حان الوداع
حان الوداع
حان الوداع وعبرتي وختناقي=يا وضع متدهور ويا قصف ناسف
ثقل الخطاوي في صدور اتفاقي=في وضع متأزم وللفكر عاسف
طال الحوار وما وجدنا الوفاقي=ومدري اختياري صح ولا مجازف
هذا اختيارك وانت تبغي فراقي=ما ودي اشرح وانت للوضع شايف
واليوم ما جيت انشدك ويش باقي=لي وسط قلبك شوق او حب جارف
خطوط حمرا وين باحط ساقي=تصعب على الخطوات بعض المواقف
ما عاد بوصف لهفتي واشتياقي=اخاف عيني لك تهل الذرايف
جيتك موادع وانت حل الوثاقي=فك القيود اللي بها الجرح نازف
ماهي حكاية فلم فيه العناقي= نهاية(ن) والدمع بالعين زايف
ويلك من الله وين مثلي تلاقي=شخص(ن) عطاك وماخذا منك نايف
يعرف كلامك قبل لاتكون هاقي=من قبل تحكي كان للقول عارف
على العموم.. نقطه ومنها انطلاقي=وماني على ماراح نادم وحاسف
محسوبة(ن) عبره وللعمر واقي=من صدمة الايام او ليل عاصف
لا وازمان الكذب واهل النفاقي=واهل الحيل واهل الرجال النواصف
الحلو يحلا بعد مر المذاقي=ومن باعني بعته ومن عاف عايف
حتى ولو نفسي ببعده تضاقي=اموت قبل الذل بالنفس رايف
آسف اذا هي طيب والطيب راقي=وان هي عناد.. والله ما قول آسف
وسلامتكم
رادار الهواجيس
|