رد: الموت حق
الموت في بعض الاحيان رحمه..و من نحبه لا حشــى مايمــوتي
ف القلب يبـقى ذكـره ورسمه..فخيالي ملامحه راسخه بثبوتــي
نذكره بين كـل كلمــه و كلـمه..واليوم مـن دون ذكــره مايفــوتي
اتخايـــله في شدتـه وحــلمـه..كلامه وظحكته و حتى السكوتي
مشيته،نظرته،وروعة البسمه..حنانه وقسوته ونبـــرة الصوتــي
اشتاق يضمني لصدره وأضمه..أحتاجـله..هـو ناسي وعزوتــي
ياليتني كـفه بكفي اقدر ألمه..وابوح له بكل ما فـاليوف مكبوتـي
العيد من بعده ماطيـق أسمه..استغفـر الله كان قولي مـقوتــي
بعد شوفه اصبح الكون عتمه..والفرح لونـه صــار اليـوم مبهوتي
حياتي في غيابه مالها لزمــه..فيها ما هنالي شـربي ولا قـوتي
حكم القدر وحنا رضينا بحكمه..وما بيـدنا غيـر الصبـر و الثبوتــي
رحمه عليك يا خلي الف رحمه..ومن نحبه لا حشـــى ما يموتــي
|