منتديات سماء يافع - حبك عسى الله لا يجيب لك عافيه

علمتني بس كيف احبك واكتفيت
رحلت عني وذكرياتك باقيه

وفيت بما فيني ومن قلبي وفيت
وادري الحروف الناعمه مش وافيه

صديت عني وعقب صدك انتهيت
وخليت عيوني من صدودك باكيه

نسيت حبي لك وانا اللي ما نسيت
حبك عسى الله لا يجيب لك عافيه

كنت اكتب الشعر واذكرك في كل بيت
وكنت ازين بك حروف القافيه

لكن مصيرك محتريك مهما حييت
لك يوم تتكوى بنار(ن) حاميه

وراح تذكرني يوم جيت ارتجيت
قلبي واحساسي ونواي الصافيه

يوم قال لك قلبي هلا دامك لفيت
ابشر بطبك للجروح الداميه

وصرت لك بلسم الى حد ما شفيت
من الجروح واليوم صارت شافيه

واليوم جيت تصب فوق النار زيت
يعني تجازي طيبتي الماضيه

فأسمع كلامي دامك انت اللي بديت
محبتك صارت سحاب متلاشيه

ان كان قصدك انحني لك ما حزيت
لو انت غالي فالكرامه غاليه

مادام دربك هجر عزمت ونويت
ابعد عن عيوني فستين داهيه

راح اعتبر انك حلم بالنوم جيت
حلم(ن) ومر وراكنه بالزاوية

غيرك كثير من البشر والا نسيت
اني استطيع اعشق مليون غانيه

وكم فاتنه تتمنى لو اني حكيت
حكيت له كلمه وتجيني حانيه

وكانك دريت بعزتي اوما دريت
لي هامه فوق النجوم العاليه

شامخ ومتواضع وللقمةرقيت
بقمه اخلاقي وصفاتي الساميه

وافي وعلى درب الوفاء دايم مشيت
ولا مشيت درب الخون بزمانيه