عهدي بها قبل تلبس عبايه
 

[poem=font="traditional arabic,6,deeppink,bold,normal" bkcolor="red" bkimage="backgrounds/12.gif" border="double,4,gray" type=1 line=1 align=center use=ex num="0,black""]
عهـدي بهـا قبـل تلبـس عبايـة=وأنا بعد قبل لا ألبس شماغ وعقـال

طفلين نتهجـى حـروف الهجايـة=الله ياماأجمـل سواليـف الأطفـال

كانت لنا في كـل شـارع حكايـة=وكنا نقول علـوم ماهيـب تنقـال

وكنت أتقاسـم معاهـا مـا معايـة=من(عسكريم)التوت وعلك ابو ريال

وكانت بعكسـي شاطـرة بالقرايـة=تقراء جزء عـم وطـه والأنفـال

وأنا لكـ الله مـن مـواري غبايـة=مدري أبو نقطه هو الذال أو الـدال

وكانت لأبوية تشتكي مـن شقايـة=وتعلمة كيف أربط البـاب بحبـال

ياما على ظهري كسر من عصايـة=يقولي : خلك وأنـا أبـوك رجـال

وأمي تقول :أدع لولـدك بالهدايـة=خوفي تصيبة من كثر الضرب بهبال

وأنا لا شفتها من أول الدرب جايـة=مدري انا الي ملت او الدرب مـال؟

أحس قلبي يرتجـف فـي حشايـة=ماكنة إلى ضيـف لا هـز فنجـال

ياما من ( السعلو )تخبـت ورايـة=لا خو فوها فية ثم شافـت ضـلال

تقـول: خلـك حبيـبـي معـايـة=وأستانس ألعب عندها دور الأبطال

وأغار حتى من عيـون أصدقايـة=لا طالعوها قلت :تكفوووون يعيـال‬[/poem]

مما راق لي

رد: عهدي بها قبل تلبس عبايه