رد: ديوان : سعيد لوتاه ....... قريبا
[align=center]
قال سمو الشيخ محمد بن راشد آل مكتوم، نائب رئيس الدولة
رئيس مجلس الوزراء حاكم دبي هذه القصيدة إلى كل من يحارب التطور الاقتصادي والاجتماعي في الإمارات سماها (أبو جهل) بتاريخ 18/7/2002م.
[poem=font="simplified arabic,6,blue,normal,normal" bkcolor="transparent" bkimage="backgrounds/5.gif" border="double,6,red" type=2 line=0 align=center use=ex num="0,black"]
عادنـي لـي ما يغـيَّـر موعده =صاحـبٍ منـي بلا ذنـبٍ زعل
بوعيـونٍ من هدَبـها يـحسـده =كل جيـرانـه وربعَـه والأهـل
كان له نـاظـر ولكـن جَمّـده =كثرة أهل المصلحة وأهل الـدّجـل
وللزّمن دوره علـى من يشهـده =ولي يعيش ايشوف والـدّنيـا دُوَل
شفـت حر والحـبـارى تطـرده =وَهَوَهَ عنهـا يتّقي مالـه حـول
والأسد خايـف يسيـر لـمـورده =يـوم قبلـه الظبـي للمور وصـل
والـجّمَـل يـوم النَّمـل يتصيـده =وحرنـه النَّمـل في بيـت النَّمـل
ولَّي مخلّي النحل مع طيـب أشهـده =وم الدّبايـه يعـزم أيـدوِّر عسـل
وشفت راعي الزّرع زرعه يحصـده =يقلَـع الزينـات ويخلـي الفحـل
وفالـق الـمحَّـار جهـده بَـدّده =يرمي اللـولـو وخلِّـى ما فضـل
أمَّنـوه الذّيـب باللـي يسعـده =ع الغنم والذّيب يشكر ما حَصـل
والثعـالب كـلهـا مـتفـوده =والعرب في خلـط ما مثلـه مثـل
ويوم قام الضبـع وانكـر مَولـده =مدّعي أن أهلـه سـبـاع الجبـل
وأدّعـى بالعلـم بـأنـه سَيـِّده =وانـه العـارف ومن فيـه الأمـل
حَرَّم وحلل علـى قَـدر اجهـده =ما درى بآي الكتـاب اللـي نـزل
وقام له من زمرتـه لـي يعضـده =يحسبـون أنه لـه القَدر الأجَـل
زمـرة على الفشـل مـتعـوِّده =ما لـهـا غيـر الفشـيـله والكسل
عن تطـوُّر نـفسهـا مـتـرددة =وكل أمرٍ عَدْل تـبـحـث له عِلَل
قادهـم واحد ونـدري مقصـده=ودون ما تسَمِّيه اسـمـه بوجهـل
صورة لكـن ما هـيـه مـجسَّـده=غيـر رمـزٍ للمعـانـي يـحتمـل
لوالدُّوا في السَّـمّ من هو يـحمـده=بَسّ بعض السـمّ ما عنـَّه بـدل
ومن تشكَّى من يـده تقطع يـده=كان بـتـحـده إلى موت وشلل
وللطعام المِلـح عن شي يفسـده=وكيف كان الملح فاسد ش العمـل
العمل فـي الحَـزم والـي مرقـده=في عرين السّـبـع يـحذر أن سعـل
في ثـوانـي يـوم هـوه يقصـده=ياكله والسّبـع مـا يعَـرف الخَجـل[/poem]
الجواب من سعيد لوتاه
تعقيب سعيد بن أحمد آل لوتاه على قصيدة قالها الشيخ محمد بن راشد آل مكتوم ذكر فيها أشياء مثل الحر حبارى تطرده وغيره مما حرك سعيد ليقول هذه الأبيات، وذلك بتاريخ _/7/2002م.
[poem=font="simplified arabic,6,blue,normal,normal" bkcolor="transparent" bkimage="backgrounds/20.gif" border="double,5,red" type=2 line=0 align=center use=ex num="0,black"]
هـاظ فكري والجوارح تـرفـده =يوم شفـت الشعر في الـواقع نزل
نشكـرا لله الكريـم ونـحمـده =لي عطانا قائـد يـمـشـي بعجـل
العزيـمة والغنـايـم تـسعـده =والتـوانـي والكسل مـالـه مـحل
يـمشـي إبخطه رزيـنـه مؤكده=ما يـهمـه قـول من قال ويـفل
عمَّرْ الصحـرى بجـدِّ ه وإجْهـده=ثم ثـنـا على البحر وصوبه إرتـحل
بـدَّعْ وطـوَّر نـظـام وجـدده =في المبـانـي والمـوانـي والفـلل
نظـرتـه بعيد نـرجـو يـسدده =في مسيـره وفي أ عمـالـه والحِمل
ربـنـا كل الخلايـج تـعـبـده =بـيـده التـوفيـق في كل العمل
القطار يسـيـر بسرعـه وإرعـده=الكسالـى ما لـهم شـيء من أمل
المشاكل في الحـيـاه مـتـعـدده=ما يـجـاسـي هـمها إلا فحـل
ما نـبـاحـر حبـارى تـطرده=ولا أسد يـخاف من شي محـتـمل
مـا نريـد أهل الـدجل والمفسده=لي لهم عادات شـيـنـه والحـيـل
يا عـزيـزي الاقـتـصاد ومقصـده=لإِصـلاح الفرد وربـعـه والأهـل
جمعـنـا للمـال والـثـروه بعده =والشـباب يـضـيـع وأهله في أمل؟
كـيـف نـطـوِّرها وهـيه مجمَّده=المـد ارس والمـنـاهـج في خـلل
الشـباب اليـوم في محـنـه وجـده=في فراغ والأبو عـنـهم منـشـغـل
ذا شـباب اليـوم عايـش في رغده=ما يـحـاتـي اليـوم لي فيـه العلل
السـبـب هـذي المنـاهج مفسده=لا مربـِّي ولا معلم يـشـتـغـل
يا كـثـر الأقوال وكـتـب معقّده =والنـتـيـجـه أورقه فيهـا الفشل
يا ولـي العهـد مركب وإسـنـده=لا يـشاوح في البـحر بـيـن الِملَلْ
أنـتـه الربـان وأنـتـه تـرشـده =الفـرص مـالَّـدوم دايـم إلى الأزل
أعـتـنـمـهـا يـوم تـراهـا أمهَّده =لا تـفـوتـك وأحتـرسهـا من الزلل
وأستـعن بـالله عليـهـا وأعبـده=وأطلب أمنـه العون وأحكم بـالعدل
الحـيـاه تريـد خطه مـسـدده =والـتـراخي مـا يـفـيـد ولا مَلَلْ
ألف صلـوا يا رفـاقـي وعـدده =على النـبـي والآل كلهم والأهـل[/poem][/align]
|
المواضيع المتشابهه
العرض العادي
