[align=center][tabletext="width:100%;backgrou nd-image:url('http://www.mlafaty.com/uploads/images/mlafaty-fb0d831950.jpg');"][cell="filter:;"][align=center][align=center][tabletext="width:60%;backgroun d-color:black;"][cell="filter:;"][align=center]


تعـــاتبني بنظـــــرات خـفـيــة
وأجاملها ولا ادري وش وراها
أجــاوبهـا بنظرات حـــــــزينة
تعبر عن ضنـا الروح وشقاها
أســــايرهــــا وأجاوب كل نظرة
وأخبي الوجد وأبحث عن رضاها
وعقب ما شفتها عرفت قلبي
تناســاها ولكن ما نساهــا
غلاها يزود مع زود الليالي
وباع الناس قلبي واشتراهــا
وصرت أغار أنا منها عليها
خطا نفسي وآنا أتحمل خطاها
وأغار من أمها حتى وأبوها
وأغار من الذي بأمره ولاهـا
وأحسد اللي تبره بالرعايـة
وأحسد اللي بأحاسيسه رعاها
وأحسد البنـز لا قامت تسوقه
أخاف أنه يشاركني غلاهـا
وأحسد الريح لا حرك شعرها
وأحسد عيون غيري لا تراها
وأغار من القمر لا شع نوره
خذت نور القمر واصبح ضواها
وأحسد الشمس لا بانت عليها
أشـعـتهــــا تسبب في أذاهــا
وأحسد الأرض لا داست عليها
أثر خطـــواتها تحيي ثراهـــا
وأغار من النجوم إليا تعلت
وشافتها وعيني ما تراهـــا
وأغار من الهدوم اذا لبستها
عساهـا ما تجرحها عساهـا
واغار من الخواتم في يديها
وساعتهــا وكل اللي معاها
وأغار من القلادة في نحرها
وأغار من الشعر لامن كساها
وأغار من القصيدة لا قرتها
ولو هي قصتي واشكي جفاها
وتشمل غيرتي حتى المرايا
يحق لهــا بشوفتها تباهـا
نعم وأغار حتى من الوسادة
وأحسد فراشها ويا غطاهــا
آلا يا من يســـــاعدني عليهـا
يوصلني هوى النفس ومناها
عجزت أعالج جروحي بروحي
جروح القلب ما تشفى بلاها
****
طلال السعيد[/align][/cell][/tabletext][/align][/align][/cell][/tabletext][/align]