بدع وجواب 2 بين محمد لصلاحي والمحبوش 21/12/2007م
بدع من محمد الصلاحي
الى ولدي الحبيب
محمد يحيى المحبوش
[poem=font="Simplified Arabic,6,blue,bold,normal" bkcolor="transparent" bkimage="backgrounds/27.gif" border="double,6,red" type=2 line=0 align=center use=ex num="0,black"]
بديت انا باسمك الهي ما اعظمك=حليم في حلمك ملك كل الملوك
يا رب اناسالك لمسلم يسألك=ترحم عبيداً لك وقوماً يعبدوك
ابن الصلاحي فك قافه بالمفك=والمستمع فكفك قوافينا فكوك
ابو الياس اشرقت شمسك عسى الله يحرسك=أريد انا رمسك بهاتف توك توك
يا ولدي احكي لك وما بي ازعلك=النادي اتسلك معانااحسن سلوك
أبو الياس باهدي لك سلامي يوصلك=مخصوص مني لك لكوكا في لكوك
المحبوش با رسل لك قصيده خاص لك=ما اقدر على زعلك خسوا ذي زعلوك
نتبادع أجدى لك وأخير لي ولك=في الشعر ما في شك ما عندي شكوك
هذه قصيده لك عسى الله يصلحك=كم شاعر ا قبلك سلك نفس السلوك
بغيت با دلك وما بي أبهذ لك=الله لا يذلك كشاعر سجلوك
المحبوش لاهانك من اللي عاونك= ابعدتني عنك عساهم يفطنوك
ليش الزعل والضك عسى الله يحفظك=من هوه ذي كظك خسوا ذي عارضوك
بس الزعل بسك عسى الله يحرسك=بابوس عاراسك عيوني يحرسوك
الشعر من فنك أنا ذي باسهنك=سني بضعف سنك وانا في سن ابوك
في النت أنا ظيفك وانا ذي باعرفك=اغمد لنا سيفك عسى لا فظ فوك
مبروك عليك عيدك أنا باعاودك=قم مد لي ايدك مع ذي أيدوك
سلام لك وحدك عسى الله يسعدك=فرحان في ردك اولادك يفرحوك
وللعيسائي له لك في مليون لك=جاوب وقد شارك سلامي دوك دوك
لي دين في ذمتك وما بافلتك=قد انتهت مهلتك وفي النادي تزوك
يوسف عتيق خذلك سلامي يوصلك= ولبو بشار مثلك ملايين اللكوك
يا زين ما فكك ولا بافك لك=نسيتني بنك ولا هم راسلوك
سلام لك في لك في مليون لك=مني سلامي لك عساهم يوصلوك
واحمد عتيق له لك في مليون لك=سلام لك واهلك وذي هم أهلوك
ومنير ذي شارك وجاوب واشترك=في المنتدى حرك قوافينا حروك
اليزيدي منصر لك سلامي يوصلك =شكرا على ردك وأولادي فدوك
بن ناجي شو أقول لك عسى الله جملك=مني سلامي لك وذي هم كلموك
والحاصلي ابرك فتى ما أبركك=الشهد في ردك ردودك جملوك
و شبل الاسد شارك وجاوب واشترك=والصقرأرسل لك ردوده بالمكوك
عندي كبر قدرك وانا باقدرك=سلام بايسرك ولصحابك وخوك
وعاد بن سعدان لك ما اتجاهلك= الدين ذي عندك تلكلكها لكوك
يا بوش لابلك من اللي دخلك=عرين الاسد أش لك ترى با يا كلوك
يا بوش باتهلك وأعوانك معك=الله بايشلك كما ما شل أبوك
ان كان عندك صك أو شيء دين لك=برك لنا بلك جثث جندك كفوك
وازكى صلاتي لك في مليون لك=عالمصطفى ذي دكدك الكافر دكوك
يا مصطفى نبعك روانا منبعك=الصبرمن طبعك خسوا ذي ما يبوك
أنا فديه لك خذل من يجهلك=من سب لك يهلك خسوا ذي يجهلوك[/poem]
جواب المحبوش
[poem=font="Simplified Arabic,6,blue,bold,normal" bkcolor="transparent" bkimage="backgrounds/14.gif" border="double,6,red" type=2 line=0 align=center use=ex num="0,black"]
يالله بك عبدك بكفه مد لك=ماخاب مسعى من برجوى ينشدوك
ياسلوت المتعوب ساعات الضنك=ومُدرك النيه وتمييز السلوك
منك ولك تصريف امري دون شك=ياويلهم من في الضلاله قد نسوك
وبعد يالهاجس معي حاذر ترك=في ساعة الشده لذي مايعرفوك
حتى ولا الوجبه بها قل الودك=ما اقدرت ابلعها وما حب اللكوك
وجدت نفسي مُتهم داخل شبك=من غير تهمه واضحه فيها جنوك
والظن ماهو كالدليل المُمتلك=ذي فيه اثبات الجنايه بالصكوك
باقول حيا بالذي معنا مزك=وفي مقام الأب كنزي بالبنوك
ذي ظن ان الشور عالخير افترك=وعد لي تهمه ودونها ببوك
وانا له الناصح ولو غيري همك=ياليتنا اتهمكت لكن مادروك
ماكان ودي يالصلاحي اوهمك=تسخير جهدك مابيحتاج الدكوك
ومطلبي كان التريث مش لوك=خوفي على ذه لاتعطلها بتوك
ماكنت شاهد زور او قولي اُفك=ومن طريقك كم وكم برحت شوك
ماهل قد الشيطان يمكن اوهمك=وانساك منهم في الشدائد يفتدوك
قد قلت لاوادي معانا مشترك=ولاترابط بيننا يلزم فكوك
والظن وحده هو الذي قد اوهمك=وتدين ابويحيى وتحكم بالشكوك
وانته على رأسي ولودار الفلك=باقي مُقرب لك مع اقرب اقربوك
باتثبت الايام ساعات المحك=وصحبتك فخري وخيرت ما اشتروك
وجمعنا الطيّب بجمله قدرك=وديونهم بالاغلبيه سددوك
باقي المدير العام مابانعذرك=لي منعك اصتاده لنا هاته بهوك
لاتحسب ان ماهل معانا هو برك=ذي مابتسخا به ونحوه ماتزوك
قرّب لنا رأسه وبعدا ويش لك= لاقد وقع بالمصيده بعد الحسوك
من شان يبصر حالتي ذي بالتنك=ولابقي لك دين فوراً خلصوك
بس هات لي ابواليإس جنبي يعترك=واظمن لك التقدير من هذا وذوك
خوفي اذا يسمع لشوري يرتبك=وايبتدي الشرده الى صحراء تبوك
وفي خواتمها فلا دم استفك=يامن ببالي ماانتسى ولا محوك
وابّنا الروحي سيبقى موقعك=وانته مثل باقي لمن بايقتدوك
ذكر النبي ختمت مانوره يزك=بدر السماء ذكره به ابعاد الشكوك[/poem]هذا ابوزايد ردي وعلى الفور اول مالمحته رغم مشاغلي الكثيره
ولكنه اثبات من جهتي اننا اقدرك واحترمك على رأسي من فوق
وبامكانك تنزله باي وقت تريد حتى هذه الليله
وكل عام وانت وجميع افراد عائلتك الكريمه ومحبيك في اتم حال
ابنك محمد يحيى المحبوش
[color=#0000FF]شكرا جزيلا لك يا ولدي الحبيب محمد يحيى المحبوش
صح الله لسانك ورفع الله شانك يا أشعر شعار زمانك
|