اليكم هذه الهدية بعد انقطاع

السلام عليكم ورحمة الله
ارجوا ان تعذروني على الانقطاع واليكم هذه الهدية التي كانت بدع مني وجواب ابي بلال المحبوش
[frame="3 70"][poem=font="Simplified Arabic,5,black,normal,normal" bkcolor="deeppink"
bkimage="backgrounds/48.gif" border="ridge,8,red" type=2 line=0 align=center use=ex num="0,black"]
جليت يامن عجز عن وصفك الواصـف =
=الا بما كان من شرعك لنـا موصـوف
يا عالـم احوالنـا ونتـه بنـا عـارف=
=الجهر والسر ما نخفيـه لـك مكشـوف
يسّر لنا الخيـر ولحقنـا فـي السالـف=
=على طريق الهدى والمنهـج المعـروف
وغفر لمـن زل أو قـدّم عمـل تالـف=
=من قبل يهلك ويصبح قعرهـا محـذوف
وبعد ذلحين يا الهاجس معـي ساعـف=
=بادر في النظم جملـه ناصعـة لحـروف
رتّـب قوافـي دُرر ياقـوت متراصـف=
=مثل العقيق اليماني في الحلق مصفـوف
من بحر مليان ما ينزف مـن الغـارف=
=اللول مخزون ،والمرجان به مرصـوف
يقول ابو حسين من زهراتهـا قاطـف=
=ورد البنفسج وباقة من شقـر مقطـوف
ومن قماش الحريـر الاصلـي الكالـف=
=توصل محمد هديـه مـا بهـا تكلـوف
يا مرسلـي شلهـا وتعـن بالضـارف=
=الحال معروف قبل ان تفتح المضـروف
قلّه صديقه تعب مـن وضـع متـرادف=
=في أرض حميّر سباء وحالها المأسـوف
لي سبعتعشر سنه بجـري ونـا واقـف=
=حالي بيرحم يقولـون الفتـى مسـروف
آنّيت مـن داخلـي والدمـع لـي ذارف=
=من باطل الناس عقلي والكبد محـروف
قالـوا زواجـه ورحبنـا بهـم قاصـف=
=مقدار من عندنا سينـا لهـم تضييـوف
من عادة الجيد يكرم من اتـى والـف=
=يصبح مشقر ويمسي عل وقّى محفـوف
وتالي الليـل سمـره نسمـع العـازف=
=الحان متبادلـة يسعـد بهـا المزفـزف
لاكن مُصيبه عقـد بالطاهـره عاطـف=
=نتف شعرها وخلـي وجّههـا مكلـوف
شابت وهي جاهله في عُمـر متناصـف=
=الله يهدي السبب او يجعلـه مقصـوف
عمياء من الحب ذي كانت بـهُ شاقـف=
=بعد التمانـي خذلهـا قلبهـا المشقـوف
كأنما القلب يسبح فـي هـوى جـارف=
=لا له مـروه ولا لـه حـظ بالمعـروف
لا الاب شي عزها عل عُرف والسالـف=
=ذي كان مشغول في تنظيم جرببتشـوف
ولا عريس الرضا سويّ لهـا صـارف=
=حيّه ورثهـا وخليهـا بـلا مصـروف
وقبلتهـا اوجـاه يـا ستـار بتّنـاتـف=
=شعارها الصعب كلاً خنجـره مشحـوف
يقطبـون الاراضـي سـر بالهـاتـف=
=وكم رشاوي علـن يتقاسموهـا آلـوف
وقاضـي الويـل سكينـه لنـا شاحـف=
=باع القضاياء خلاف الشرع والمألـوف
هذا مثـل وامحمـد واسـأل الطـارف=
=عن التماسيح ما خلّـوا لنـا حسفـوف
الى هنا ونت رجّـع لـي خبـر هـادف=
=لا نا انفصالي ولا نا لقلقي فلسـوف
بل وحدوي في أمـور الخيـر متحالـف=
=وداعي الشـر ربـي يجعلـه منتـوف
وحزيك من باز من بعد السمـن ناحـف=
=اثّر به الوضع حتى صار كا السنحـوف
من داخل ابيض ومن خارج جخف ناشف=
=شكله بيرحـم ويتفطّـر عليـه الجـوف
ختامها مـن رحيـق النـوب للزاحـف=
=عسل مُصفى شفى للمحتوي الملهـوف
صلات من قلبـي المنضـاق والخائـف=
=يُكتب لي الاجر يمحي وحشتي والخـوف
[/poem][/frame]
وهذ ا جواب الشاعر ابي بلال المحبوش
[frame="3 70"][poem=font="Simplified Arabic,5,black,normal,normal" bkcolor="red" bkimage="backgrounds/48.gif" border="ridge,6,crimson" type=2 line=0 align=center use=ex num="0,black"]
يالله يامـن بحالـي وحـدك الـعـارف=
=سامع دعاء من رفع لك بالدعاء لكفـوف
انت المعز المـذل المنصـف الناصـف=
=ما من طلب رحمة الله رجعـه مكسـوف
لي رحمتك يوم ريقي في فمـي ناشـف=
=والعقل من هول يوم القارعـه مخلـوف
هـذه حقيقـه وكـلاً منـهـا خـايـف=
=ما عذر من يوم تصبح في كفن ملفـوف
ولا تقـل عادنـا بالعـمـر متنـاصـف=
=وذاك ذي مات جـاوز عمـره المالـوف
مات الذي صابته من عكرهـا صـارف=
=وذي الرصاصه بجسمه ساكنه مسعـوف
صلوا معي عد ما طاف الحـرم طائـف=
=وعدات ما يكتب الكاتب نقـط وحـروف
على شفيع البشر مـن حرهـا التالـف=
=صفوة مضر من كنانه بالكرم موصـوف
يقول محبوش سينـا البارحـه قاصـف=
=وتلاجب الحيد من صـوت الكلاشنكـوف
مقدار للجمبـري ع العـرف والسالـف=
=جبنا الذبايح وصلحنـا مداكـي صـوف
ذي جاء بيشكي غلاء واسعـار بتناتـف=
=وقال لي الشعب من جور الجرع مرعوف
والطيـن زارع وزرع الطيـن متـرادف=
=لكن اسف كيف بيصبح زرعها معلـوف
وعاد ابو احمد ذكي لاعـب وبيحـارف=
=كيف الخبر يوم يحكمها صبي مشطـوف
ومعظم الشعب ما هـو بالغـلاء كالـف=
=قصده من القات باجي له طري مقطـوف
الواحده لا قـده فـي مجلسـه عاكـف=
=يروح من راح ما هو شي بحد مكلـوف
وعاد بي خوف من فكر البـلا الهايـف=
=لا يصبح الدار والاسره بهـم مخسـوف
لكن علي بالنسم لا اعجـل ولا جـازف=
=وحدة بـلادي تظلـي كنـزي الملفـوف
ودعـوة الحـق والسنـه جبـل نايـف=
=من متع النفس فيهن صانهـا ويعـوف
والمشكله بي وبك في الغربـه الزايـف=
=سنين واعوام بنكافح علـى المصـروف
الهـم ضـدي بهـا والغـم متحـالـف=
=والرأس شيب وقلبي بالوطـن مشقـوف
مهمـا تـرأء لنـا شلالـهـا جــارف=
=ان البـلاد الخبيثـه زرعهـا موهـوف
والتاليه حسـب مانتـه يالاسـد شايـف=
=من رك عظمه بيخـرج منهـا مدهـوف
والآن يامرسلي سعف الضبـا الشاعـف=
=جباك خطـي معنـون بالذهـب مقلـوف
خذ لك جوادي الاصيله تسبق الصاعـف=
=من دار بالعز مبنـي والكـرم مسقـوف
سلم لبو حسيـن خطـي بالوفـا زافـف=
=الـود بالـود والمعـروف بالمـعـروف
وعطر غالي مزكن جـاء مـن الطائـف=
=خمسه كراتين صفصفهن على لرفـوف
وكن بهرجـك معاهـم جيـد متلاطـف=
=الجيد من منطقه يعـرف مـن الفلـوف
وحل لغـزه بقـرص الروتـي الناشـف=
=ذي نقصوا نصف وزنه حسب ما بتشوف
واختم واصلي على احمد سيـد الموقـف=
=ما يسعي الحاج في بيت الحرم ويطـوف [/poem][/frame]

غيابك اثمر بهذه التحف التي جعلتنا نلتمس بمضيض حروفك يا شبل الاسد



يا سلام عليك على هذه البدع والجواب



نووووووووووووووورت يا الغالي


وربنا لا يحرنا منك