دنيا عمر ....!!



حبيبي ويش اسوي دام تنقـص يـدي الحيلـه
ظروف الوقت تقهرنـي وأنـا ماعادنـي قـادر


أحبك.. وأعشقك.. وأموت بك.. والوافي اوفي له
أنا في أرضك.. وحولك ونجمك بالسمـا سامـر


ياعمري.. يابعد روحي.. حياتي.. وعين تكحيله
ياكلي.. ياهلي.. ياصحب نفسي.. الصادق النادر


أحسك في فوادي.. داخلي.. نبض الحشا شيلـه
سكنت القلب يا نبضات قلبـي الصافـي الطاهـر


الا ياحلـم آمالـي.. وفكـري وكـل تحليـلـه
الا ياحرف كلماتي.. التي صاغـة بهـا شاعـر


الا يانـور.. يادنيـا عمـر.. يايـوم.. ياليلـه
الا ياعمر عمري.. ياسنيـن العاشـق الساهـر


الا يايوم ميلادي.. طموح أنفاسـي أعطـي لـه
الا يامالك أحسـاس الولـه.. يامهجـة الخاطـر


الا ياحلـم راودنـي سنيـن العـمـر تاويـلـه
الا ياحضـن نسانـي الهمـوم بفكـري الحايـر


الا ياعين تشرق بالأمـل بالنـور تضـوي لـه
الا ياقلب ينبض بالفـرح مـن شوقـي الجايـر


الا يافكر خطط فـي سبيـل الكيـف تاتـي لـه
حبيبي والسبب مسحور حبـك وأنتـه الساحـر


أحبك.. وأعشقك.. وأموت بك.. بالحيل والحيلـه
طموحي بس اشوفك عاشقـي ولشوفتـي طايـر


يريح القلب حبك.. لـو يـذوق الهجـر ياويلـه
ياحلمي.. ومنيتي.. ياحب فيـه أعتـز واتفاخـر


عموم أنت الرجا واحلا طلب من رب أدعي لـه
وأجمل ماتمنة نفس.. وفكر.. ونبض لك سايـر


وتبقى أنت أغلا شي حبيبي كنـت اسعـي لـه
وتبقى صورتك في قلب حبك.. لـيومـه الآخـر