قصيدة قبائل حضرموت في رثاء المقدم بن حبريش للشاعر عوض بن علي الجوهي
 

[poem=font="simplified arabic,4,blue,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
[poem=font="simplified arabic,6,royalblue,bold,normal " bkcolor="transparent" bkimage="backgrounds/2.gif" border="double,4,gray" type=2 line=0 align=center use=ex num="0,black"]
بالواحد القـدوس خالقنـا ابتـدي= رب ا لبريـة جنهـا وانسانـهـا
يافالق الاصباح بالنـور المضـي=يا من له العـزه ولـه سلطانهـا
نسالك يامن كنت في جودك سخي=تصلح اراضينا وتصلـح شانهـا
وتنزل الغفران على العبد البـري=لي قد قتـل بالغـدر فـي ريانهـا
تدخله في الفردوس مع طه النبـي=يقطف ثمر وازهار مـن بستانهـا
له كل ما يطلب وكـل مايشتهـي=فيهـا ويلبـس سلمهـا وامانهـا
في الجنة الخضراء بسندس يكتسي=تدني على راسه قطوف اغصانها
كل ماتلذ عينـه ونفسـه تجتنـي=من تمرهـا واعنابهـا ورمانهـا
يشرب من الكوثر الى ان يرتـوي=ويستلـذ مـن خمرهـا والبانهـا
ياكل لحوم الطيـر حتـى يكتفـي=يرتع ويتمتـع بـروض اجنانهـا
عنده رحيق النحل من صافي نقي=ويطوف بالاباريـق لـه ولدانهـا
بجوار حورعين منهـن يصطفـي=ماطاب في نفسه وهـز وجدانهـا
هيفاء حسينة ذات مظهر جوهري=من حسنها بانت عظـم سيقانهـا
لي ثغرها مشرق ومنظرها زهـي=يحظى بكامـل عطفهـا وحنانهـا
وتبيـن القاتـل لنـا يامعتـلـي=ياعالـم الاسـرار فـي اكوانهـا
لي هو قتل مقدام بـو الفيـن زي=ما خاف من حضري ولا بدوانهـا
لابـد مانسحقـه حتتـى نشتفـي=هو والذي خطط وشـب نيرانهـا
هـذه بوادينـا علـى مبدأقـوي=تمشي ولاثـارت طغـى هيجانهـا
والكل منا أصل عربـي وحـدوي=من أصل عدناني ومـن قحطانهـا
عربي كريم الاصل مسلم شافعـي=لاهو مـن اوروبـا ولارومانهـا
مقدام ومحارب بطل شاجـع ذكـي=يدعو الى خير البلـد واحسانهـا
والوعل نده وعل مثلـه مربعـي=ماتنادي الفرسان غيـر اقرانهـا
وبلادنـا ياقـوم واديهـا حـفـي=ماقد ثبت غازي وسـط وديانهـا
هي مقبرة للترك من سابق مـدي=والانجليزي خـار مـن فرسانهـا
والبرتغالـي لاذ منهـا ملتـجـي=ببواخـره واسطولهـا وربانـهـا
فيها القعيطي والكسـادي محتبـي=والواحـدي واليافعـي شجعانهـا
والعوبثانـي عندنـا والشنفـري=وابن الحمومي والبطـل سيبانهـا
وعيال نـوّح اهـل دار العكبـري=ورجال كنده هـم حمـاة اوطانهـا
والعولقي والصيعـري والعامـري=وابن الكثيري لي مسـك بعنانهـا
والجابري مـن عندنـا والثعينـي=وعيـال نهـد الباديـه حكمانهـا
والليث في الصحراء المنهالي أخي=والقائـد الكربـي يشـد اركانهـا
وابن الوزيري والعمودي مغتضي=والشهم باعبـاد شيـخ ازمانهـا
واخواننا الساده عيـال الهاشمـي=هم قـادة الديـره وهـم اعيانهـا
والختم صلوا على الشفيع المهتدي=بعداد حـب الرمـل فـي كثبانهـا
[/poem][/poem]