السبع العجاف / التبع / عصام بن حمزة اليزيدي
السبع العجاف
[poem=font="simplified arabic,5,blue,normal,normal" bkcolor="transparent" bkimage="backgrounds/20.gif" border="double,5,red" type=2 line=0 align=center use=ex num="0,black""]
أبو حمزة سقيم القلب ماضنيت يتعافي = وفوق الهـم والغــربة معانات الجـــفى تنضاف
وسبعاً ذي علي مرت رديئة جوها جافي = وسبعاً فوق سبعاً خوف تأتي فوق سبع أعجاف
حياتي عشتها حرمان وطول الوقت مختافي = كغى ياذي بحبك في حبيبك خاف ربك خاف
كفى يكفي كفاية ما جرى لي لا هنا كافي = بربـــك لا تعذبـــني كـفى ياكامل الأوصاف
وشفي مشتفى منك وشوفي لك دواء شافي = وفجئه غابت أعلومك لعى تسئل ولا تنشاف
ونا واقف علــى بابك طريح البرد وسافي = متى ما حن لي قلــبك يـدلك ولسئل العراف
وفي بحر الهوى لا زلت متمسك بمجدافي = وياما غصت لعماقه وجــبت الــلول بلاصداف
ولو دربك مرصع شوك أنا باسير به حافي = ولا برجع ولا تراجع ولو كان الـقدرخطاف
وبتحمل على شانك ولا يلفاك شي لافي = ولو زاد العنى والجور شليته عـلـى لكتاف
وقلبي لا ذكرتك يرتجف من داخل أنجافي = ورقرق مثلما الطاير وعا غصن المحبه طاف
ومن طبع الوفي يوفي ونا باعيش لك وافي = ونا صادف بــما قـلــته لا دوار لا لفاف
متى شمسك علي تشرق وتنهي لليلي اطافي = ويزهى ورد بســتانك ونا باكون له قطاف
متى بضم قلبي بلخفى في حضنك الدافي = وينسى كل ما قاسيه من نكران أو إجحاف
متى بسعد وبتهنى بغربك يا عسل صافي = ونرجع مثلما كنا حبايب ما علينا إخلاف
مرادي بس تفهمني ونتـصـالح ونتصــافي = ونتفاهم ونتراضي بـــروح العدل و لإنــصاف
وهذه آخر ابياتي حسب شرعي واعرافي = ولا بخرج على المبدى وبسعى لسمى الأهداف[/poem]
مع تحيات / التبّع / عصام بن حمزة اليزيدي
|