[poem=font="arial,6,blue,bold,i talic" bkcolor="transparent" bkimage="backgrounds/8.gif" border="inset,10,royalblue" type=2 line=0 align=center use=ex num="0,black""]
يا ناوي الفرقه تريث وسمّي=قلبي ترى حبك ومازال يهواك
ان كنت لاتدري شف البعد سَمّي=راجع حساباتك وصحح نواياك
قلبي بدونك مثل غرسه بلا مي= في ارض جدباء تنتظر فيض من ماك
ما يرتوي قلبي بشلال دمي=ما غير قربك يرتوي به وذكراك
في الكون قد اصبحت شمسي ونجمي=فيك اهتدي لو غابت افلاك وافلاك
وصرت في الدنيا نصيبي وقسمي= ارتاح في قربك واحزن لفرقاك
وامسيت مثل الروح تسري بجسمي=داخل شراييني والقلب مأواك
حتى نصيف الليل لو نمت حلمي= فيكِ يذكرني ويرسم محياك
وأقوم من نومي مضيّع لاسمي= من كثر ما صيّح باسمك وناداك
لا تتركيني جرح غاير ويدمي= لاتحرميني يا منى الروح رؤيأك
لا تتركيني ارتشف كاس سقمي= لاتزرعي في داخل القلب اشواك
أعيش من غيرك كما الصم والعمي=ما اسمع صدى غيرك ولا شوف لولاك
ارفق بحالي لاتعجل بهدمي=ما ظن تدميري يسرك وحاشاك
وان كان تركي يسعدك لا تهمي=خلي عذابي لي والله يرعاك
خليني اصارع عذابي وهمي=يمكن فقدت الذاكره يوم وانساك
او يمكن افقد نور عيني وشمي=او يختفي سمعي ولا اشعر بدنياك
اما وانا صاحي فذا قول وهمي=ما ظن احد ياخذ مكانك ويمحاك[/poem]