منتديات سماء يافع - بدع ابو سلطان السعدي وجواب صالح اليافعي

منتديات سماء يافع (http://http://yaf4.com/vb/index.php)

- نـبـض الـقـوافـي (http://http://yaf4.com/vb/forumdisplay.php?f=49)

- - بدع ابو سلطان السعدي وجواب صالح اليافعي (http://http://yaf4.com/vb/showthread.php?t=6268)

بدع ابو سلطان السعدي وجواب صالح اليافعي

بدع أبوبـدر و سلطان السعدي لصالح اليافعي

[poem=font="Simplified Arabic,5,white,normal,normal" bkcolor="transparent" bkimage="backgrounds/26.gif" border="solid,4,firebrick" type=1 line=0 align=center use=ex num="0,black"]
قال أبو بدر شل الخط يا طير نبراس =وصله يد أبو سلطان ساعة نعاسه
وهده الورد والكاذي من خير لولاس =صب له من عسل صافي مليان كأسه
جيت بسائل على يافع وعن حالة الناس =في زمان العجايب كيف أهله وناسه
يافع العز والتاريخ هو تاج عالراس = دائمآ مرتفع ما قد حنا يوم رأسه
لكن اليوم ذي شفته دخل قلبي اليأس = من بشر شفتهم يتعاملوا بالخساسه
ناس ماضي لهم اسود ملطش ومنداس = ناس ما يعرفوا غير الحسد والنجاسة
بالكذب والحيل يمشون من دون مقياس =لا نكشف موقفه بالحال غير مقاسه
كم اسر خربوا ودمروها من الساس = وكم رجاجيل ذي راحوا ضحية دساسة
للأسف هم مشايخنا وهم خير جلاس =ذي بهم نفتخر بين القضاء والسياسة
هم رؤوس البلايا مثل ما سوس لضراس=تآكل الضرس من داخل وتنهي حواسه
لو تقاضيه عنها باتصل فوق لجناس =ما يفيد الدواء لو ما نقلع من أساسه
وين ماضي مشايخنا يداوون لنفاس=لا تهجس يحل المشكلة في هجاسه
كلمة الحق ينطقها كما قطع لمواس =ما يفكر بر شو ه أو بكشخة لباسه
ذاخرج فصل والثاني على صوت لجراس=حول وحدة يمنا في زمان التعاسة
وحدة الشعب والشطرين قلنا فلا باس=وين وحده مشاريع اليمن يا رأسه
ارض يافع ضحية ما وصلها ملا كاس=لا طرق جاهزة لا كهربا لا دراسة
كم نطالب بخطه من رصد لا مكيراس =كل ما جاء ممول يخلسونه خلاسه
(17سنه نضرب بها خماس في سداس=والمشاريع تتنفذ بأرض السياسة
طرزوا دارهم بأحلا جواهر والماس =وارصنا زودوها هم بعد الونا سه
‎ضيعونا ‏ بتوقع الحبر فوق غرطاس=كل ما قلت تفرج زاد بالقلب يأسه
عادنا احزيك من بازل صغير وحساس=من معادن مكون شي وشي من نحاسه
لو تمعنت في بحره تراء صرت غطاس=البلا كيف تطلع ونت هاوي غطاسه
وسط لعماق كم تبحث وكم فيه تحتاس=كم فوايد تحصل به وكم به دناسه
وختم القول في ذكر النبي سيد الناس =احمد الهاشمي يشفع لأهله وناسه[/poem]

جواب صالح اليافعي على الشاعر ابو سلطان السعدي

[poem=font="Simplified Arabic,5,white,normal,normal" bkcolor="transparent" bkimage="backgrounds/21.gif" border="solid,4,firebrick" type=1 line=0 align=center use=ex num="0,black"]
هز يا شوق واسقيني ملذات في كاس =وأطرب القلب وأستلطف بأجمل حواسه
وأمزج الحب من طرف ألبنانه الى الرأس =وأعتله مثل شامخ حط ساسة برأسه
وأبعد الهم خل الهم يضرب مع اليأس =اجعله لا يحدد كم بعد في قياسه
أضربة ربع في ثلثين وأسداس بخماس =وامتطي في ربوع الحب ظهر الفراسة
واشتره جوكر البطة مع يكة الهاس =لجل تحلى ليالي الفرفشة والوناسة
مرحبا طير أجناحه ترفرف على الرأس =جاب لي خط ذي يحمل بنود السياسة
مرحبا به عدد ما هز بالجوف نسناس =يبرد القلب في ساعة خطوط التماسه
بالتواضع وبالطيبة وبحساس وأنفاس =رد يا هاجسي وأبنه حجر فوق ساسه
أكشف أوراق شاعرنا من الساس للساس =بدله في ذهب عادي جواهر وماسه
وأهد له زهر ريحاني من أطراف لولاس =وأهد له من عسل جردان صبه بكأسه
ضيّفه في قصور الحب وأشواق وإحساس =وأغرقه في ثنايا الروح من فوق رأسه
شاعر الكلمة الحلوة على العين والرأس =له معزه بقلب المولعي من أساسه
وأنت يا هاجسي ورد من الشعر هوجاس =رد بأبيات خله كل شي له مقاسه
فلسس المروة البيضاء من الحيد فلساس =وأردف أبيات من اجل الفخر والحماسة
الخطر دق ناقوسه بدقات لجراس =والوحوش أقبلت طافت خطوط الشراسة
كلمة الحق قد صارت من الناس للناس =شكلت دائرة وتحطهم في تعاسة
رفستهم بأرض الخير يا خوك رفاس =واقبل الشعب كلاً شل خنجر وفأسه
هكذا الحال يا بو بدر والناس أجناس =حد ذهب مننا وآخر غلاف ألنحاسه
واغلب الناس في يافع ذهب حلو وألماس =لو يغرب عدو نحوه يدوسه دواسه
راية العر مرفوعة على أشعاب قنداس =والمقابل ثمر ذي شكلوا له حراسة
بينما القارة النصبا لها خمس وأسداس =هيه مقر البيوت الشامخة والرئاسة
ذا خرج فصل والثاني بأعماق وإحساس =حول وضع اليمن ما نشهده ولتماسة
لم تزل أرضنا بتدحسس الشعب دحساس =بينما العالم أصبح في وكالات ناسه
لشتراكي نشر من خلف جاوه وتكساس =وحزب لصلاح كم يهلس علينا هلاسة
باقي المؤتمر بيجلس الشعب جلاس =يغمزه في عيون إبليس غمزت نجاسة
عود الشعب عالموضة وكثر التملساس =وكل ما حد ظهر بيخلسونة لباسة
وأصبح الشعب يتدرج من اليأس لليأس =مثلما الطالب الأمي بفصل الدراسة
لو نقيس اليمن يمكن يجي مسحت الكأس =نصف منه يقع أهل القضاء والساسة
هكذا قول بن صالح يغرس تغراس =من تحت لا تحت بلحس أبوها لحاسة
عازمي ع السفر بعبر قدا خط فنطاس =ع اليمن متجه لا نحو أهله وناسه
حيث ذي دمهم يسري بروحي ولحساس =جنبهم تحلى أيام السلى والوناسه
وحل لغزك ترى قايست حلّي بمقياس =كمبيوتر سريع الذبذبة في سلاسة
وأختم القول ما نسنس هوى الحب نسناس =كل واحد يصلي ع النبي من حواسه[/poem]
تمت عام 2006