هلا قال ابو عدنان ما رشرش المطر = وما قامت الاشجار بالارض وثمره
هلا بالاحبه ذي بهم يحلا السمر = هلا بالكواسر والجنود المعصره
هلا بو علي ع الراس سويت لك مقر = هلا خيرة الشعار ذي يسوى اعشره
هلا بيرق السعدي هلا النجم والقمر= فلك وسط قلبي بيت ياخوك مكبره
فهيا معيا ياهل ذا الدار قد حضر = ضيوفاً اعزاء فيهم النفس فاخره
فبالارض بالله افرشوا زل معتبر = وخلوا المجالس بالمباخر معطره
وقصوا روؤس الابل والبوش والبقر = وخلوا المضوّي يجعل الجو مزهره
وما هو تكبر او تفاخر بما ظهر = فيا ويل نفسي ان في شي تكبره
ولكن حضور اثنينهم باعد الكدر = ومهما نقدم قلت للنفس قصّره
فكله من الموجود ون كيسة الكمر= خليه فحيا ع الذي قد تيسره
وبعد انتهز فرصه وبنشدكم الخبر = عن احوال دنياكم عساها ميسره
ونا احمد المولى معي كل شي سبر = فله حمد ماداره جواهم وامطره
وعيش ابن آدم ... السعاده لمن صبر = فرب الخلايق بالمسرات بشره
فمهما يكن ما عذر ينجيك من قدر= ولو تجتمع لقوام تنفعك ما قدره
ولا حال يبقى طولت الوقت مستقر = انا شاب لكن عيشتي كم تغيره
ركبنا ابو دبه وحنيت بالشفر = وكم قد بيس من يد اخوكم تطايره
وايام مرت صرصر البطن وعتصر = وبمشي على اقدامي لرزقي بدوره
بعامل .. بفكر ... بس ما تنفع الفكر = فما قدر الرحمن لا بد تبصره
وذلحين بعد العسر الامر قد يسر = وبذن القوي نبني عماير مطوره
وما دام قلبي للقوي دايما ذكر = اموري سهيله والمعيشه كمعبره
خرج فصل والثاني على الناس والاسر = فبعض البشر لي ود اخنقه ونحره
اذا يسر الرحمن ل رفّع النخر = اذا القات مطول ياعجب من يكركره
نسي انها دنيا الى الاخره ممر = وعيش ابن ادم مابيبقى كمسطره
كفا لا هنا والعفو ان طال او قصر = وان كانت الابيات عوجاء مكرره
فقصدي تواصلكم عسى يجمع النظر = ومن رد ع الابيات من قلبي اشكره
وصلوا على المختار هو سيد البشر = فيا سعد من في قلب صادق بيذكره