قصيدة جديدة مرسلة للشاعر قايد علي القطنة
أخواني واخواتي هذه الكلمات مرسلة للشاعر قايد علي القطنة
تواصلاً لحوارات سابقة بينا أرجو ان تنال اعجابكم وتكون قد تناسبة
مع الاوضاع الحالية في ارض الوطن
لكم خالص تقديري
أخوكم عبد الحميد القيدعي
[poem=font="arial,6,black,bold, italic" bkcolor="transparent" bkimage="backgrounds/13.gif" border="double,4,gray" type=1 line=0 align=center use=ex num="0,black"]
قال أبو فهمي البداع راسي مبرمج=برمجه خالقه من قبل يكسيه تاجه
قبل لايدخل المدخل ومن قبل يحرج=يضمن المخرج الآمن وحصّن سياجه
حسب خطه بيتماشي وموقف ومنهج=مابيرجع وراء في موقفه وانتهاجه
سهل لين مع الطيب ولإبليس محلج=جود بالجود والمعلول عنده علاجه
بعد ذلحين يالواقد براسي توهج=وأفسح الخط للهاجس ينوّر سراجه
وأنت يامرسلي باحملك قرص مدمج=فيه منسوخ مايكسر لقايد مزاجه
بعد عامين من ردة على البدع لبلج=وامتناعه عن الثالث بموقف عواجه
با تجد بن علي راكب على الخيل لعرج=ألتقط له صور من قبل تعلن دراجه
وانزله من على خيله ورجيت به رج=يعرف الفرق كم هوبين ماسي وعاجه
راعي المجحمه حطه على الأرض يفهج=واقرُص أذنه جزاء ما ضيعينه نعاجه
ذا خرج فصل والثاني على الكشف مُدرج=قل له إن الطلاق أصبح بحجم الزواجه
والشواعه وأهل البنت مكريب يلعج=ما يبوا غيرها يطلب من الله خراجه
قالوا البنت طفرانه فقيرة بتزحج=جردوها سرق كلا ملئ هند باجه
قسموها على لعجم ولعمي ولصنج=والبصيرين محرومين من كل حاجه
ونت يبن القطنه كم تفالج وتفلج=وضع ملغوم ونته تدعي بنفراجه
تسعتعشر سنه نفس الشريط المدبلج=وحدة الشعب تعبدها بدون اندماجه
ابحث الآن وأتحره ودور لمخرج=عالج الوضع ذي سيته بعنق ألزجاجه
شف علاجه بفتح الباب ذي هو معلّج=والقرارات يا بو رعد بعد ألديباجه
غير هذا وذاك الحل ماضن تُفرج=ماحداء يرتضي ينذر جمل عالدجاجه
ون تضنه بدبابة وجندي مدجج=كان ما قامت أكتوبر وطاح الخواجه
لاتطبل لمن هرّج لقوة وروّج=منطق العنف يا قايد شعار السذاجه
حسك أتنكر الواقع كما بتّعصلج=أو تروج لسوقك ذي يهمك رواجه
بعد ما سيت لك كيه على الضلع لعوج=واثني الثانية عالرأس بعد ارتجاجه
ختمها بالنبي ما زار قبره وما حج=عبد مؤمن سمع لبيك والدمع ساجه[/poem]
|
المواضيع المتشابهه
العرض المتطور
