منتديات سماء يافع - تعال أقول لك لو تبي تخطب وش تسوي؟

منتديات سماء يافع (http://http://yaf4.com/vb/index.php)

- عـــالــم ومـمـلـكـة آدم (http://http://yaf4.com/vb/forumdisplay.php?f=178)

- - تعال أقول لك لو تبي تخطب وش تسوي؟ (http://http://yaf4.com/vb/showthread.php?t=23547)

تعال أقول لك لو تبي تخطب وش تسوي؟

بسم الله الرحمن الرحيم
السلام عليكم ورحمة الله وبركاته
النصـائح لاخواننـا الشبـاب << ترى مايمنع لو متزوج ويبي يتزوج الثانية او الثالثة او الرابعة..
عشـان اذا خطبـوا لايفشـلونـا
اذا خطبت وش تسوي
أولا:اياني واياك تحلق مره ويصير وجهك املط عشان مايقولون( نعووم) . ترى البنات يموتون في شي اسمه سكسوكه.
·ثانيا: في اليوم اللي بتقابلها فيه لا تروح تسهر مع الشباب ثم تغمض عيونك كأنها زر بالطو... ارقد من بعد العشاء وقبل الموعد اشرب لك قهوه تركيه تصحصحك علشان ما تفشلنا بفهاوتك.
· ثالثا: كثر من مشاهده الافلام المصريه القديمه وواحفظ منهم كم كلمه وشوي حركات وغمزات..
ويالله عساك بس تذوب البنت.. مع اني ما ظنيته.
رابعا: رح لحلاق صاحي يعدل في خشتك شوي واهم شي الصنفره والقناع وان وجهك ناشف ادهن وجهك بفازلين.
خامسا : قصص اظافرك زين وابردها لا تمخش بنت الناس.
سادسا: يجب ان يكون الثوب مكويا جيدا وخاليا من الكرمشة ومرزام الشماغ مضبوطا وانتبه للعقال ان لا يكون مائلا.
سابعا: لا تلبس شبشب وانما البس جزمة (وانت بكرامة) وشراب. وقبل الخروج لمع جزمتك جيدا حتى تكون أنيق.
ثامنا: لا تروح لها فاضي ياحظي , خذ معك ورده
واذا كانت البنت قرويه خذ معك تنكة تمر سكري والا راس غنمة لتكسب ودها وتقدير امها.
تاسعا: وانت عند البنت خلك ثقيل لا تتهبل ولكن ذا ما يمنع من شوي من الرومانسيه
كأن تقمعها مع راسها لتعبر عن اعجابك بخفه دمها.
عاشرا: لا تنتقدها كثيرا كأن تقول : " انك متينة يا بعد مصراني" والا " ماهذه الخلاقين ياطحالي من وين مجمعتهم" .
واكتف بالتلميح للاشياء التي تعجبك كأن تقول " ياحبي للتسريحة" " يازين الفستان الاحمر".
وبين لها انك معجب فيها
احدى عشر : لا تطول القعده عندها ولا تكثر الزيارات علشان يتقطع قلب البنت وتشتاق لك.
يعني اكتف بمره وحده في اليوم والليله.
اثنى عشر: اثبت رجولتك بعد ان تطلع من عندها وذلك بأن ترمي شباك غرفتها بالحصى واذا طلت شغل سيارتك وفحط وارسم ( قلب ) على الزفلت وبعدين روح.
ثلاثه عشر : واذا وصلت بيتكم رح لغرفتك وصك الباب زين وسد الفتحه اللي من تحت بفوطه وسد القفل بمنديل
عشان محد يتسمع او يتلقف في فتحة اخرى
واتصل عليها وقل كل اللي عندك , لا يردك الا لسانك وتقفيله الخط في وجهك اذا استحت البنت وتأزمت حالتها..
هاااااااااااهـ وش رايـــكم بالأسـاليـب؟؟

طبقوهـا وعطـونا النتــائج ههههههه
بس انا عندي احساس انكم ياشباب
منتدى (سماء يافع) احسن بشوووي
بس ع العمووم الله يستر منكم بس ..وخصوصاً الوادي
تحياتي لكم
.....
منقول