رد: ديوان الشاعر الكبير عبداللاه الضباعي
حيلة واحتيال جواب صور قبيحه
جواب الخالـدي /على الضباعي
اليوم فجره لاح والنـور اكتمــل =والشمس شارق من قفا سود اللَيَال
واليوم غير الأمس لـّول ذي رحل=كشف حقائق واقعة كانـت خيـال
وغيرها اشيا عادها باقـي دبــل =في سيرها وصّال من دون اتصال
باتقبلك يا سيل من راس الجبــل =والساتر الله لا يقع كشف الجـلال
والآن يا الهاجس من اتوكل أكـل =هوشي سمعت ابن الضباعي إيش قال
قُل يا توكَّـالي ورجّع ماحصــل=جاوب على مضمون ماجى بالسؤال
جبر ابن سالم مايقول ان بي كسـل =أو ما قدرت انهض بالاحمال الثقال
أو من قفا حادث (بِلِه) جانـي ملل=ضاعت معداتي وطوّيت الحبــال
با ُرد له من حيث يسأل شي أمـل =َرغْم ان ما لي عم بالسلطة وخال
وبالسياسة مـالبـو لـوزة ثقــل=راعي غنم جوف الصحاري والرمال
ما قد وصلنا سعف لـّول لازُحـل =ولا غطسنا مثل من يغطس وجـال
بل إنما باقـول وانتـه بالمثــل=ممكن نقول إن في أمل لوفي رجال
ما ممكـن الحالة كذا تبقى هَمَــل=والوضع اسوأ ذي تشوفه من خلال
رابع سنه والجسم مشلول العضـل=وصد نوم العين من كُثر السُعـال
واكبر أطباء ذي لنا فيهم وَسَــل=ما عندهم من طب لكبـاد العـلال
ما غير جابوا لي دواء خردل وخل=ذي جرَّح أكبادي وقطّعها وصـال
زادوا يعلـوني وقدنـي بالأجــل=أشكي نزيف الدم ذي يُهـدر وسال
وفـوق هذا من تـولّى ما عــدل =ومن مسك سلطة حسبها راس مال
يشوف نفسه ذلك الشخص البطـل=ما عاد يعرف من شريكه في النضال
هذا الخطا، واحنا خطأ واكبر زلل=لو ما وضعنا للخطأ أي احتمــال
لن قد تحمّلنا وشلينــا الثقـــل=أكثر من اللازم ومن دون انفعـال
قلنا عسل حتى ولو ما هو عســل=من أجل نوصل للعسل ذي بالوخال
لكنَّه المغرور ذي ما قـد عَـَقـل=من يوم عقّلته بغـىلي لعتقــال
والعلـة المشوار لو شفته طــول =باتجزع الليلـه سمر لعبه وبــال
قدنا بثالث عام والرابـع دخــل =وكُـلّها لعبـه وحيلـة واحتيــال
والشعب حاله ذاك شبـه المعتقـل =ما طاع يتحرك ولا حـصّل مجال
تلعب بصف الشعب من داخل شُلل=والبطش جاري مستمر والاغتيـال
والكادح المُعـدم مكانـه مُستَغَـل=ماذا نُقل عنَّه وننشـر مـن مقـال
حتى وإن وفّـرت له ادنى عمـل =قد يستغلونـه مقاطيـع الحبــال
وأجر يومه نصف مصروفه واقـل=لسعار زادت نار وانهار الريــال
لوجيت بااحسب إيش باقي بالمَغَـل=ما باتكفـّي للتذاكــر والنَــوال
ماهل بُقل يا القلب صبرك سر مَهل =قد ربما يمطر كَرَع صافـي ُزلال
لِن عاد راسي لاسمع زامل زمـل=وانا وقلبي كل ساعة فـي جـدال
بحلـم بأشيـاء قد تؤدي لافشــل=واحيان بتكهّن بقُـول الشـر زال
والمسألة ماضـل داكي لاعطــل=ولي ثقة باهل التقى رين الجــلال
هم بايشوفوا للمشاكــل أي حـل=والحل ما هو بالتناحـر والقتــال
مفروض نُخطُم قافله بأول جمــل=لو في لها جمّال مُخلص بن حـلال
ما الشعب قد ضحّى بدوره ما بخل=واعلن يمن واحد جنوبه والشمـال
والمجتمع رحّب وبارك واحتفــل=فيها وقام افراح واسع واحتفــال
لِن وحدة الشطرين مافيها بـــدل=وأي رجعه للوراء عنها مُحــال
تقاربت لطراف والصف اجتمــل=ما باقي إلا ُقـوم أذن يا بــلا ل
هذا جوابي يا ابـن سالم ذي حصل=والقيفي احمد قد يكُن شد الرحـال
أو ربما لا رحمة الـله انتقـــل=أو انه الظاهر تقاعـد واستقــال
ما الفسل ما با قول أبو زايد فَسَـل =قد كال لي بالكاس ذي فيه استكال
ناول في اليسرى وباليمنى انتـول=بالكاس مثله كلت له من حيث كال
ماهل قفا الوحدة تراجع وانعــزل=سكت وما هي سكتته زينه وَعَـال
وحسب قولك كان واجب لو بـذل=جهده معانا لجل تصليح العطــال
واذكر محمد عد ما الجاهم هطـل =عساه يشفع لـي بيـوم الإنتقــال
غناالبدع والجواب الفنان اليافعي المبدع حسين عبد ناصر السعدي في 30/11/193م شريط رقم95
|