منتديات سماء يافع - عرض مشاركة واحدة - بدع الشاعر احمد فضل اليافعي وجواب صالح بن سعدان اليافعي

14-10-2010

بدع الشاعر احمد فضل الموجة لـ صالح بن سعدان
23/ رمضان /1431هـ // 2/9/2010 م

[poem=font="arial,5,darkred,bol d,normal" bkcolor="transparent" bkimage="" border="double,4,purple" type=2 line=0 align=center use=ex num="0,black""]
قال بن فضل يا قهري ويا ألف حسره = عاب فيني الزمن أم فيه لصحاب " أعياب " ؟
كم تجرعت منه المُر مليوون مره = كم وكم قلت با عالج قليبي وما طاب
كلما زحت عثره جات لي ميت عثره = كلما شفت ضوء البدر نور ، رجع غاب
كلما قلت با حط القدم جات كسره = كلما قلت صاب الظن ونه رجع خاب
كلما قلت أقدم فيه للناس زهره = يرجع الزهر ذي قدمت أشواك وأنياب
والفؤاد انطوى والقلب يحرق بجمره = حتى لو صحت مهما صحت مافيش جوّاب
آآه ذا وقتنا مقساه ما شد حره = ويش أسوي ؟ وكيف أعمل ؟ وما الحل يا أصحاب؟
بعد ذا يا رسلوي قم من الصبح بكره = شل خطي وخذ جنبه روائح وأطياب
رغم أنه سيرجع لي في الحلو مُره = لكن الله يصبرني بها رب لرباب
سلمه يد صالح بعدما آخط سطره = وارفقه في نصايح لو نلاقي لها باب
يبن سعدان شف لو كان باليد جره = رائعه آه محلاها لها شكل جذاب
فالضروري نلاحضها بفتره وفتره = بل نحافظ عليها حتى لو فوق دولاب
قبل ما تنكسر بأسباب جرذي وهره = لنها لو تُكسر ما لها حد رغاب
ثم لو جيت تلحمها فما فيش دبره = ويش يلحم زجاج أصلي إذا صار أتراب
هكذا حال قلب المرء شف كيف أمره؟ = ما يُلحم لأنه من خلايا وأعصاب
خلنا منه هذا الأمر ، قم وإلق نظره = حاول إنك تحلل دون هماً وأتعاب
والحذر يا عزيزي لا تأوه بكثره = جيت أشرح فقط ما جيت لك حامل أعتاب
خذ مثل : قم تخيل إنك إنسان خبره = ورحت تعمل مع أصحابك وما كنت نصاب
ومن صفاء نيتك تعمل بزره ، وزره = لجل تصبح لهم شهره تصل كل لعراب
المهم ،، إشتغلت إنته وسويت مهره = حتى أنهكت جسمك والعرق منك صباب
وصار لك ظرف فجأه !! جاء مقدر بقدره = وغبت لك عنهم فتره ، وطبعاً " بأسباب"
وجيت ترجع وجدت إسمك ملطخ بغبره = وأقفلوا بابهم عنك مع الناس " لغراب "
ما تجد منهم لو شخص يثني بشكره = لنهم حصلوا غيرك قرايب وأنساب
كيف تشعر؟ وماذا تحس؟ ( طبعاً بحسره ) = هااااااه شف كيف هذا الأمر حارق ولهاب
لو يكن خاطرك والقلب من أصل صخره = سوف تلقى مضاضه لن الاحساس " غلاب"
بعد هذا وذا لا تبتلش شوف لبره = با تحدد مسار البوصله حول لقطاب
إنتهينا كذا ما ريد طوّال هدره = بس باقي أقرب لك بالأفكار قرّاب
شف صديقك إذا حسيت ضيقه وعبره = با تلاقيه جنبك لو تُكن وسط محناب
لكن إنه فقط صاحب سوالف وسهره = ووقت تحتاج له تلقاه شارد وهراب
أقبره ميت بل مليون قبره وقبره = واتركه ، واشطبه من دفترك شخص عيّاب
لا هنا بكتفي واختم كلامي بذكره = سيد الأنبياء طه وآله ولصحاب[/poem]

جواب بن سعدان على الشاعر احمد فضل اليافعي

[poem=font="arial,5,purple,bold ,normal" bkcolor="transparent" bkimage="" border="double,4,darkred" type=2 line=0 align=center use=ex num="0,black""]
يا كريم العطاء زد قلب أبو سين صبره=والهمة خيرت الأقوال من لب للباب
سخر الأمر لي واجعل أموري مسرة = وأهدني لا طريق الحق يا رب لرباب
سالك ألطف بنا من يوم حامي بحره= يوم لهوال ذي به شيب الراس شياب
قال أبو س بآنقطف من الزهر زهرة=من بساتين تنفح بالشمطري وإزاب
ورد ابيض بشكل العقد أحطه بصدره=خيرت الناس في قلبي ومن خير لصحاب
له معزه بقلبي بل وله فيه قدره=مثل شامخ جبل يافع وأودية وإشعاب
مرحبا في قلم خط المعاني بحبره=مرحبا أبيات جاءتني شكاوي وأعتاب
مرحبا مرحبا ما شن جاهم ومطره=وأسقي الأرض ذي تزرع سفرجل وعناب
مرحبا شاعر الكلمة وحيا بشعرة=لو وصفته يقولوا ابن سعدان كذاب
لكن الحق بأقوله لكم ألف مره=شاعر الحب سميته ومن خير كتاب
له دواوين تتغنى بصيته وشهره=ينطقوا أسمه المحبوب بالشاعر الشاب
احمد اليافعي شاعر وبالشعر خبرة=بالغزل والرثاء والفخر يشعر بما طاب
جاب خطة وخيرني بتمرة وجمرة=صرت محتار ماذا اختار فيني تذبذاب
مثل ذي يخزن البذرة دفنها بحفرة=وأصبحت زراعة ماشي بيعمل بلسباب
ليت له علم من ذي حط ع الرأس غترة=من شماغ الملك غترة بدل يطرح الكاب
سيت احمد ملك يحكم على الناس أمره=وسيت له سيف يبتر كل حاسد ونصاب
بل وحطيت بن سعدان يمشي بإمرة=قلت هذا ملك قد بحسبة خير لحباب
لكن العكس ما جاني بخطه وشعرة=ايش ذا من ملك لا جابه اليوم لا جاب
أول الحكم جاء ضدي بحدة ونبرة=خرّب اللي عملته للمحبين خراب
ليتها الناس تعلم أو تخذ بس نظره=أنّي أعطيتك اسمي لو أبو(س) قد غاب
لكن اعمل بهالدينا وخذ بس عبره=يأبن سعدان شوف الوقت ذا صار عياب
خذ عبر خذ مواعظ خذ من القلب حسرة=أغلق الباب ولا ليت ما يغتلق باب
دام عندك عسل صافي تخذ بس قطره=لا تظلي تطلّب للمعادين طلاااب
كل واحد يزود لك بأقوال هدره=ايش بعمل مع قلبي أذا القلب ما تاب
ما معي غير بقبل حكم خيره وشره=لو معي ناب قد بن فضل له خمسه أنياب
صاحبي صاحبي مآبا اطرحه للمضرة=دائماً جودتي تسمو على كل مرتاب
بعطي اللي يعاديني من الدر دره=ون تجاوز حدوده بسحبة خير سحباب
وأنت يا احمد تمهل خذ من العقل فكره=بس اصبر ترى أوضاعنا يا تغلاب
ساعة الصفر لو دقت معي واستقره=بآتخذ ذي على قلبك مع لون جذاب
زاهي المنظر الأحمر لأسمك مقره=وأنت تستأهل التتويج يا عز لحباب
ذي كلامي وذا شرحي على طبل سمرة=رد بالصوت يا بن فضل لو شرحنا طاب
رع معيا أمير الشوق بيهز خصره=ذاب جسمي وإما القلب من عام قد ذاب
واختم القول ما لبو بحجه وعمره=ع النبي صل يا سامع على خير لنساب[/poem]