منتديات سماء يافع - عرض مشاركة واحدة

22-08-2025

‏"في آخر الصفحة .. يسار ..
خبر صغير .. حادث قطار ..
مات أربعة ..
مكتوب في السطر الأخير ..
باقي التفاصيل .. في الصفحة العشرين ..
على الثرى .. وبين الورق ..
أجسادهم امقطعة ..
الأربعة .. لجل المساحة ما تشيل ..
وفي باقي الصفحة صور ..
فنان .. وحصان .. و كور .."
وطفل يلوّن القمر ..
وعطرٍ على ثوب الزهر ..
وأنا أقلب الصفحة بهدوء ..
أدور حروفٍ .. وسط السطور ..
أعشق تفاصيل الخبر ..
مثل بدر .. يومه فصّل الشعور ..
ألقى الحكاية في الرماد ..
ونبضها .. مدفون جوا السطور ..
أعيش في جرح الحكاية ..
وأرسمه .. لون وسرور ..
أدوّر المعنى الغميق ..
فـ غفوة الحرف الكسور ..
أحسب سكوت الورق ..
صوتٍ على صدر الشعور ..
وأحسب تناثر حبرهم ..
همسٍ ثقيل .. أو ظهور ..
ما بين سطر وسطر .. نشيد ..
وما بين دمعه .. ألف دور ..
لو ما حكوا .. تكفي الملامح ..
ولو حكوا .. خان السكوت ..
أنا ترى من طينهم ..
أمشي على حزني غرور ..
أشبه تفاصيل المطر ..
إذا نزل .. صامت دهور ..
أنا المحبّة .. اللي عشقت
تفصيلةٍ .. ما قالها الكل ..
ألمح خيال الفقد …
في ظل الحروف .. إن غابها الظل
أسمع صدى صوت السكوت ..
وأترجم إحساسه .. بطل
أكتب كما بدرٍ كتب ..
ما هو عشان أكون مثل ..
لكن عشان أقول له:
يا سيدي .. علمت جيل
كيف المفردة .. تصير وطن
وكيف القصيدة .. تصير نخيل
أنا من اللي .. لا قرا سطرٍ حزين
شاف الحروف .. تصير خيل
وشاف الدموع .. تلمع فنون
وتقول عنك .. ألف دليل