف للنظر فيها . وراك وراك يا سر الغلا ،،، |
رد: حل اللغز واحصل على كرت هلا مجانا
عساني اتعجب
|
رد: حل اللغز واحصل على كرت هلا مجانا
يلة سر الغلا صبرنا عليك واجد
الحين آخر الشهر والراتب نازل ما عندك عذر :mad: |
رد: حل اللغز واحصل على كرت هلا مجانا
لوووووووووووووووول ..
نجوم السما اقربلك خيووو |
رد: حل اللغز واحصل على كرت هلا مجانا
سر الغلا والله بيفضحك عين يافع
وانا معاه ولا تشوه اهل ال دعبان بكره الجلسه الثانيه بالمحكمه وانا شاهد |
رد: حل اللغز واحصل على كرت هلا مجانا
عين يافع بس اصيد عليك شي موب احسن لك
ياخي اشلون يسكرون موضوع |
رد: حل اللغز واحصل على كرت هلا مجانا
هههههههههههههههههههههههه
تسلم أخي إحساس ونعم والله قول له يا أخي هالكلام وحتى لو سكروا هالموضوع بسوي منتدى خاص وبنقل الموضوع له والحل الوحيد يا سر الغلا هو إنك تروح لأقرب بقالة الله لا يهينك وتشتري لي كرت هلا بو 100 ريال وإنتهى الموضوع شفت الحل بسيط وسهل كيف وما ضاع حق وراه مطالب وبعدين إنت ما تقدر تمسك علي شي لسبب بسيط إني إذا قلت شي بنفذة وإلا شرايكم يا الربع لكم الحكم ،، |
رد: حل اللغز واحصل على كرت هلا مجانا
عين يافع انت وعدتني قبل يومين وطرشت لي رساله خاصه ولو تبيني اظهرها بالصوره أظهرها قلت فيها انك ماتبي كرت الهلا بس تتقشمر وبعدين انت وعدتني بتعطيني بدله كرتين تبيني اروي الناس الصوره الي فيها رسالتك ؟؟؟؟؟؟؟؟؟؟؟؟؟؟؟؟؟؟؟
|
| All times are GMT +3. The time now is 10:59 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
جميع الحقوق محفوظه لمنتديات سماء يافع
mamnoa 4.0 by DAHOM