لحظة افراق
كيف ابوصف لحظة افراق ونهايه
يوم رحتي غبتي عني للابد
وانــتـي كــنتــي كــنتي لحبي بداية
وانتي كنتي كنتي لايامي سعد
االحكايه يامنا عيني الحكايه
والمكان ابقصر افراح البلد
كنت صامت كنت متلحف ردايه
شفت ناس(ن) صافحت يد بيد
ويوم زفوكي ومتحقق رجايه
صحت ابكي ابكي ماحولي احد
واصفق اخدودي واطالع بالمرايه
ودي حالي حلم لكن حالي جد
الفراق اللي انكتب بارضي وسمايه
صير ايامي الم حسرة نكد
هم واحد هم قطع في حشايه
هم فرقاك الي مايرحم ابد
كيف بهنا وانتي ماصرتي معايه
وكيف بدفا والدفا فيني برد
وكيف بنسى وانتي ذكراكي بنايه
في فؤادي.. واباساسات وعمد
يوم رحتي ضاعت امال ومنايه
وضاعت احلامي وانا باقي ولد
دنيتي صارت بلا اهدافن وغايه
وكل يومن هم فيني ينولد
اوعدك وانتي على علم ابوفايه
كل يومن اذكرك ابكي وعد
وادعي ربي ادعي ربي في النهايه
ان ما يمضي على ايامك نكد