منتديات سماء يافع - وصــيك في حـبـي. شــاعر الاشواق

http://up.arab-x.com/Dec11/Ztv85382.jpg

مبروك ياخلي عسى الله يهنيك
باركت لك من قلب يهواك بجنون

الله يكتب لك سعاده ويعطيك
كل الذي تبغيه ياجعله يكون

ويكون في علمك مهقيتها فيك
انك تبيع الحب منشان يرضون

تراك بترضيهم وتهدر دم بيدك
دم(ن)عشق حتى مماشيك بالكون

والحين خله يستمع يوم اوصيك
خله يقول بخاطره صدق مجنون

اوصيك في حبي ولا يحاول ينسيك
منهو لجل عينك تحمله طعون

ومنهو لجل خاطرك لاغبت يبكيك
ولا انت لاتوصي مكانك بالعيون

ومهما زماني دار ماني بناسيك
لكن تذكر شخص من البعد مغبون

والحين ياروحي عسى الله يخليك
المعذره والله عارفك ماتخون

لكن قدر مكتوب من قبل ماجيك
وابيك تعرف حالتي بعدك شلون

الله يصبر قلبي لاحل طاريك
اكيد بتتزايد جروحه ولطعون

لكن ماودي اكثر بحكيي ولا اذيك
خله بجوفي طول الايام مدفون

الحين اباودعك ربي يهنيك
مع اللي تمنيت امكانه انا اكون

الشاعر/علي شداد الرشيدي(شاعر الاشواق)