|
ديوان الشاعر/ عمر صالح اليافعـــي
[align=center]اسمحوا لي بان استلقي
على ضفاف نهر الاحاسيس المتدفق هنا وليكن لي مكان بينكم وذكرى تخطني في سطور ذاكرتكم[/align] |
حلم مكسور الجناح
حلم مكسور الجناح
صباح الخير يا عمر انقضى ما تنذكـر فـي خيـر=صباحك يا وفا لو ينقضي عمـري جنيـت اصفـار صباحك حلم مكسـور الجنـاح اذا عـزم ويطيـر=تالم واعتصـر حزنـه بكاهـا ورتكـى الاسـوار عرفـت الامـر قبـل الفعـل لازم يمتلـي تفكيـر=وعرفت ان الحياه اقسى وصعبـه تقبـل الاعـذار بعد ماهديت لك ذاك الشعور وشفـت حبـك غيـر=طرحتينـي لاقـدار الزمـن وتذكـري المـشـوار تبين الحب.. لا والحـب.. ماقبـل كـذا تشطيـر=تبين الشوق.. لا والشوق.. صده حزن واستفسـار تعالي نحسب الماضي نـرد ايـام كنـت اصغيـر=تعالي نحاسب اخطاء الحكايه ويـش فيهـا صـار عرفتك وانتي امال وطمـوح اكبـر مـن التعبيـر=كبرتي بعين قلبي ليـن شفتـك وسـط قلبـي دار رسمتك حلم نبضات الدروب اللـي عليهـا اسيـر=وصورتك شعور المرهف اللي لانطفا منك آخذ لنوار تملكني هواك وصرت مـن نفسـك عليـك اغيـر=وعاتب قلب حبك عاشقـك بـس خافـي الاسـرار بعدها غبتـي عنـي قلـت قلبـي خانـه التقديـر=ونجمـي مـا يوافـق نجـم حبـك والفلـك دوار رجعتي بعدما يقتـل كليـب وطـار عقـل الزيـر=وتبدا الرجـل تمشـي هالكـه مـن شـدة التيـار تقولي لي احبـك هـل لهـا فـي داخلـي تاثيـر=لعن ام المحبـه جيـت لـي يـوم الزمـن غـدار وش احكي ويش باعبر وهل يرضي العمر تبريـر=وجود العذر مـا رد العمـر والوقـت منـي طـار تعلمت القسـاوه بعـد حبـك واعشـق التدميـر=بنيت القلب من صلب وحديـد ماينحنـي لعصـار بكاني الحزن لين ارثى لحالـي واحجـم التفسيـر=رحـل والدمـع يمـلا ناظـره ويـردد الاشـعـار تبينـه بعـد ذا قلبـي يحـن ويكثـر التصـويـر=يـردد بعـض ابيـات الغـزل ويقـرب الاسفـار حذاري يا بعد قلـب المعـذب وافهمـي التحذيـر=حذاري تلعبي بشعـور قلبـي وحـذري التكـرار دمـوع الامـس تعنـي قنبلـه او لغـم للتفجيـر=فاحسن ترحلـي ذكـرى حبايـب بالفشـل شطـار |
مخاوي الليل
مخاوي الليل
وين انت اللي غايبٍ عن عيوني=ما هز قلبك شي لاهبت اشواق وصورتك بللتها في جفوني=رسم الصور في داخل العين سراق ماقلت لك أنك بوادر جنوني=واني مخاوي الليل ياصبح الاشراق أمسي حليف الليل اشكي ظنوني=وسامر اعيونك وأنا حيل مشتاق طال انتظاري والنظر تاه دوني=بالعين بآن الشوق والقلب خفاق ماطيق ليلي يا هواجس سكوني=اسرح معك سالي وبالواقع انضاق ما عاد صبري يحتمل يا فتوني=بالحيل حالي ماسك العمر طراق خذني اذا كانت تهمك شجوني=خذني وطفي جمر بالصدر حراق خذني فديتك يا ضيا ليل كوني=العيش بعدك يا منى النفس منطاق دونك ترى ايامي ببعدك جفوني=حتى السكوت بهمستك صار نطاق ان كان في رحمه رجا ترحموني=وان كنت قاسي مرك انذاق منذاق تبقى حبيبي لو تزود طعوني=وثابتٍ حبك بقلبي بالاعماق |
حلمت بك ....؟؟
حلمت بك ....؟؟
في ليل يسري في عروقي ومرتاب=فكيت لبواب القصايد شهابه آخذت هوجاس المحبه على باب=وصديت حزني من فراقك ببابه حلمت بك..؟؟ لو قالوا الحلم كذاب=الحلم غالي دامك انته سرابه حسيت انك جيت يا كاحل اهداب=تغمز بعينك لي برمش ارتخابه وابادلك نفس المشاعر وما طاب=قلبي سوا همسة شفاتك تطابه قالت أحبك يا بعد كل الاحباب=ياكل همي دونك العمر مابه قلت اسمعي قلبي على همستك ذاب=ينسى جميع الناس لنتي جنابه وشلون ماحبك ولو غبتي منصاب=وتشعل جروح القلب حرق التهابه يامن رسمتي دنيتي شيء جذاب=قلبي ببعدك مبتلي في عذابه يامنيتي فيك الامل يوم ما خاب=لازلتي شمسي والقمر والسحابه اشتقتلك لو قالوا الوقت غلاب=طيب الوفا باسط فؤادي رحابه ما يوم هز القلب غيرك ولا هاب=يا ورد حبي يا فذاذت شبابه والله أحبك كنت في جد وعتاب=زعلان راضي صح ولا الخطأبه وانتي اميرة خافقي سهل وهضاب=وانتي جبالي وكل شيء اهتنأبه |
يسعد صباحك
يسعد صباحك
يسعد صباحك سيدي لين العود=يا نور عمري ونور هذي المدينه ياطيب ياحشمه ويامزنة الجود=ياعز رافع هامتك في جبينه ياورد ينفح طيب الدهن والعود=ياحب يروي شوق نفسي الحزينه يالله عسى في خطوتك دوم موعود=بالخير والفرحه ومن كل زينه تطيب لي بسمتك والخد مورود=وتحلا لي الدنيا وعيني بعينه يسعد لك ايامك لياليك بالزود=يامنية العاشق ونبضة حنينه |
معدن تغير وما تغيرت يـا جيـد
معدن تغير وما تغيرت يـا جيـد
كل الوجع يابو سعد لـه علاجـه=الا وجيع الهجـر علتـه بتزيـد محروم حبه زاد فيـه ارتجاجـه=حتى الفرح ما داعبه ليلة العيـد لا وازمان العنجهـه والسماجـه=حتى لذيذ الاكـل تنعافـه الايـد غرك غرورك يا مجامـل لحاجـه=بعت الصراحه حين شفت المواريد من يطعم الحالي بعد عن اجاجـه=معدن تغير وما تغيرت يـا جيـد والمارد اللي مختبـي بالزجاجـه=يطلع بفركـه حاميـه للمواعيـد لو كل هاجس جاب مافي مزاجـه=كثرت شعري في نجاح المساعيد ما عاد ميزنا غـزال أو دجاجـه=نوصل حدود المنفعه دون تحديـد يعني اذا تبغي قصيـد انفراجـه=امدح ترى للمدح لمسات توديـد ولا تعـدل عضـم زاد انعواجـه=والبدو ما تزرع فواكه على البيـد يابو سعد ما عاش مبدي انحراجه=لان الحياء ما عاد له اي ترديـد سن الكلام وفل جـراءة سراجـه=وكذب تراه الكذب للعمـر تجديـد هذا كلامي كان يبـدي انزعاجـه=الشعر حكمـه لا مجـرد اناشيـد ولا بضاعـه للتسـوق مراجـه=خذها نصيحه يا مليـح التناهيـد |
الوفي بالعصر ذا .....؟؟
لوفي بالعصر ذا .....؟؟
مو غريب ان الوفي بالعصر ذا يصبح غريب=لان أغلب من يعاصر عصرنا شاف الخيانه دام مات الحب والاخلاص وموت كل طيب=ويش يعني الصدق والاخلاص وش تعني الامانه روح لك ياشيخ والله بعد ذا مدري اشتجيب=لا تسوي غلطتك لا تعتذر والارض شانه خل ذكرى الحب لو باقي من الذكرى حبيب=والله حتى الذاكره لو تمسحك فيها رزانه كل هذا الحب لك والشوق ما ردتك جيب=والا هذا منهجك ما تتركه حلت لعانه مات بك كل الحياء ما عاد تدري ويش عيب=ويش لك بالعيب يا عياب من له خل صانه طبع يا خاين تمكن فيك حتى لو تشيب=ونظرتك مثلك جميع الناس منهجهم خيانه الله أكبر دام ربي كاشفك ابعد وغيب=وفاضحك ربك أحاسيس البشر ماهي استهانه الله لي والله فوقك وكل مخطي له حسيب=ومن تلاعب في أحاسيس البشر خانه حنانه لك بيوم اتشوف من حبيت من قلبك يعيب=ولك بيوم اتشوف من خنته بتتربع مكانه وش تناظر ويش تتامل وخايب لو تصيب=والله اني انسان ما في القلب ينطقهن لسانه مو غريب ان الوفي بالعصر ذا يصبح غريب=والوفي وافي لمن وافاه لو ضده زمانه |
للوعد وعده
لوعد وعده
طويلة العمر قالوا الوعد منصـوف=وأنا لفيتك جيـت للوعـد وعـده قلتي تعال المنتدى بـس وتشـوف=احلا من الشاتات صالـح وعبـده المنتدى يا زين من فيك مصفـوف=للعلـم كـلاً جـا يوقـع بـيـده وأنـا معاكـم دام للعلـم باطـوف=العلم ما يوقـف بمهـدي ولحـده كل الفزع في داخلي منه والخـوف=السارق اللي ما وقف عنـد حـده مزيت قلبي وعصر الحس بالجوف=وجا اخونا شـل مـا كنـت اعـده يرضيك يا صالح ويرضيك يا نوف=ياخذ أحاسيسـي ونبـض المـوده المنتدى يا عيب من فيك مكسـوف=وده يقول الشعـر والعـذر عنـده ما فيك ملكيه وتتعب بـك اكفـوف=هذا اساس ان قلـت شعـري ارده طويلة العمر انا يا بنـت معـروف=ابي على التوقيـع اسمـي وجـده هذا سلامي جيت يالنشم مضيـوف=ياهل الكرم والجود للحـزم شـده أنتم صناديد الرجاجيـل والحـوف=مسنـاد للعربـان سيفـه وحـده هذا وبنت العم منـا لهـا شـوف=ربة أسـودٍ تلضـي النـار وقـده أمي وأختي زوجتي كلنـا سـوف=نبني لنـا تاريـخ للنسـل مجـده بس اسمحولي قلت ماكان محفوف=في خاطري يلف مقـدرت اصـده اليافعي معكم أنـا جيـت ملهـوف=ودي أصافـح كـل واحـد بيـده والمساله يالصحب شاشه وما طوف=ولا لقاكـم هـم قلبـي وسـعـده |
هرج الفضول
هرج الفضول قهر بن صالح.. ويا غلبه.. ويا تبديد حالـه=ما شغل بالي ولا اضناني.. سوا هرج الفضول ويش يقولوا.. قيل قال وزودوا ذيـك المقالـه=بعد ما القصه قصيره.. زودوا.. بالعرض طول الحسد والحقد فيهم... وقمـة الحاقـد نذالـه=وما يسـوي فعلهـم.. الا قليليـن الاصـول من يجالسهم تعقد.. ومن يصاحبهـم هبالـه=ومن سمع منهم تنكد.. نصحهم قلـي وقـول مالهم بالسر معنى.. ومالهـم وقفـة رجالـه=يصبحوا يتلصصوا الاخبار.. يا خف العقـول حرشوا هذا على ذا.. وفرقـوا الاب وعيالـه=كم بشر تمرض وتتعقد.. وكم ماتـوا قتـول احد اسباب التخلف.. في بلد نبغي العلى لـه=هم سبب تاخيرنا.. والفقر.. وعثرات الرجول يا مرض.. يا علة الازمان.. يا سبعين حالـه=يا وجع.. بكتيريا.. فيروس..يا انيـاب غـول الله أكبر.. كيدكم في نحركم مـوت الحثالـه=موت خاين..مات في جبنه.. ولا حلمه يطـول والله ما يسمع لكم ما غير من يحتـار بالـه=وشخص ثاني.. نافخـن ريشه تمايل للطبول والا انا ابن اليافعي ماشي لكم عنـدي دلالـه=هرجكم مثل السراب اللي مع شمسـه يـزول ما يحب الخير الا.. شخص نهج الخير فالـه=وما يحب الشر الا... الـردي نـذل النـذول |
أنا يافع ب قاصد ومالك
اي واحد يطلع عن عادات القبيله ويخرج عن تقاليدها
ماذا نقول له وهذي كتبت بشخص معين طبعاً والحمدلله وصلته قال بن صالح اتعبني كثيـر المسالـك=لا انتصح لي ولا يفهم تعبت اعتنيلـه كل ليله على الميـدان رايـح وسالـك=لاستحى من كلام الناس أو ما يجيلـه كم أحاول اشيل ايده من ارض المهالك=لكن الرجل مغـروزه بفهـل الهبيلـه من زرع خارج الجربه مع الوقت هالك=شي مزروع في العرمه وشي في سبيله لنت مني ولانـا منـك وبعـد حبالـك=داعي اسمك فما يسوا قشاش القبيلـه منتسب بس منته مننا شـف لحالـك=وحذر ان جبت اسم اليافعي بالحليلـه وزع الغنج ما بين البشر فـي دلالـك=خذ من الطيش وحذر لا تقرب اصيلـه غير ما يمنعك طيشك اذا طلت طالـك=لان فنجاننـا محسـوب بنـه وهيلـه اعلم انك سحابه عابـره فـي ظلالـك=كلها النـاس تترجـا وأنـا مرتجيلـه لانني مرتجي طش المطر مـن دلالـك=دام لي منبعٍ صافي فما اقـرب عليلـه والمسافر اصيل الساس فـز اعتنالـك=بس مخك ورا طيشـك مضيـع دليلـه تحسب الناس لو تنصح فهم من عذالك=وانت ميلة في حملـك ثمانيـن ميلـه والله انه بمقياسـي رخيـصٍ مثالـك=رخصة الكيس بالسيله وماحد يشيلـه منت قدي ولا قـارن بعـزي عمالـك=العمل لك وأنـا عـز الديـار الجليلـه ابن يافع وأنا يافـع بقاصـد ومالـك=رمز للعز والناموس فـي كـل كليلـه جعلك ارتحت من همك وما خاط بالـك=بعت عزك وتشري ذل نفسـك بديلـه بس حذرك تجيب اليافعي في حمالـك=خل يافع ومـن مخـي فلولـك ازيلـه |
زمان اول
[align=center]زمان اول[/align]
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] زمان اول نعم كانـوا رجاجيـل=لهم حكمه على زوجـه وكلمـه موازين العقول بالفعل والقيـل=لهم من ربهـم علمـاً وحكمـه تغير حالنا من جيل الـى جيـل=يخلي الشور والمقطـاع لمـه نحاف وبعضهم ياخوي كالفيـل=اخذ دنياه ضحك وخـف دمـه فما له شور الا همسـة الليـل=على خط انشغاله حـب سمـه وما نرجي بهم فرسان للخيـل=فقط للهرج وقولـه مـلا فمـه بنات اليوم ما تعرف وش الهيل=من القرفه وسمـه وش تسمـه دلع زايـد وحـب وزود تدليـل=تربي اجيال ما يعـرف بعمـه على الدنيا السلام ان سيل السيل=نشوف باي حضن اليوم اضمـه [/poem] |
هموم المغترب// بدع وجواب //
[align=center]بدع الشاعر عمر اليافعــــي
((هموم المغترب))[/align] [poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] يا سلامي عدد ما تسكب المـزن بمطـار =واقبل السيل يتدافـر علـى كـل حـاره وكتست كل ارض الله خضرات الاشجـار =بعد ما كان يضنيها الضمـاء والقفـاره جل سبحانه الرحمـن مبـدع بالاسـرار =عالم الغيب مولـج ليلهـا فـي نهـاره قال بن صالح الهاجس يحوم على الـدار =رغم بعد المولع ما طلـع عـن مسـاره مغترب جيت متعني مـع هـم الاسفـار =جيت اناقش قضيـه مهملـه بالسفـاره يا رسولي الى ابن العامري ود الاخبـار =ابن الاجواد ما وقت انطفت ليـل نـاره للرجوله مثل والصدق معنـاه لـو شـار =وراث المرجله فارس وساس الحضـاره ابغي الشرح يا وافي عهودك بما صـار =بعدما الجيد شوك الوقـت فسـد اطـاره وابتدت قصة الاحزان بمـواج واعصـار =عاتي الموج خبـط فيـه يمنـه يسـاره يا موادع عسى الواقع تضمده الاعـذار =سائله كيف ودعهم وهـو فـي مطـاره ورتكى الحزن وسط الطايره معه ماطـار =بعد ما الطايره طـاره وطـاره وطـاره آه يالعامري ما كان لـك شـور تختـار =بعد ما الوقت اعلنهـا صريـح العبـاره وانطرح خد ابو صالح على اليد محتـار =ويش عوض سنين العمر مكسب خساره سارح البـال يتسائـل اذا كانـت اقـدار =ليش افارق وعـز الآدمـي فـي ديـاره دامني من بلد بالعـز يمـدح والاحـرار =ويش به موطني ليش اعتبرنـا تجـاره هل يناقش هموم المغترب خلف الاسـوار =وليش خلا عزيز النفس يخضـع لجـاره كيف ببدا وش اناقش وهو الوضع منهار =من تجاره الى استثمـار لاعلـى وزاره والملـف الـذي جبتـه موقـف ولا دار =ما تحاور على مجلس ولا جـاء قـراره من زمان الثمانينـات موقـوف بصـدار= لجنة الحكم يمشي المغترب فـي مـداره ورتمى بين طيات الزمن ضمن الاسـرار= صار يشكي لحكـام البلـد مـن غبـاره وين بس نشتكي تيه السفينـه بالابحـار =والسؤال البسيط احتـار فـي لاستمـاره من سبب غربتي نفسي او ان الزمن جار =او بلد مقفـره او حكـم دون استشـاره من احاسب من استهدف وهي تلهب النار= لان ساس البلا والمعضلـه فـي الاداره جيت لك جبت وضع المغترب هم ووزار= وانت جب كل ما عندك مـع الاستخـاره والسموحه اذا طوليت او كان في اقصار= خالص الود لك من قلـب وفـا اختيـاره [/poem] [align=center]جواب الشاعر حسين العامري[/align] [poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] مرحبا قال ابو صالح بمن شرف الدار= من وصل ضيف عندي يحسب الدار داره الكرم شيمتي والجود ما منه اعذار= والوفاء بالوفاء مهما تكون الخساره احضروا لي قطيع اغنام والفين جزار= واكرموا ضيفي القادم ومن في جواره واجعلوا موقع الزائر مصابيح وانوار= والمعاطر يمينه والمزاهر يساره وانثروا قاعة الديوان ريحان وازهار= والطرق شكلوها قبل تبداء الزياره ضيفنا من بني يافع صناديد وانمار= تشهد الموسطه والعر تشهد حجاره ضيفنا اليوم بن صالح فاهلاً بمن زار= ارضنا مؤطنه والكل رهن الاشاره صاحب القدر والجودات له الف مقدار= في ثنايا ربوع القلب باقي اثاره بترك الامر بين ايديه يختار مختار= مثل ما قال والموضوع حسب اختياره جاء يناقش قضيه عالقه سعف الاجوار=قال شعب اليمن مغلوب فارق دياره يشتكي لي وانا مسكين من ضمن من سار= والسبب تعرفه واسئل ثمر عن نماره شعبنا بالعراء تلقاه في كل الاقطار=والمثل قال ما للجوع غير الشطاره حد توطن وحد سا لا الاف خمسه اصفار= من يساره وحرف العين رد اعتباره وضعنا يعجز الشاعر بوصفه بالاشعار=وضعنا مر عالق بالكبد والمراره ما تذوق العسل الامتى ذقت صبار= مثل غيرك وتفطر دون رغبه فطاره كلها ادروبنا وعره ومن دون معيار= بين رايح وراجع كالكره يادواره ليس هذا فحسب المشكله دمع موار= ينكثب من عيون المغترب في غزاره تغمره دهشة الفرقه وتظنيه الافكار=يحمل الصمت عنوانه وهمه شعاره موقفه صعب كالراحل بتشخيص الانظار= ترك داره وفرق الاهل قيد انتظاره واقترب موعد الرحله مع صوت لنذار=والتفت خلف يترقب وزاد انهياره وابتدت صفحة الاحزان تنذر بالاخطار= في صراع الزمن والعمر نال اختباره من سبب كل هذا غير مجموعة اشرار= يلعبوا باليمن كالقط يلعب بفاره اليمن طيبه واثمارها عز لثمار= لاكن المشكله تُسلب وتُنهب ثماره من بداره خلل لو يمتلك الف قنطار= لن ينال العلا في حكمته واقتداره الخلل سد مأرب(هد) واسبابه الفأر=وانتهت مملكلة بلقيس بعد انهياره يارموز البلد لاترهقوا شعب جبار= شعب يحلم ويتمنى بيوم ازدهاره لا تعيدو لنا حلقات وافلام غوار= حاسبوا راقبوا كلن يوضب قطاره لاهنا نكتفي والعقل والبال محتار= بين غربه وعوده نارهن مستعاره اتكالي على من سا الكواكب ولقمار= واعقب الشمس نور البدر يطوي مداره واخر القول صلوا ع النبي نسل الاخيار=ما لمى البرق والراعد زجم من مثاره[/poem] |
أصل العروبه
أصل العروبه
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] أصل العروبه وساس أبوها والاركان=من منبت التاريـخ يبقـى مكانـي صافي سليل العرب لؤلؤ ومرجـان=زلال أنقـى مـن عذوبـة لسانـي الله وهبنا للعـرب سيـف شنـان=نفـز لاجـا يشتكـي مـن يعانـي نثوره له ثورة حمم نـار بركـان=نسقي عـدوه سـم فتـاك فانـي حنا صناديـد الرجاجيـل والشـان=وحنا تواريخ حرب بيداء الزمانـي وحنا زلازل أرض حمران الاعيـان=يخافنا المـوت الزئـاب المفانـي الله عطانا قـوة البـأس شجعـان=فرسان ديـن الله رجـال الثمانـي للدين نخضع وكلنـا درع وركـان=ولله نركـع فـي ذلـول وهوانـي نيران نطاير علـى كـل عـدوان=نلهب سمـا اعدائنـا فـي ثوانـي معروف فينا حكمة الـرأي بـوزان=والحلم فينا مـن عظيـم المعانـي نجازي الله الطيب طيبه وأحسـان=ونزرع بذور الخير ورد ارجوانـي شعارنا الأخلاص والصدق برهـان=وافين صافيـن السـرر والأمانـي أمالنا جنـات فـردوس وغصـان=روضات عدنٍ بالغصون الدواني أحلامنـا سعـادة القلـب بستـان=تثمر غصونه بالفـرح والتهانـي ونهجنا مـن عـزه الله مـا هـان=بالله معـزز طـول الايـام هانـي لا تنشدوا من هو عمر وين ما كان=هـذا عمـر أول وثالـث وثانـي أصل العروبه وساس أبوها والاركان=من نسل تبع شاهدي يـا زمانـي ابناء سبأ سليل من نسـل قحطـان=يشهد له التاريخ من هو اليمانـي حامي حماها سيفها عـز الاوطـان=والشعر وفاء خير برهـان جانـي ولا تنشدوني قبـل أو بعـد والان=أنا يماني يمانـي يمانـي يمانـي[/poem] |
نصيحه ليافع
[align=center]نصيحه ليافع[/align]
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] بدينا باسم الله الواحد الاحد=عظيم العطايا خير معطي وخير جاد توكلت بك يا رب يا القادر الصمد=ولك اسلمت روحي كما يخضع الجماد فغيرك فما لي رب ووجهي فما سجد=لغيرك الاهي انت يارب خير هاد فأمنت بك يارب من عادني ولد=وعلمني اهلي اعبدك واكثر الحماد فحمدك الاهي واشكرك كل ما تمد=ايادي لذكرك ترتجي تطلبك سداد الاهي خلقت الكون مرسى بلا عمد=منجي عبيدك مطمأنيين بك سعاد زمان المعاصي ربنا تنجي البلد=فمهلك الاهي لا يقع مثل يوم عاد تهل الهواجس والقلم قام واستعد=وخوفي الورق خلص وما كمل المداد رجعنا الى المجلس وماظن حد فقد=عمر ابن صالح ياهل النكر والجحاد أنا اليافعي ابن اليزيدي بخير جد=وانا التلبي ابن الرجاجيل بن عباد وماهمني ناسي وجمري فما خمد=تلذ المصايب لي علي كان الاعتماد صبرنا على القاسي ليومين لي ورد=وكسرت جلمود الجبل ليلي السواد فلو تنكروني عاد عندي ابو سعد=سنادي وزندي للطويلات والبعاد سلامي على باني بناء البيت بالاكد=بتوسيعه البيبان للناس والعباد سهير الليالي كم شقي كم تعب وكد=وكم بات يحسب كل مخطأ رجع وعاد سلامي على مجلس صلح يوم وانتكد=وظل خمستعشر يوم من بعدها حداد رجع نصنا يطلع وابو عاهد اكتبد=لانه ثلاث ارباعنا شغلهم عناد فلو تصلح الوالد رفض صلحك الولد=وزادت خطوط المعركه حرب واشتداد ولكن قده شعب اليمن دايماً نكد=لو الامر بيده كان بايحرق البلاد لمه واجماعه باليمن يكثر الحسد=عجب يوم قالوا يغمر الوحده الوداد ترى بعضهم لا الامر مبسوط له بيد=محى ارض يافع واقعيه مش اعتقاد ولكن ضربها وقتسم ردها وعد=وشاف النجوم اقرب خسرها وما استفاد كذا شافت اعيانه بان الاسد اسد=وما تغيره سود الزمن سادها وساد رجال المغيره وقت ما الحرب تعتمد=يلبوا المنادي كل مطرح وكل واد نصيحه ليافع ضموا الروح للجسد=لان التجمع خير من وقفة انفراد لنا جد واحد بل وتاريخ متحد=شفوا الجسم واحد وخذروا ياخوتي الحياد فما ظن تفرحنا المصايب تقع لحد=بل الفرح يكمل يوم تتماسك الاياد فروحي فداكم يا سنادي على الشدد=وياخير من اسند بهم لا الوغى مقاد احب ارض يافع.. ما وقف حبها بحد=بل اجتاح روحي عشقها يملا الفؤاد فراقي يزيد العشق ويزيد بي الجلد=وزادت محبتها وشوقي على ازدياد وشوقي لقهوه يافعيه بها ارد=سنيني وادري لو مضى العمر ما يعاد فلله در العاشق اللي اذا ابتعد=ضوء شمعته والجفن ما لذ له رقاد عسى الله يجمعنا الى سابق العهد=ويرزق بلادي يبعد الخبث والفساد ويجمع لي احبابي بك الله اعتمد=ولله امري يصنع الله ما اراد وصلوا على المختار صلوا بلا عدد=على من اتى بالنور للخلق والعباد[/poem] |
قصيده بدع للقطنه
[align=center]قصيده تعجيزيه[/align]
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] مرحبا من يجـي**لا بحر ما ينجـي=من دخل به رجي**الله بـاخـراجـه جيت لا منهجـي**تقـراء وتتهجـي=صعب باتخرجـي**من بحر ومواجـه يافعي مـا عجـي**بالحـن يتشجـي=قافهـا طـازجـي**للخصم رجراجـه لا الزمن سامجـي**رافع على برجـي=شـاده مسرجـي**ما هاب عجعاجـه يا حروف اهمجي**في ضيفنا رجـي =اصرخي وزعجـي**بو رعد حجاجـه مرحبـا العربجـي**مـداح متـرجـي =دومها مـا هجـي**الوضع وحراجـه في دبي محتجـي**تعليمـه افرنجـي =لاجى أو ملتجـي**ماشاف شي حاجه شغلتـه مكوجـي**في مصبغة زنجي=مضفجي مضفجي**ممحـون بعلاجـه المرض به زجـي**والعقـل مرتجـي =ويـن يتعالـجـي**والطب دحراجـه ملبـج الملبجـي**ما تاب يا حجـي=بو عيون ادعجي**يفـرح بدجداجـه هرجـه الدارجـي**والوضع طرطنجي =نهجـه الداهجـي**والنـار اجـاجـه مـادح المعوجـي**وش عرفه نهجي=واللهب يلعـجـي**والجمـر هجاجـه ويش له بالحجـي**وسلوبه اسفنجـي=كم يحصـل دجـي**يا كثـر فنداجـه الوطـن يرتجـي**للشعـب يترجـي =حكم مدري اعوجي**صجه وعرباجـه ياشعوب اهرجـي**لاشعـار ورتجـي=في الزمان العجي**لا رجت ما راجـه طافيـه مسرجـي**ما عاد به مرجـي =ليت ماحـد نجـي**من باع مسراجـه اهرجي ومرجـي**يا ارض وحتجـي =زلزلي من يجـي**بمـواج اجـاجـه باعهـا البلطجـي**في سعر ما ينجي=غير اهل الحجـي**لصلوص معلاجـه[/poem] |
حمرة خدوده
[align=center]حمرة خدوده[/align]
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] شخصٍ يداوي جرح قلبك ويشفيه=وشخصٍ على الساعات يجرح صدوده وشخصٍ اذا غايب عن العين تبكيه=وشخصٍ اذا يبعد يبين جحوده وشخصٍ يلاعبنا بهمسه ونبغيه=كلام فاضي ما يحقق وعوده وشخصٍ اذا للشر لو قام يلفيه=واذا ذكر للخير قلل وجوده وشخصٍ اذا يدخل لقلبك يهنيه=بطيب قلبه والكرم به وجوده حرام يبعد عننا والوفاء فيه=وحرام يتركنا نعاني فقوده لو ينشرى قلبه أنا دوم مشريه=لابيع عمري لجل حمرة خدوده لو ما يبيني جيت لجله البيه=وركز بخيمة حب بجنه حدوده[/poem] |
المحبه مالها بالسعر حد
[align=center]المحبه مالها بالسعر حد[/align]
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] كان ضدي وكان لي او ايش كان=الوجود انسان في بنت و ولد والشعار اللي رفعته من زمان=المحبه مالها بالسعر حد ياحياتي من طلقنا للعنان=ما نهاب بحبنا مليون سد من كثر مخفيه حبي عـ العيان=خافت أعيوني من أعيوني الحسد كثر حبك لي وحبي والحنان=كثر شوق لشوفتك والوقت صد كثر ما حسيت جنبك بالامان=كثر ما عقلي سرح مني ورد كثر ما روحي تفارق للمكان=تلتمس حضنك تقبل كل خد كثر ما نبضي حسب جزء الثوان=كثر ما عد الليالي عد عد كثر ما ذكرك يحرك بي المعان=والسعاده ترتسم في وسط يد كثر ما طاريك لخبط لي اللسان=ينتسي العالم وشوف الجزر مد كثر ما أكتب وما يوفيك شان=أنتي حبي وأنتي عشقي للابد[/poem] |
ضلع أعوج
[align=center]هذه القصيده كتبت للتذكير فقط
وليس على اساس الاستخفاف فهناك نساء يستحي الشخص بان ينطق عليهن بكلمه فما بالك بقصيده ولكن هذي القصيده كتبت لعينه محدده ..بالوصف..[/align] [align=center]ضلع أعوج[/align] [poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ون قلبي ون بجوافي=ون والابيات وافنه يافعي والقاف هو قافي=والقبيلي حنته حنه يوم جاد الشعر بنصافي=ما تريث مزنها شنه هاجسي قال الزمن جافي=والحقايق مبعده منه يا نساء ما شرعكن وافي=مالكن لا فرض أو سنه ناقصات الدين مو كافي=ضلع أعوج لا غنى عنه والعقول انصاف متلافي=ناسيات الامس وش جنه من سمع منكن مشى حافي=ولتجى لله يشكنه حضكن بالورث الانصافي=تاخذينه أو تخلنه فتنه الله منكن كافي=كايدات بطبعكن منه عابدٍ لـ مسجده لافي=أشهد انكن تفتنين انه والتبرج والشعر شافي=والله أعلم ما تخبنه والاغاني زادت اعصافي=تسبقين الفن في فنه بالمحبه والهوى السافي=هرجكن بالعشق تبدنه وين حشمتكن والعفافي=ومن رحم ربي يخافنه أكثر أهل النار يا عافي=ثلثكن بس يدخل الجنه كم وكم وما خفاء خافي=والله اعلم بذي تسونه[/poem] |
ضاع الوفا ....؟؟
[align=center]
ضاع الوفا ....؟؟![/align] [poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ضاع الوفا وأنا من الوقت ملتاع=وسم الخيانه في البشر في دماهم مدري نقول ان الزمن صار بياع=ولا نقول ويش المخاليق جاهم يا صاح قلي كيف ضاع الوفا ضاع=واشرح لي احوال العرب وش بلاهم ان كان هو نهج التطور وما شاع=على بلاد العُرب عكر سماهم عصر التمقرط وانفتح سته اذراع=لبس حريمك شورت وركض وراهم ضاعوا ثلثنا لا ثلاثات الارباع=والربع يترنح بخيط التفاهم من شجعوا روبي وقالوا لنا ابداع=يلعن ابو ابداعهم في فضاهم ماتت قلوب.. الغيره اللي بالاضلاع=وعين البصر تعمي البصاير كفاهم ما ندرك الطعنات الا على على اوجاع=ولا نعرف الاعداء منية خُطأهم ضعنا على دنيا حطيطين الاوضاع=وزينوا الدنيا لنا من ذكاهم تطلع رجولتنا على اخوان رضاع=وابناء عمومه لي حمانا حماهم الله أكبر.. موت يا وقت خداع=ما نرتجي أهل الزمن في عساهم من يبغي العزه فلله مطواع=والذل كافر ومن طلبهم رضاهم[/poem] [align=center]خالص الود عمر التلبــــــــي[/align] |
بدع بيرق السعدي وجوابي عليه
[align=center]
بدع الشاعر القدير بيرق السعدي[/align] [poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ياخالق الكون صبرنا كما أيوب=والصبر صبرك وصبر الجيد مكسوبه خلقت ادم وسويته بشر من طوب=وسكنته الارض في قوته ومشروبه واليوم قدهيه سلاله نصفها من شوب=ونصاف متثبته ونصاف مقلوبه خلقتهم للعباده والعمل مكتوب=والخير والشر فوق الكتف مكتوبه غفراك يامعتلي قبل البشر باتوب=من قبل لاتقفل الابواب والتوبه البارعي قال ويش ابلاك ياحلبوب=بادلت رجل الحنش بعيان ملهوبه ضيعت نورك وشمسك والقمر محجوب=راحت عيونك وشفت الكون محجوبه يامرسلي قم وهات الحبر والمكتوب=بكتب هواجس بها القافيه منصوبه بكر مع الطبر شل الخط والمطلوب=وسلم التلبي قيفان مطلوبه وهده رياحين تنفح عطر من لشذوب=وفي غصون الكمثرى بللوا ثوبه والان ياصاحبي ببدا من العرقوب=عن وضع ناره على لكباد ملهوبه ابليس حط البلاء في ديرتك والحوب=كيف الخبر كيف لا قلفاس محنوبه عايب زماني ودهري بالزمن معيوب=ماكنت حاسب نصل لادهر معيوبه دمي ودم اخوتي وسط الجبل مسكوب=يومي وليلي ودم الحر مسكوبه لاوين رايح بنا يادهر يامقلوب=لاتهدم الدار دام الدار منصوبه حنت يفاعه وحنحن حنها يثبوب=حنيت من داخلي والقهر حنوبه ياقهر قلبي على وحل العسل والنوب=لغصان ماتت ومات الزهر يانوبه ختمت قولي عسى بايفهم المحبوب=وبايزيل الكدر عن دار محبوبه ختامها بالنبي مالملم المسكوب=وحط شخب المطر في جربة النوبه على رسول الهدى بن هاشم المنسوب=محمد المصطفى واهله ومنسوبه[/poem] [align=center]جوابي المتواضع[/align] [poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] يالله يالله يا عالم بمخبي الصوب=منصاب قلبي ونفسي حيل متعوبه الصبر منك تصبرني وأنا مغصوب=من نار في الجوف وسط القلب مشبوبه يا زايل الهم يا من تجلي المكروب=اجلي همومي وقادي كل معطوبه التلبي قال من يبداء في الملعوب=يتحمل اللي يقع من بعد ملعوبه عيال تسعه وماحد من ذهب مصبوب=ومن يحرض عساه السم في كوبه ابو الخبايث ومن يلعب في المقلوب=يالله ترد الخبايث والفتن صوبه يا مرحبا قال بن صالح جبل منصوب=رافع وشامخ شماله توزن اجنوبه يا مرحبا بيرق السعدي هلا بك دوب=حسب العوايد بقهوه دوم مصبوبه بالعود والعطر ثوبك يكتسيه اطيوب=وبالراحيب رد الحيد بلجوبه في تلب الوضع مخزي والخبر معطوب=ويش انخابر وهي لوجيه مشحوبه اتازم الوضع بين اجبالها وشعوب=زالوا المخوه تعكر صفو مصحوبه كمن فضولي وكمن مضفجي طبطوب=طيش وتهور وبعض الناس باهوبه ما كننا اخوان نشرب من دوارة كوب=يا نعل ابو الوقت من ايام معيوبه ماحد به الخير لا سالب ولا مسلوب=كلاً يبى الناس تمشي حسب مطلوبه يا غبن قلبي على من مات دون اسبوب=لا له بفتنه ولا الاشكال بسبوبه لو هي قبايل وحمير سدة الانبوب=من نسل تبع وحمير كلنا اشهوبه ولو هي مشاكل بسيطه بينهم وعتوب=ما كان توصل كذا نوبه وراء نوبه لانا مع ذا ولا ذا بينهم مكبوب=بنحاول انحلل المخطي لتدروبه لان لعنة ابليس من راس الجبل بتهوب=الله يلعنه ما تدري وش اسلوبه يالله السلامه عسانا نعتبر ياصحوب=رغم انها من زمان الحرب مجروبه ماشي بها خير وان حلت بها منضوب=الود والطيب جربة طين مخلوبه صلوا معي عد مانحل العسل بيلوب=عـ الزهر يجلب عسل والناس يشفوبه وعداد ماالصقر في نص السما بيجوب=على رسول الهدى وآله ومصحوبه[/poem] |
كود اليافعـــــي يطرح حماله ..؟؟
[align=center]كود اليافعـــــي يطرح حماله ..؟؟[/align]
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] يالله انك جنب بن صالح معه ياخير عون=كن عويني كل ماتصعب وجنبي بالسهاله عزتي بك يالاهي ماني من خلقك سهون=دامك انته خالقي ماشي لهم دعوه بحاله كل شي مكتوب من عندك حدث أو بايكون=وانت ادرى قدرت ابن آدم وكم قدر احتماله بعدها من هانني والله من عيني يهون=ومن تجاهلني تجاهلته ذكاء ولا هباله للجفا جافي ومن يعطي اخذ مني العيون=للوفا وافي وتحلا العين لو تبلغ وصاله هاجسي بعثر خبايا القلب في صمت وسكون=كبها القافيه كود اليافعي يطرح حماله ياسلام أسلم وسلم لي على صاحب حنون=موصلك يده وذا الحظ اعتكس توصل رساله ياسلام الورد متورد على رؤوس الغصون=يانع الاطراف محمور الورق والعود ماله بالهوى منفوح مس القلب شوقه والشجون=رجوته شوفه أماني الحب بداعب خياله صاحبي ماهي عوايدنا الوفي يمكن يخون=والعهود اتوثقة والحق من له حق ناله من زمان اجدودنا نبني أمانتنا حصون=والقلاع أعهود والمرعى كتابات السجاله شرعنا معروف مافينا حكايات وظنون=ما تمشينا شكوك القلب برهان الجهاله الكلام أفعال نعم الصحب لاصاحب يصون=ونعرف الكذاب أقواله تخالفها فعاله أئتمنا بك سرقت أحساس قلبي والفنون=ليش عاد أستأمنك في سالفه تقصر وطاله يازمان المال عقال الزمن تشكي الجنون=والتكلف في أصول الحب كلاً حسب ماله ضاعت الاخلاق ياكثر المفاسد والمجون=والصداقه مصلحه والشخص معياره رياله وقت متقلب يزول المال ويموت البنون=من وضع بالعين مصلحته فما طالت حباله يالله انك جنب بن صالح معه ياخير عون=كن عويني كل ماتصعب وجنبي بالسهاله[/poem] |
يا دمعة العين ..............؟؟
[align=center]يا دمعة العين ..............؟؟
.. .. .. .. .. .. .. .. .. .. .. .. ..[/align] [poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] يادمعة العين ثوري ووقفي ضده=ماهو معه دوم ضدي والسبب غالي من اعلن الصد والهجران باصده=من كال مره أكيد المر مكيالي حنا اوآدم وماحد من ذهب يده=من لحم من شحم حاله مثل أحوالي سبعين مره عسى ما خاطره رده=تعبت اراضيه والعبره من التالي ياكم وياكم وياكم ماوصل حده=وماهو حبيب الذي يفرحه غربالي من سالف الوقت شفت الخير في مده=خاب الرجا فيه خابة فيه أقوالي يالله عسى الخير بذن الله لي بعده=وما كل مابيه ياقلبي بيهنالي يا كودني ارتاح من اعصاب منشده=والهجر راحه على ما كان يجرالي البال مرتاح ريحنا ابو جده=خليك وابعد ترى ما عدة في بالي امحيك وامحيك منت اليافعي نده=لو هي عزايم عزمت وشوفها افعالي من هدني والله اني غصب باهده=وهذا قراري الاخير يجيك كالتالي تكفى ليا جاك غيري يوم لا ترده=وذكر من اللي طعم مرك عسل حالي وطعم من المر مره يوم لاعده=بس لا تغير طباعك تخيب آمالي ولا سال دمعك شكى في نزلته خده=يسائل الوقت يتنشد زمن خالي قله من الود يجازى الود في وده=وماحد حبيبه عدوه يا بعد حالي[/poem] |
يا عيون اذراف ..........؟؟
[align=center]
يا عيون اذراف ..........؟؟![/align] [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] حرام تنزل دموعك يا عيون اضعاف=لاني أنا منك ماستاهل ولا دمعه عليك قاسي وفيني من العناد أصناف=ووقت العناد الكلام الزين ماستمعه ياخي رجيتك تخليني بدون الحاف=لان الشقا والعنا اشياء بي اجتمعه خلاص لا تتعب أشعورك معي بسراف=الوقت بين لك اني طافي الشمعه ما ريد تذبل ورودك في حقول اجفاف=وما ريد تعلق وتصعب بيدك الرجعه القلب ميت ولا ينفع به المجذاف=غرقان بالدم بين اطعونه السبعه نبضي وقف من نزايف دمي الشفاف=لا السبت تشفيه ولا الاحد ولا الجمعه لو كان بيدي السعاده يا عيون اذراف=أعطيتك الروح فداكم روحي السنعه ولو كان ذا القلب يوهب غيركم ما شاف=لكم هديته وتحت أمرك وفي سمعه بس المصيبه أنكتب لي بالعذاب اصناف=وان مات بي الغير ماهزتني الفجعه يا رب سامح نديمي قاتلي الهداف=اللي عرف كيف يسلب ضحكتي جمعه وجمع شتاتي ولملم قوتي بصفاف=وبعد همومي وحسن سيرة السمعه وحسن بماواي بالاشراف والاعراف=النور نورك وراوي الضيم من نبعه[/poem] |
ماقوى فراقك ...........؟؟
[align=center]ماقوى فراقك ...........؟؟!![/align]
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] يا ناعس الطرف فيض الحب يقتلني=يا كامل الزين نفسي فيك مهووسه الحب عله بوصلك لو تداويني=ارحم قتيلك وشرعك وين ناموسه يا بعد قلبي كثير الحب جنني=وصلت لـ حد طيفك والله ابوسه وصرت بالطيف اتلذذ واتهني=وضحك وضمه وداعب كل نسنوسه وظل ابوسه وماشبع منه دوخني=حالي العسل لذ طعم الريق للحوسه اذوبه ذوب وأنا ذايب وذوبني=وسبح مع روح وسط الحب مغموسه ويقول لي بس عمر لا لا تعذبني=واعذبه لين صدره تآه بنفوسه يحلا عذابه بكله والله يعجبني=ويحلالي اكثر يشل القلب ويحوسه بالله رجيتك بلحظه فكر افهمني=ماقوى فراقك معي اسباب مدروسه ان كان تقدر على التعذيب عذبني=يحلا عذابك لقلبٍ بيدك احسوسه أموت بك حيل أحبك حبك الهمني=اني بدونك اشوف الارض معكوسه معنى حياتي وروحي وكل مافيني=نبع السعاده دلايل فرح ملموسه تدري اذا يوم لو فكرت تجفيني=يتوقف القلب والافكار معفوسه الموت ارحم بهذي الحاله ارحمني=قرر مصيري ترى الانفاس محبوسه اختارني اختار كثر الفكر حيرني=دونك فلا طب يشفي حال ميؤوسه[/poem] |
أمراض ما تنزاح ........؟؟
[align=center]هنا شخصيه
تتكلم عن ما بادخلها من هموم فلنترك الابيات تتحدث بما في جوفها أمراض ما تنزاح ........؟؟[/align] [poem=font="Arial,5,darkblue,bo ld,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] الا يالله يا عالم ويا رازق ويا فتاح=تيسر لي دروب الخير وتهدي نفسي الراحه تعبت اقول للعالم انا ابن اليمن مرتاح=وانا ما شافت اعيوني بارضي نفس مرتاحه تعبت اقول انا اصل العرب يا خوي يا وضاح=وياليت الاصاله تنفع الانسان بالساحه بفقري.. بنعدام الامن.. بنهب الخير كالاشباح=يولي الحلم.. ويموت الامل.. مقتوله افراحه شهيق الجوع.. مزفر بالالم.. مبلي بآه وآح=يبيس الريق.. يلهث بالتعب.. مكسوره اجناحه شحيب الوجه.. معتل البدن.. أمراض ما تنزاح=طبيبي علني.. مستقبلي واحلامي.. انزاحه يلاحقني النكد.. واللقا التعب طول الزمن ما راح=وما عدت المحه نور السما.. والغيم شباحه وترمق من عيوني دمعتي.. في حزنها لواح=معذب في بلاده ما لقي له عيش بالواحه تروح الروح لو لا الله حافظ عبد له ما ناح=وربي خالقي مقسوم لي رزقي بما باحه عجزنا من سفينة نوح ما نلقى لها ملاح=وكل ما قادها قايد سقانا مر املاحه متى نلقى لها قايد يطرز ثوبها افراح=ينسيها مواضي الحزن والتعذيب وجراحه يلبسها بثوب ازكش مزركش من جماله لاح=يزينها لألأ والذهب وعطور فواحه يقولوا ان الزمن ظالم ومجرم كافر وسفاح=يظلام الزمن ما للزمن تحريك بلواحه هو الانسان لو يغلط فما هو معترف يا صاح=يلومون الزمن والوقت وياكم ناس سفاحه ولا عمر الزمن يردع ولا يلطم ولا نطاح=ولا عمر الزمن ارتد خاف الناس نطاحه يقولوا الحظ يعمينا وفال الخير منا طاح=وياكم من بشر منا على الخيرات شطاحه[/poem] |
وين نهجك على هذا البلد رامي ؟؟؟
[align=center]وتتحدث الابيات
وتقول ............ وين نهجك على هذا البلد رامي ؟؟؟[/align] [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ليت لا بل امش واحكومتنا=رجعينا وراء والناس قدامي مرتجيناش لو قلنا ولو قلنا=مالش اهداف وينه نهجش السامي السرق والرشي ياخير حكمتنا=وين حكمة يمنا فقره الدامي ليت لا كان لش سلطه ولا كنا=كان ما عاش نص الشعب مترامي وين بترولنا معنا بلا معنى=يطعمه لقوياء والشعب له ضامي اثري الفقر يا بو سعد يجمعنا=يكذبوا يوم قالوا ان البلد نامي اليمن تحت خط الفقر قد ضعنا=لكن الناس ما تفهم من اعوامي لا انتقدنا فما في اذن تسمعنا=بل يقولوا انفصالي جاز اعدامي كن ما موطني هذا ولا نعنا=مالنا راي صار الصمت الزامي خاف والله يا حاكم تجوعنا=وين باسير ارضي مصدر الهامي لقمة العيش والستره مطامعنا=ما نبي غير ستر الحال يا سامي ان تركنا البلد سالت مدامعنا=هزني الشوق طرف العين ما نامي غربة الهم كم طفت مشامعنا=حرقت الجوف ما توقف بالايامي لا بلاد العرب وان شركم معنا=في قرارات عوجى خيرها طامي اذكر ان نصنا فارق مرابعنا=ياكلوا القوت من بلدان واعلامي اكسب الجار كسب الجار ينفعنا=هو ولد عمنا بسجال واقلامي لا تعادي في المكتوب طاوعنا=شاور النفس حاسبها بالمامي يا علي وين لي تنتج مصانعنا=من سلع طيبه ارسم بها احلامي!! اسالك قولها ودوي مسامعنا=وين نهجك على هذا البلد رامي!! [/poem] |
()()() في نظـــــرتك ()()()
()()() في نظـــــرتك ()()() يسعد صباحك بالمسـره وبالخيـر وجعل السعاده والفرح لـك سدايـد والله يحمي هامتك ويـن ماتسيـر ويحفظك ربي من جميـع الشدايـد ما دام انا في نظرتك عاكس السير بمشي لحالي حـد مانـي محايـد بمشي على دربي وماجت مقاديـر راضي من الله كل ما صـار رايـد تدري عمر عن باقي الناس ذي غير مالفت وراء للخلف مانـي بعايـد عارف صفاتي قول قاسي وشريـر جافي ومجرم حـرب للحـس بايـد منت الذي تشهد علي يوم وتشيـر تذكرني الطيبـه اذا انـت جاحـد ياكم بشر يا صاحبي تحسد الطيـر على جناحـه فعلهـم فعـل كايـد لا الفعل.. لا والوقت.. بي اي تاثير دليل يـوم العيـد شفنـي معايـد الله لنا يا صـاح مـن دون تكثيـر ماحد يشل مما انكتب شـيء زايـد |
الحرب واقع
[poem= font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بعد العراق.. اليوم جا دور لبنان=بغداد تنزف وابتداء جرح بيروت وما ظن ننسى يوم ما صاب الافغان=كابول تصرخ من يلبي لها الصوت والقدس تتجرع من المر الالوان=تمسى التدمير وتصبح على الموت ما عاد ينفع للتفاويض عنوان=والذل واضح نطلب الارض بالفوت باقي المخطط يعلمه عالي الشان=اللي على الاسلام بيدور باسكوت واشعوبنا ما قصروا مثل ما كان=يهدوون من يقتل حلاوى وبسكوت والمال ما يحمي من القتل انسان=ولا يرجع طفل بالقصف مفتوت بسم العلي بسم الرجوله والاوطان=بسم الشرف والدين في حق مثبوت ما عاد تبغي البينه آي برهان=الحرب واقع واطعموا المر بالقوت ومن خاف منكم او من الخوف نسيان=حنا دواهم سم هاروت ماروت نسقيهم العلقم ومن سابق ازمان=نلنا البطوله في ميادين وخبوت يا شعب يا ثاير ويا خير فرسان=الى متى بالذل والعار مكبوت الى متى يا شعب صابر وتهتان=من جور ما بك يبكي الطير والحوت هل دمنا اصبح مثل ما قيل مجان=وان الايادي حايره داخل الكوت قالوا علينا اننا بدو رعيان=وآنا همج نمشي على الضرب والشوت من بعد ما الله عزنا كيف نهتان=والله معنا ويش نخشى بباروت ما نرتضي الا بدمنا خير الاثمان=وما سعر دم المسلم الا بياقوت والله يلعن من تخاذل ومن خان=منا ويستاهل جنازه وتابوت يا نار شبي واحرقي كل عدوان=الكيل يطفح والغضب صار مؤقوت النصر وان كان الشهاده بالامكان=بالعز ميت او على الذل باتموت[/poem] |
يالله السلامه
[align=center]
يالله السلامه لي خل يربشني وأنا حيل مربوش وجنن بعقلي ايش معنى كلامه ان جيت له طيب خبطني بشاكوش وطير بمخي ويش به وش علامه يزعل وزعله حيل قاسي كما بوش وده بقتلي بس يالله السلامه يا عود كمبودي ويا عطر مرشوش وش بك عليا يا مليح اللثامه كل يوم حلقه صرت لي فايز التوش تمثيل متقن يآآآه منك ويامه عادل امام او جابرٍ ابن نغموش انا اشهد انك طفتهم بالدرامه كل يوم حلقه حزن زعلان مبشوش وان طبت طاب اليافعي في غرامه مره اشوف الورد بيديك مفروش ومرات احس اني بيوم القيامه تعبت لاني جبت لك نبض معطوش وروح مجنونه من الحب هامه وقلب من زود الهوى صار مرعوش كل ما لمح لك طيف..لشواق قامه حتى النظر لصورتك صار منقوش من وين ما مده اشوفك امامه عزيت قافي فوق الاكتاف منعوش ودفنت حرفي في صدور الندامه وحزنت حزن اللي من الوقت مبلوش وبكيت لين القلب يشكي انقسامه ما كنت اظن القلب بالحب مغشوش والحب اعمى.. يا عسى الله السلامه[/align] |
رساله
[align=center]
رساله مني سلام الفين يـا بـو خالـد يوصل حلالك مطرحك بالسمـره يابو المكـارم دام عـزك زايـد راعي الشهامه رب طول عمـره جيتك وهمـي داخلـي متـوارد في حب من اشعل بجوفي جمـره امسيت في ناري وطرفي غاهـد ما لذ له نومه مخـاوي القمـره يبات يتقلـب ومـا هـو عاهـد الحـب واسبابـه وتايـه بمـره من خمسه اشهر في البريد الوارد جتني رسالة شخص يشكي امره فقلت صاحب صغت شعري وارد رسالـةٍ تدعـي لحالـه يسـره وجتني رسالـه حيرتنـي واجـد قالت انا نوره مش انتي سمـره فقلـت لا والله وربـي شـاهـد انا ولد يا مغلطـه فـي النمـره مرت سويعاتي وفكـري شـارد وعقلي من التفكير يهذي فكـره جاني اتصاله ويش اسوي قاعـد اقلـب الجـوال يمنـه يـسـره رديت الو وكان صـوت الوالـد قالـي تغازلنـي وشغلـك بكـره[/align] |
شهادتي فيك
[align=center]
شهادتي فيك شهادتي فيك يالمحبوب مجروحه لاني احبك وانا بالحيل مغرم بك كل الصفات الجميله فيك مشروحه ومنت محتاج من مخلوق يمدح بك الله عطاك التالق للبشر لوحه صوره جميله رسمها بالحلا ربك الطيب والحب والاخلاص مطروحه مابين نبض الوفا والذوق في قلبك نفسك عزيزه لنهج الخير مقدوحه لهلك وناسك وكل من جال في دربك يا منسل الجود والاكرام والشوحه يا عالي الاب والاجداد في عربك سقيتني نبع عطف الحب وسفوحه وعلمتني الحب قلي كيف ما حبك انا احبك ونفسي فيك مفضوحه من كثر ودي وشوقي ولهفتي جنبك ولو هي التماني على الابواب مفتوحه اطلب رضا الله وماتمنى سوى قربك[/align] |
حسين
[align=center]
حسين للطيب مرسى.. وللرجوله مكانه وللعز تاج وللمكارم عناويين شيخ التواضع.. من يوفيه شانه أنا اشهد انه ينطرح داخل العين ان قلت شيخ فكلمة الشيخ زانه باسمه لانه تاجها بالمضاميين نسل العرب تشهد مواضي زمانه من ال يافع ما يبي له براهيين من اليزيدي وافيات(ن) ثمانه من خير ما جاب العرب ناس وافين من نسل طالب دام عزه وشانه الله وهبه العز والطيب وحسين ابن الاصول وللمخوه ضمانه سيف(ن) موافي في زمان المجافيين رمز الشجاعه حين يطلق عنانه ما توقفه صعبه ولا يوقفه حين لو بكتب اشعاري بوصفك امانه ما توفيك يا حسين عدة دواويين شيخ الكرم شيخ الحكم والرزانه رمز الرجوله في جميع المياديين مثل الذهب بس عاد فيك المتانه ما تنزل بسعرك تساوي ملايين نجمك يابو طالب تعلا مكانه نجمك تعلا في سما الطيب والزين يحفظك ربي ودام عزك وصانه والله يعميها عيون المعاديين[/align] |
سمني بنفسك
[align=center]
سمني بنفسك آبيـك انتـه تسميـنـي بشوقي بكـل مـا فينـي اسامي اختارهـا حسـك حبيبي.. سمني بنفسـك انـا الوهـان لعيـونـك وأنـا بالحيـل مجنونـك قمر ويدور في شمسـك حبيبي.. سمني بنفسـك احب الحـب مـن حبـك وعاشق لك ومغرم بـك اموووت بضحكك وهمسك حبيبي.. سمني بنفسـك شغلتـك وش تسمينـي وأنا ويش اللي يرضيني سوواني ملكها خمسـك حبيبي.. سمني بنفسـك[/align] |
يا خاينه وين الوعود
[align=center]
يا خاينه وين الوعود يا خاينه زيحي الحدود==وين الاماني والعهــود واحـلام ماتت بالولـود==من بعد هجرك والصـدود يا خاينه. . . وين الوعود ارتاح بالك يوم خان==خنتي الاماكن والزمان وأنا وحبي والحنـان==مثلك لو يعطا جحــود يا خاينه. . . وين الوعود ماني على مثلك حزين==حزني على عمر وسنـين ياليت بس تستاهلـين==من بعض ما قلبي يجود يا خاينه. . . وين الوعود من خاننا والله خان==ما عاد نعطيه الامان ولا بتطريه اللسان==يرجع ويتاسف بــزود يا خاينه. . . وين الوعود جيتي وقصدك ترجعين==شملك وشملي تجمعــين اي والله انك تحلمين==مارجع لو الدنيا ورود يا خاينه. . . وين الوعود تبقي لقلبي خاينه==ومنتي لعيني زايــنه وللحب منتي صاينه==ذكرى من الماضي تعود يا خاينه. . . وين الوعود[/align] |
ما مات زايد . . .
[align=center]
ما مات زايد . . . ما مات زايد دام هـو حـي فينـا من مثل زايد حي بالقلب ما مـات ننسى كثير... ووالله هو ما نسينـا وسط الحشا ساكن مع الفكر والذات رمز الوطن في كل شي لو حكينـا عنوان واسطوره لكـل الحكايـات الفضل لله.. ثـم لـه لـو سمينـا لو ينذكر زايـد ذكرنـا الامـارات باني الوطن لو لاه هـو مـا بنينـا زند القبايل والعرب كيف ما جـات لو شاف وطاءات الزمـن تعترينـا طول الليالي يسهر الليل مـا بـات عالي مقامـه خيـر م الله عطينـا نفخر باسمه في جميـع المجـالات لو نوصفه ما ننتهـي لـو بدينـا والحرف يخجل يوصفه نثر وابيات شيخ الكرم كـف العطايـا امينـا شيخ الوفا والطيب حاني الملمـات قلب الحنون.. للصعب شامخ متينا وجه السموحه والرضا في المقامات نهج القيم عادات مـن خيـر دينـا قدوه لنـا منبـع لكـل المسـارات يرحمـك ربـي كلنـا لـك دعينـا يجزيك بفعالك جنـان(ن) نعيمـات ويجعلك ربي ضمن من في اليمينـا اللي لهم بالصالحـات العظيمـات ما مات زايد... دام هو حـي فينـا من مثل زايد حي بالقلب ما مـات[/align] |
بوسة العيد
[align=center]
بوسة العيد ما عيد.. الا جنب قوم وقبايل من مثل اصلك ماسك(ن) في مباديك الطيب والاخلاص واحلا الدلايل متوارثه بك ساس واركان ماضيك ابوس خدك يا فريد الخصايل وشلون اضيع بوسة العيد ماجيك اجيك يا كرم من مزون(ن) همايل ويطعم من الرمان لذة حكاويك اجيك يا سما من في الفكر طايل يا فكرة(ن) كل الفكر ما تجاريك اجيك بحساس(ن) من الحب مايل لك يا بعد قلب اعتنا لك وهاويك اجيك وانثر نبض قلبي رسايل نبضات ود ولهفه وشوق بعطيك اجيك يا نايف ويا حيد هايل نايف على رؤس العلا من يعاديك يغلا العرب من المكلا لـ حايل يغلا البشر في داخلي من يساويك الذكر يبقى وما عدا الذكر زايل والله لخلي الكون بالعيد واجيك[/align] |
عيد العيد
[align=center]
عيد العيد يهل العيد ويعم الفرح واجيك واعايد ومدري التهنئه بالعيد لك او بك اهني العيد يا عيد العيد.. فرحه بفرحتين وعيدي الزايد على خدك طبعة اربع قبل وان في مجال ازيد يا كل الحب يا لهفة عمر يا حبي السايد نسيم العشق يا شمس الضحى يا حالي التنهيد احاسيس الهوى يا نبض هايم غصب مو رايد مسير مو مخير مو بكيفي اريد او ما ريد سكني غصب حبك مو رضا احيد واحايد لانه صاب سهمك في الحشا واحرمني التنديد مثل ما قلت لك شلت السلاح وجيت لك صايد وصادتني عيونك صدتني وان كان قصدي اصيد بسيطه دامني لك وانت لي مفيود لو فايد انا ملكك او انته ملك لي ماهمني التحديد ما دام الحب يجمعنا وذا يعطي وذا جايد تأكد كل مافي الكون يحسدنا بلا تأكيد الا يا عيد عيدي يا سعاده يا فرح زايد الا يا عيد عيدي اعايدك واعايدك واعيد سنيني اتناشدك وبكل عمري جيت لك شايد تعال وخل ايام العمر اعياد يحلا عيد[/align] |
انت غير الناس لو تعلم
[align=center]
انت غير الناس لو تعلم لعنبوا ذا الرمش لا سلهم يربك الخافق بسلهامه ينطق الخافي ويتكلم والنظر يذخر بترجامه ادعج العينيين ما يرحم يقتل العاشق تبسامه مر يا ويلاه لي سلم واعلن المسبي باسلامه مد يده ناطقي مبهم يشبك ابهامي على ابهامه وانفرد بي قالي يا ابلم ليش ساكت خابر اعلامه قلت يا زين الحلا مغرم منذهل يا باهي القامه مثلك انته بالحلا معدم ومثل زينك ماحد(ن) رامه بدر وجهك والعسل بالفم جل من سواك بلهامه سلمك ربي ولي تسلم فدوتك عمري وايامه قالي يا شيخ ما نعدم هالمجامل منك لي دامه للمجامل قلت ما افهم وانت فوق الوصف واقلامه صرت تسري داخلي بالدم والحشا والروح بك هامه انت غير الناس لو تعلم نبض قلبي ومنتهى احلامه[/align] |
رد: ديوان الشاعر/ عمر صالح اليافعـــي
[align=center] ماء شالله عليك لا رمتك عين ربي يحفظك لنا
ويحفظك لامك وابوك وللذي في الطريق والله يستاهلك وهذا صاحب فال قوي مبروك عليه عمر اليافعي هديه ماء بعدها قديه ههههههه سلمت يدك ابو صالح ولك شكري الصقر اليافعي[/align] |
رد: ديوان الشاعر/ عمر صالح اليافعـــي
اقتباس:
[align=center]يعافيك ربي يا صقر الصقور مرورك يشرفني وكلماتك ستبقى بمثابة شهاده لك اعتز وافتخر بها تقبل مني اجمل التحايا[/align] |
| All times are GMT +3. The time now is 06:55 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لمنتديات سماء يافع
mamnoa 4.0 by DAHOM