ياوحدة الشعب

هذه القصيدة كتبتها قبل فترة على وضع اليمن
وهموم المواطن عسى ان تنال على رضاكم
[poem=font="simplified arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=1 align=center use=sp num="0,black"]
يارب سالـك تيسـر كـل مـا تعسـر =يامالك الملـك يامـن تعلـم الاسـرار
سالك تجنيب بلادي من خطـر او شـر =وتحدنـا مـن عـدو الله والا شــرار
وارحم عبيدك نهار الو عـد والمحشـر =وحد عن كل مسلم مـن لهيـب النـار
والحمد لك عد ما تمسي السماء تمطـر =وعداد ما تحتويه الارض مـن ازهـار
يقول ابو بـدر ضـاق القلـب وتكـدر =ومسيت حاير ومنـي تاهـت الافكـار
عن حال وضع اليمـن لا زال يدهـور =ساعة بها صاحبي قـد جابلـي لخبـار
اخبـر شينـه تخلـي القلـب يتحسـر =اخبـار لا تفـرح المسلـم ولا الكفـار
زادت هموم المواطـن والخطـر اشـر =وزاد هـم الفتـن والقبيـلـه والـثـار
زاد الغلا با رضنـا والوضـع متوتـر =واهل الرتب والقيـاده يرفعـو لسعـار
ميتـيـن بالمـيـه ياللهول او اكـثـر =خافو من الله ياهـل السـوق والتجـار
كيف ايعيش المواطن ما معـه مصـدر =وكيف يصرف موظف باعشـرة دولار
الكيس مولى اربعة قد صـار بثنعشـر =او ربما اكثر بحسب النوع ذي تختـار
ياوحدة الشعب جيـت اسـال وبتخبـر =وين الحكومه ووين الفـارس المقـوار
وين الخطب ذي تكلمهـا مـن المنبـر =وين الخطط ذي وضعها لجل لستثمـار
القول موجـو د والافعـال مـا تذكـر =والي نجز ما يع شي ربع مـن لذكـار
عشرين ناقـص سنـه او ربمـا اكثـر =من يوم صار اليمن واحد بـلا شطـار
كم هلل الشعـب بالوحـدة وكـم كبـر =وكم دول باركت لـك يازعيـم البـار
واليـوم ارض اليمـن بالفقـر تتصـدر= وبالبطالـة وايضـآ بالسـرق لحـرار
ذي خربـو الارض ذا ينهـب وذا زور =وهمهم من يصـل لـول الـى المليـار
هـاذك خطـط وذا يبنـي وذا ســور = على حسـاب المواطـن يالهـذا العـار
لا سامـح الله وينـش ياغنـم بـربـر =ياذي بترعين خلف المزرعـة والـدار
من خلف صيرة وخلف الشيخ والبنـدر =وبساحل ابين فتحتي لش ثنعشـر بـار
وفي عدن كم اراضي بسم بـن لحمـر =والارض ارضي وانا ماملك بارضي دار
من دخل منيـاء عـدن تبنـي وبتعمـر =بالعاصمة سيت لوحه تلفـت الا نضـار
شيبـت بالبنـت ذي كانـت بتتمخطـر = قصدك تدمـر حيـاة البنـت ذه دمـار
حسب المثل ذي من الماضـي بيتكـرر = لوقبـت ياقـط فبـدا بالعـب يـافـار
ماليوم قدنـا معـك بصبـر وباتصبـر = با صبر القلـب هـذا والكبـد صبـار
شي حل مقنع وشـي لوضـاع تتغيـر = والا قده قصب نشرب كاسـك المـرار
خيبـت ضنـي وحلمـي ذاب واتبخـر = ذي شفت به ارضنا تشبه بلـد لجـوار
خليتنـي احـن للمـاضـي وبـاذكـر =ليـام كـان الشلـن والفلـس والدينـار
هـذا كلامـي كفـى باقفـل المحضـر = بزكى صلاتي على طه النبي المختـار
[/poem]
اخيكم ابو سلطان السعدي