|
أمـانـه الله عليك لايكون قلبك مثل قلب الزمن جافي
من عز نومي صحيت وشفت في عينـي دمعٍ تهادى علـى جفنـي وأنـا غافـي ستـرت دمعـي بكمـي قبـل يغرينـي وأخذت هذا الجسد مـن باقـي لحافـي وسريـت تايـه ورا خطـوات رجلينـي لا الوجه وجهي ولا أوصافي أوصافي أمشـي وأقـول لطريقـي لا توديـنـي لعيون ناس تبي تـدري عـن الخافـي أمانتـك.. خلهـا مـا بينـك وبيـنـي خابرك يالـدرب خـوة عمـر وسنافـي مـا ودي النـاس تـدري وش يبكينـي كرامة النفـس ورث أبـوي وأسلافـي أمشي وأحس الخناجـر فـي شرايينـي والبرد يمشي وراي وينهـش اطرافـي وحيـد واللـيـل بـردونـه يغطيـنـي تقـول كـن البلـد روّح بهـا السافـي إلين ما أوحيـت لـي صـوت ينادينـي صوت أعرفه مثل ما أجهل وش خلافـي قمـت أتلفـت وانــادي لا تخليـنـي ما غيره.. الصوت هذا صوتـه الدافـي ولمحت زولك من أقصى الدرب لافينـي مدري وش اقول لكن حـي هـا اللافـي تعال.. شف غيبتك كيـف أثـرت فينـي تعال.. شفني وأنا أغرق عقب مجدافـي تعال.. خذنـي ورحبـي مـن عناوينـي تعبت أعدي على جمـرك وأنـا حافـي تعال واقطف بصوتـك زهـرة سنينـي كـل المواعيـد عقبـك شمعهـا طافي تعـال وازرع خصـل شعـرك بكفينـي بضمهـا ليـن أحـس بليلـك الظافـي تعال وشفيـك خايـف؟ أنـت ناسينـي؟ قطعت صوتـي عليـك وطـال ميقافـي حتى بديت أشعـر أن الحـب معمينـي وان أنت حلم عثى فينـي وأنـا غافـي لكن أمانـة تـرى اللـي فـي كافينـي إن رحت منك كذا مـا رحـت متعافـي بصـدق الحلـم وأحـذر لا تصحيـنـي في خاطـري كلمتيـن إن قلتهـا كافـي أمانة الله عليك إن غبـت عـن عينـي لا يكون قلبك مثل قلـب الزمـن جافـي مع كـل دمعـة تذكـر رعشـة يدينـي ومع كل ضحكـة تذكـر قلبـي الوافـي |
رد: أمـانـه الله عليك لايكون قلبك مثل قلب الزمن جافي
آمانة والله وانا اقرأ وجدتها تهز كياني ..
سلمت يالغالي على هذا الانتقاء وراح اخذها الى مدونتي لانها مرت وعبرت جوانحي واستوطنت قلب كله حزن والم وجراح لله درك اخي اخيل .. |
رد: أمـانـه الله عليك لايكون قلبك مثل قلب الزمن جافي
اقتباس:
ياهلا والله باخي الوعد وزين انها راقت لك كما راقت لي شكرا لك ولا يحرمنا تواصلك الدايم معنا |
رد: أمـانـه الله عليك لايكون قلبك مثل قلب الزمن جافي
اخي بارك الله فيك وصح لسانك حلم وما هوه حلم انه شبه الحقيقه
وهذا ناس كثير تحلم فيه لا تفكر او تخاف انه انته الوحيد بس الذي تحلم بهذا الحلم المهم صح الله قلبك وبارك الله فيك وانا امزح معك نخلي حلمك لك وكل واحد باحلامه ياخذ راحته لك شكري واحترامي |
رد: أمـانـه الله عليك لايكون قلبك مثل قلب الزمن جافي
اقتباس:
ههههههههههههههههههههههههههه يالصقر والله اني فطست من الضحك تصدق توني اقرا القصيدة بتمعن الان النسخ والصق حاجه فضيعه ياراجل ههههههههههههههه حتى الالوان انقلها مثل ماهي لصاحبها المنسوخ منه . واثاريك رااعي احلام الى الان!! عني انا شبعت واكتفيت احلام والان الحمدلله مثل ماقالوا غاااارق بالنعمه الحمدلله وهذا من فضل رب العالمين . لكن مثل ماقلت لي هو سلى وتقضية وقت هههههههههههه الله يسلي عليك وربي اضحك للان هههههههههههههه .شكري وتقديري لك |
رد: أمـانـه الله عليك لايكون قلبك مثل قلب الزمن جافي
اقتباس:
كل الروووووووعه حضورك اختي اميرة واطلالتك الاكثر من رائعه ياشيخة المنتدى امين الله يسمع منك ومن قال لها اكثر واكثر يااارب الف شكر يالغاليه ودي |
| All times are GMT +3. The time now is 03:18 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
جميع الحقوق محفوظه لمنتديات سماء يافع
mamnoa 4.0 by DAHOM