في سكون الليل وأنصاف الليالي
والقمر مبدي ومضوي في محله
أنشده واشكيه وش صاير بحالي
وأنشده عن حال محبوبي وقلـه
دامك أنته بالسماء يا صاح عالي
طمن المحبوب ويش أخبار خلـه
أسالـك بالله وصـل مـا ببالـي
وقله اني دايمـاً ضلـي بضلـه
دوم ذكره ما يفارق لـي خيالـي
ودوم هو موجود روحي ما تملـه
والله انه بالغـلا غالـي وغالـي
وزود بعده علني سبعيـن علـه
تل روحي تلهـا ذيـك العوالـي
وتل قلبي في ثلاثين الـف تلـه
وخل نفسي ساكنه وسط الخوالي
وخل مخي الهجر زاد الطين بلـه
بلني بالحب لا تصـب الشقالـي
وضمني وخل هذا الكـون خلـه
فلني في صدرك الدافـي دفالـي
وفلني وسط الجسـد فلـه بفلـه
يا مزون الخير والغيث الزلالـي
ويا عديل الكيف دله وسط دلـه
خلني لك يا عسل جردان حالـي
حل روحي حل هذا القلـب حلـه
سمني لك سم يالسامـي سمالـي
وسل نبضي سل ابوه النبض سله
دامني جنبك ترى عمري صفالي
ودامني لك شل ما تبغيـه شلـه
يا قمر قل للقمـر أنـه حلالـي
وان حبه وسـط قلبـي زاد والله