الحرب واقع
[poem= font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بعد العراق.. اليوم جا دور لبنان=بغداد تنزف وابتداء جرح بيروت
وما ظن ننسى يوم ما صاب الافغان=كابول تصرخ من يلبي لها الصوت
والقدس تتجرع من المر الالوان=تمسى التدمير وتصبح على الموت
ما عاد ينفع للتفاويض عنوان=والذل واضح نطلب الارض بالفوت
باقي المخطط يعلمه عالي الشان=اللي على الاسلام بيدور باسكوت
واشعوبنا ما قصروا مثل ما كان=يهدوون من يقتل حلاوى وبسكوت
والمال ما يحمي من القتل انسان=ولا يرجع طفل بالقصف مفتوت
بسم العلي بسم الرجوله والاوطان=بسم الشرف والدين في حق مثبوت
ما عاد تبغي البينه آي برهان=الحرب واقع واطعموا المر بالقوت
ومن خاف منكم او من الخوف نسيان=حنا دواهم سم هاروت ماروت
نسقيهم العلقم ومن سابق ازمان=نلنا البطوله في ميادين وخبوت
يا شعب يا ثاير ويا خير فرسان=الى متى بالذل والعار مكبوت
الى متى يا شعب صابر وتهتان=من جور ما بك يبكي الطير والحوت
هل دمنا اصبح مثل ما قيل مجان=وان الايادي حايره داخل الكوت
قالوا علينا اننا بدو رعيان=وآنا همج نمشي على الضرب والشوت
من بعد ما الله عزنا كيف نهتان=والله معنا ويش نخشى بباروت
ما نرتضي الا بدمنا خير الاثمان=وما سعر دم المسلم الا بياقوت
والله يلعن من تخاذل ومن خان=منا ويستاهل جنازه وتابوت
يا نار شبي واحرقي كل عدوان=الكيل يطفح والغضب صار مؤقوت
النصر وان كان الشهاده بالامكان=بالعز ميت او على الذل باتموت[/poem]
|