مانـي متابع للسيـاسة والأخبــار

مانـي متابع للسيـاسة والأخبــار




ولا همـني أوباما ولافوز ماكـــيـن


ولا همني وش قال حسني وبشار
وما همني لو زادوا الهند والصين


وما همني لو سوق الأموال منهار


وماهمني لو كان خسروا ملايـين


ماهمني الا راتبي ذا الشهر طــار


كله صرفته يوم خمسة وعشرين


بعثرت مدخولي على يمين ويسـار


وقعدت وعيالـي نصفّـق بـكفــين


1300 عـلـى طـــول فــ إيــجــــا


و400 مصروف جوال في mtn


و 1150 في شــركـــة إعـــمــار


قرض ٍ أخذته وشفطـوه الشياطين


و1100 تجديد وأتعـاب سـمــسار


عندي استمارة مطوفة حول عامين


و400 فــاتــورة المــاء والأنـوار


حـتـى ولـو كـنّـا للأنــوار مـطـفـيـن


وأمــا 800 بـســوي بها الــكــار


سـيارة ٍ جـربـا ثــلاث وثــمـانـيــن


لا شـمـة الراتـب يجـيها كـما الزار
تنـفض مكيـنتها كما نـفض بوكليـــن


وام العيال تـصـيح يا زوجي البار


هذا الشهر عندي في القصر عرسين


احتاج انا فستان من عشرة امتـار


وأفصـله يا فـالح الـراي بـألفــــيـــن


وأخر مئة بتروح في جيب كومار
الحارس الهندي عسى فـاله الشـيـن


ويقـول ما تـكفـيـه للفـلفـل الحــار
زعلان يبغى فوقها زود خـمســـيــن


وزادت معانـاتـي مع زود الأسـعار


أصبح مثل ما قيل طاق ٍ بطاقـيــــن


أزمة مسـويها مــداهن وتــجـــــار
وراحوا ضحيتها الضعوف المساكين


منـحاش من نـار ٍ وطـبيـت في نار


ويا ويل حـظ اللي وقــع بيـن نـاريـن


وإن الجمل صابر على الضيم صبّار
وان طاح تكثر في جنوبه سكاكـين


أبديت ما في الصدر من هم واسرار


بأقولها واخلي الخافي يــبـيــــن


يا شيوخنا لا لا تغضون الأبصار


صار المواطن يشكي العسر والدين






وانتم به ادرى ياطويلين الأعمار




بالله عليكم شوفوا الوضع بالعين

السلام عليكم ورحمة الله وبركاته

بارك الله فيك وصح الله لسانك وبدنك

الله يبارك لك في اهلك ومالك وولدك ومعاشك

والله يوفقك على هذه الابيات الممتازه والمميزه



أزمة مسـويها مــداهن وتــجـــــار
وراحوا ضحيتها الضعوف المساكين



لك شكري وتقديري

تقبل مروووووووووووووري

اخيك عبد اللاه محمد الضباعي