تلبيت طلب شمس يافع والصقر اليافعي
[poem=font="simplified arabic,5,blue,normal,normal" bkcolor="transparent" bkimage="backgrounds/30.gif" border="none,4,gray" type=0 line=0 align=center use=ex num="0,black"]
يقول ابن سالم عانك الله يالجمل=نهار الثقل تتحمل العدله الثقيل
ولا هيه عوافي يخلط الفسل بالبطل=وعند الشدايد يظهر المعدن الاصيل
فيا نور عيني ما رظة دمعة المقل=تعانق خدودي ربما ارتاح لو تسيل
بقية حبيسه خلف لارموش والسبل=ومن حزنها كم جرحت قلبي العليل
وقلبي امير الحب حاصرته العلل=علل معديه واخراء علل مزمنه دويل
وذلحين قم ياطاير الشوق في عجل=توكل وقل يالله طلبناك يا وكيل
قم اقصد حلال اليابسي سيد العول=وشاعر بني قومه بمنطقهم النبيل
وقل له خساره مولي العدل ما عدل=بذه يحمي القاتل وذه تستلم قتيل
وما كنت اظن العيب والفرك والخلل= يجيني من احبابي ومن خلي الخليل
حنبنا وسلمنا جملنا بما حمل=وقلنا مع لاخوان جمله بلا جميل
ظلمني وثوقي بالسرابيت والهفل= وباعتني اقدار الليالي لهنذويل
فيا صالح الدنياء نسم واتبي مهل= ومن هو على المكيال لا بد ما يكيل
لنأ قرش يابس قرش مصرور بالمقل=فلا همنا هرج الشوارع وقال قيل
وذي حسب ان شهره ثلاثون مكتمل=تناسي ان بعض اشهور ينقص بها قليل
وذي قال بيده حل للغاز والجمل=وقادر يفك ابو صعبه ومستحيل
حساب المفلس لو طلع شبر او نزل=كما كما نملتن مهووس تحفر بضهر فيل
نجوم الفلك هذا عطارد وذا زحل=لكلن مكانه لا يخالف ولا يميل
تسائلة يالشمعه لمى دمعك انهمل=من النار تبكي ام على فرقة العسيل
وقالت ابد للنار سبه ولا العسل=فما سال دمعي غير من صحبة الفتيل
زنا صوبتي من داخلي ما بها خجل=انا القاتل الاصلي لنفسي ونا القتيل
ولاكن حبر يامهجتي قال بالمثل=لمن كال بالكاس استكل والزمن طويل
بدئنا وختمنا بمن فينا اكتفل=الالهي الذي ما له منادد ولا مثيل
وذكر النبي ما غرد البلبل او زجل=شفيع البشر منشدة النار والكليل[/poem]
جواب الشاعرالكبير صالح احمدشيخ اليابسي
[poem=font="simplified arabic,5,blue,normal,normal" bkcolor="transparent" bkimage="backgrounds/30.gif" border="none,4,gray" type=0 line=0 align=center use=ex num="0,black"]
مراحب يقول اليابسي يوزن الجبل=ووازن جبل وعلان ذي شامخه نهيل
فحيا ميه والأف بالخط ذي وصل=بهابيات مرسوله من الشاعر الاصيل
وصل قول بن سالم عوض والذي رسل=معنون جمل بسير في حمله الثقيل
دخيلي ونا من اهل من قدر الخلُ=زمن اهل من رحب في الضيف والدخيل
وكل ما شرح بالقول على الحمل والجمل=فهمناه كل الفهم واضح مع الدليل
ومفهوم من ذي خلي النار تشتعل=ومن ثبت الناسف ومن اشعل الفتيل
مائسي مريره خلت الجسم يرتغل=وسائر عضامي منها ترتغل رغيل
قم اليل يالهاجس تكلم بلا خجل=وجاوب على الشاعرورد بالجمل
ومن قال فل يوفي بالقول والعمل=واواصي جميع اجيالنا جيل بعد جيل
ورسل مقالـي بالبدايـه ومـا حصـل=مع الفوج ذي نسنس نسيمه من المقيـل
وعن ما وصف في سيرت الفسل والبطل=لكلـن طبيعـه مايبـدل بـهـا بـديـل
تراء الجيد اسمه جيد والفسـل لا فسـل=قد اسمه دليله اسمـه الفسـل والذليـل
ومن برد ساعه لابـرد صابـه الشلـل=بيرجع وراى يبحث على اسمه الدويـل
وبابـور كنـدم لوتعشـق فـي الدبـل=بيطفاء وعـاده مـا طلـع رون بالنقيـل
ومولي العداله حسب ما قلت مـا عـدل=فماشي عدالـه بالبلـد حكمهـا عديـل
وياكم قضايـاء بالمحاكـم بـدون حـل=محاكـم كثيـره عندنـا والعمـل قليـل
وحكام حكـم العـرف بيخيبـو الامـل=وبيهولـو لاهـوال بالمهـراء الطويـل
كبير الحكـم فالحكـم يعمـل ويشتغـل=وساعه مع العامل وساعه مـع العميـل
ومولي الخلل يعرف منين جاء ذاء الخلل=فهل من يمنيه جاء اوجا مـن الشويـل
كما الناس ما تبراء من الكيـد والحيـل=تراء الثوب ما يطهر لنفسه بـلا غسيـل
كنوب الجبوح في شرعها الحيل والعسل=وماشي عسل صافي يسونه بدون حيـل
تراء الصبر حكمه من صبر قال بالمثـل=وبالحق مثلـه حـق قابـل ولـه قبيـل
ومهما يطوا الصبر لك قـرش مـادول=ودع ما يقول اهل الهواجيـس والحليـل
فلا حق يذهـب دون مـا يعقبـه تبـل=ثمر موسم الامطار ياوي ثمـر سهيـل
نعـم للنسـم انسـم عزيـزي وامتهـل=ولا للعجل من قبل بذل كافـت الوسيـل
فاطلب نصاب الحق في اسهـل السبـل=وشف من امامك بيكون قاطـع السبيـل
شف الحق يبقى حق حتى لـو اهتمـل=يجي بالسهاله طوع ولا فـي الصميـل
وذكر النبي ردو معي ما الهـلال هـل=وما بان نور الفجر في ضوئه الجميـل
نيبنا محمـد ذي سمـي خاتـم الرسـل=شفيع البشر من حر يوماًعسـر هويـل
[/poem]
|