رد: ديوان الشاعر القدير الصلاحي م
[align=center]مساجلة رقم -1-بيني أنا محمد الصلاحي وغبة بحرا 16/11/2008م
بدع من الشاعر غبة بحر -- خالدالسعودي من أبها
يا الشاعر اللي يفهم القول بالله
بانشدك وأبغى منك شور وإجابه
عن شخص خانه خله بدون زلّه
وش حيلته قلبه وقف من عذابه
غدت عيونه بالدمع مستهلّه
والهم نوّخ وسط قلبه ركابه
والحزن فنجاله والأوهام دلّه
والدمع تالي الليل خده سرابه
يتذكر الماضي ولا بيوم ملّه
وذكراه صارت مع همومه قرابه
في وسط قلبه ألف علّه وعلّه
ودنياه صارت من جفاهم كآبه
مسكين حزنه صار له مثل ظلّه
يمشي مضيّع بالشوارع صوابه
مجنون .. لكن درب خلّه يدلّه
ضايع .. ولكن سمعته له مهابه
وصيته لا زاد بالصدّ خلّه
هلّوا عليه بوسط قبره ترابه
وقولوا رحل في عزته ذون ذلّه
بأسباب غدر الخلّ راح بشبابه
يا الشاعر الحق بالدواء رح وقل له
كنك طبيب وكان عندك طبابه
جواب من محمد عبد الله الصلاحي
باسم الا له ابدا بالخبر واستهله
الى اللي من الشعار يطلب طلابه
هذه نصيحه من الصلاحي كتب له
من الصلاحي رد هذا جوابه
للشاعر اللي يشتكي الغدر قل له
يشكي على مولاه مما أصابه
شكو الخلق الله فيها مذله
من يشتكي لله يخفف عذابه
ليش الشكا ياخذ حلالا يشله
ويبعد عن الزلات ويحفظ شبابه
وفي الزواجه عقدته مستحله
سنة رسول الله هو والصحابه
لا ينوح لا يحزن على غدر خله
يرجع الى مولاه ويدق بابه
أرض العرب فيها حلا الزين كله
يضفر بذات الدين يكسب ثوابه
ذات الخلق والدين زوجه وشعله
اتضيء وتعمر دار كانت خرابه
متدينه تجلي همومه وزعله
وتعاونه عالخير تعمل حسابه
وتتبعه في دنيته مثل ظله
تسعد حياته مالها من مشابه
أما الغزل والهزل يذهب بعقله
ويلقى الردى والهون ويا السبابه[/align]
|