جــــــــــديــــــــــــــد (بدع بن غرامه البكري وجواب ابن بيبك البكري)
قصيده من كلمات الشاعر سامي محمد غرامه البكري
وهي مرسله الى الشاعر ناصر صالح بيبك البكري
[poem=font="Simplified Arabic,5,blue,normal,normal" bkcolor="transparent" bkimage="backgrounds/45.gif" border="none,4,gray" type=0 line=0 align=center use=ex num="0,black"]
انا ابتدي بالذي ارسا الجبال النيافي=له حمد مالحاج طاف
وبن غُرامه يقول آكيل من حب صافي=نقي منسّف نساف
يا هاجس الشعر هيّج موجها و الزوافي=في بحر كله صداف
وخرج من أعماقه المرجان لبس القوافي=وانثر درر قاف قاف
حبكاً ونضماً حكيم القول من ذهن صافي=بحكمته واحتراف
هاجس تربع على عرش القُصد والقوافي=و عالقمم والضفاف
وسرعته هايله يقطع ربوع الفيافي=كالبرق يعدي وطاف
وا قوم في واجبي لي جنب والدرع جافي=ورجحتي بالكفاف
والوقت غدار يقطع بالسيوف الرهافي=ذي مايفتح وشاف
مهما مسالم ضهر فالشر مازال خافي=عنواها بالقلاف
وايام لاهي رخاء أيام تخلف عجافي=أيام شدة عجاف
يا كم تعبنا وشلينا الثقل والخفافي=والضيق خيّم مضاف
يا كم شكينا وجرحي ما وجد له مشافي=ولا دواء له مشاف
والغربه اكبر ضرر بتصيب منهو معافي=تعبر بنا اشعُب نياف
ما يقطع اشعابها من هو على الرجل حافي=يهتان من كان حاف
شوقي رجوع الوطن رغم النكد والجفافي=لاكن فيها العفاف
وبعد يا مرسلي شل الزهور القطافي=زهور تنطف نطاف
لا يد ابو صالح الأخ السند جيد وافي=دايم ردوده نصاف
هذا خرج فصل والثاني بدأت المطافي=بدئت فيه المطاف
بتخبرك وافتني وقاف رجع بقافي=ومن صدق ما يخاف
وضع البلد هل تقدم أو مكانه مجافي=للخير والأء تلاف
لأن لعلام صجونا يقولوا عوافي=الوضع فاق الوصاف
قالوا تطوّر مجال الطب بل و المشافي=وبالطرق و الرصاف
نهضه كبيرة وجابو للحرايق مطافي=وذا الشوارع نظاف
والكهربا والعه ما باتجد حي طافي= في المدن و الرياف
لاكن مازال قلبي شاك للقول نافي=وقال كله خراف
والشعب مازال بين اعصافهم و السوافي=والرمل يعصف عصاف
وياكوا اموالنا ودخل نفط المصافي=يتخاطفوه اختطاف
لاكنه أجمل هدف وحدة وتم الزفافي= عم الفرح بالزفاف
مايقدروا التفرقه أهل النفوس الضعافي=ضعاف يبقوا ضعاف
ولاهنا بكتفي ما صغت من قول كافي=مافيه أي اختلاف
وانته تمهل بردك يا جليل العكافي=واحذر قصور او طفاف
وبالنبي ختمها مرخه شخوب القنافي=وما زجم من قناف[/poem]
واليكم جواب الشاعر ابن بيبك البكري على الشاعر بن غرامه البكري
[poem=font="Simplified Arabic,5,blue,normal,normal" bkcolor="transparent" bkimage="backgrounds/45.gif" border="none,4,gray" type=0 line=0 align=center use=ex num="0,black"]
يا مالك الملك يا رحمان يا خير شافي = يا خير شافي معاف
الحمد لك حمد ما عبدك سعى للطوافي=ونيته للطواف
وبعد قال ابن بيبك يا الجبال النيافي= حيي بأنسان واف
حيا بسامي عدة ما هز موج الزوافي= والزاف يعقب بزاف
وما امتله ارض يافع سهلها والضفافي=وللمدن والرياف
صحيح من مثل سامي جيد عالارض مافي=وقت الشدد ما يخاف
وبالمحن تعرفه للظلم والزور نافي=وللنميمات ناف
يا الهاجس الليله أتكرم بفنجان كافي= بعدل عليه الكياف
وا باك تسمر معي ليله لكشف الخوافي=وما احتوى حرف قاف
واستخرج الدر من قعر البحور الكثافي=واللول من بحر جاف
ورد حسب الرساله وزنها والقوافي =وكيل من حب صاف
ون كنه اقبل بعالي صوت يهتف هتافي=وصوت يردف رداف
وسرعته هايله كالبرق يخطف خطافي=ما حد بلغها مطاف
و الساع يا مرسلي من بيبك الخط صافي=نصفت حبه نصاف
سافر الى ارض واشنطن مع اول مطافي=شل الدرر و القواف
وبلغ تحيات اخو خالد لانسان وافي=وافي ومن نسل واف
قل مخلص الدين رديته بنفس الصدافي = وفي قطوفه قطاف
وقله الصبر عالغربه وعالالتفافي=وعالسنين العجاف
لنتو لعبتوا في الشوطين عاد الاضافي=لعبي بوقت الاضاف
وعاد باقي مراحل با نخضها عجافي=وايام تعصف عصاف
والجيد ذي با يشل اثقالها والخفافي=وجتاز كل الضفاف
ما الفسل يا ويل له ذي ما تبصر وشافي = با يكتوي عالكتاف
ذا فصل كامل وثاني للصور و الجرافي =با نفتح اول قلاف
حول الذي قلت صجوكم وقالوا عوافي = وان اليمن في عواف
اظنه اختل ولا صاب عقله خرافي= وصبح يخرف خراف
لنه تسرع بجمع اشكالها و الوصافي = وزيد الالتفاف
الارض تاك التي سرتوا وهي في جفافي = بل زاد فيها الجفاف
وزاد فيها المشاكل والفتن والخلافي = عياف فوق العياف
ليغرك الجيش واستعراض لبس الكوافي = وعادنا في خلاف
صعده بتشعل لهب حمرا وهو قال طافي = كأن ما ابصر وشاف
لا امن يوجد ولا دستور مكمل وكافي = قدنا بصبر الطفاف
والشعب صبح قفا ما كان كالحيد جافي = في سلة الاحتذاف
وسبعتعشر نفر يتخاطفوا عالصحافي = وثنين في وسط هاف
ماتوا من الجوع والمسؤل شافي معافي = ذي ينهبو بحتراف
اما عن اخبار وحدتنا ويوم الزفافي = خلتني انزف رعاف
كلوا بلدنا وثروتنا ونفط المصافي = يتخاطفوه اختطاف
ذا كان ماضي وذي باقي بجوف القلافي = خله بوسط الظراف
هذا جوابي وبالتالي عسى بالعفافي = يا الله عسى بالعفاف
والختم صلوا على الشافع بيوم الزحافي = من نار تشهف شهاف[/poem]
ارجوا ان تنال القصائد اعجابكم ولكم مني ومن الاخ سامي خالص التحيه
|