احبك رغم ماقد صار .. احبك حيل مهما صار

احبك كثر ماقد صار احبك رغم ما قد ماصار
احبك كثر مادنيا الزعل والصد مهجوره

احبك كثر ماتمطر بصدري من غلاك امطار
احبك كثر ماصارت اراضي العشق ممطوره

احبك كثر ماتفتح شبابيك الربيع أزهار
احبك كثر ماغنت عشان الصبح عصفوره

احبك كثر ماتاقف على جنب الطريق أشجار
احبك كثر مايقسى الشتاء وتهاجر طيوره

احبك كثر مافي الارض بنت تلفت الأنظار
احبك كثر مايرتاح عطر بصدر مغروره

احبك كثر ماجاب المساء في معطفه زوار
احبك كثر ماجانا الصبح يشبهك نوره

احبك كثر ماتهدي كفوف الوصل من تذكار
احبك كثر ماشالت يدين العاشق زهوره

احبك كثر مانقراء عن الفارس عن المغوار
احبك كثر مانسمع ولا شفنا ولا أسطوره

احبك كثر ماتلعب بدنيا العاشقين أقدار
احبك كثر ما .. ذا الحظ يلعن قصوره

احبك كثر ماعاثت رياح بحسبة البحار
احبك كثر ماالبحار يعشق نسمة بحوره

احبك كثر مايتحلف اللي منشغل باعذار
احبك كثر مافي الناس ناس بجد معذوره

احبك كثر ما ملت قصايدنا من التكرار
احبك كثر ما الشاعر تمنى حب جمهوره

احبك كثر ماشفنا على وجه الزمن آثار
احبك كثر ماقلنا عن الاحوال مستوره

احبك كثر مادارت بذهن الحالمين أفكار
احبك كثر مافي الخير ناس بالخير مذكوره

احبك كثر مانرمى حكايات الحطب للنار
احبك كثر مانسمع حكايات حب مشهوره

احبك كثر ماضاق السجين بلعنة الاسوار
احبك كثر ماهاج البحر واجتاحته ثوره

احبك كثر ماننسى واحبك كثر مانحتار
احبك كثر مايسهر محب وفي يده صوره

احبك كثر ماتقطع شفاتك في العسل مشوار
احبك كثر ماخدك يخلي الشمس مبهوره

احبك كثر ماروج عليك الحسن من أخبار
احبك كثر ماصدرك يدوخ الورد بعطوره

احبك كثر مافي عينك من السحر والأغوار
احبك كثر مافيك الغلا ماوقت سطوره

احبك والزمن ساكن واحبك لو زماني دار
احبك يامدينة حب وسط الصدر معموره

احبك والتفت شاعر لعينك وانطرت أشعار
حلف مايمسى الليلة قبل ما يكتب شعوره

ورتبتك بصدري وأنت تستاهل وراعي دار
تفضل قلب اوراق الغلا وايديك مشكوره

وذكرتك وانت لو مثلك ذكرته هلت الانوار
وقمت أجمع من أشواقي قصايد عشق منثوره

تلبست الجمال وقلت ابهديك القصيد ازرار
غلاك وصدق حبك ماترك لي نفس مكسوره

انا عاشق جمال وما خفاني في الجمال أسرار
انا لامن كتبت اعطيك واعطي العشق بك دوره

كتبتك في القصيد ابيات من حسنك عليك تغار
حروف العشق طفلة في ثياب العيد مسروره

لقيتك والدلع والثقل شله والحسن ثرثار
يقول أشياء كثيره للعيون ويثبت حضوره

كفاية لو تطل ويفرح بطلتك دار وجار
كفاية لو تشوف الناس في نظرتك مأسوره

غرامك يغري حروف سقاها الصدق منك امطار
كتاباتي بتشهد للغرام وتحفظ عصوره

احبك مهما تبتعد عني بسبة الاقدار
احبك واحبك لو حبي توصله لك طيوره

احبك رغم ماقد صار .. احبك حيل مهما صار
احبك دام انا طيب .. واراضي العشق ممطوره




ممارااااااق لي ..

احبك والتفت شاعر لعينك وانطرت أشعار
حلف حلف حلف ما يمسى الليلة قبل ما يكتب شعوره
يعطيك العافية يا خوي الفارس
ذوقك رفيع الشان
يمسي خاطره وباله ولهان
فنان والله فنان با النظم والقيفان
هو شي يا صاحبي شفت ذاك الفتان
اللي يلبس الكتان وجعده على لمتان اشكال والوان
اءن الاوان الان نسمر مع الخلان ويكون ما كان@ ههههههههه
تحياتي لك يا صاحبي
تقبل مروري

والله يقول دواء القلوب والله يقول ..

آها ؟؟ شكلكـ من الحب متعوب ياصاحبي ؟ هههههههههه

الله يعينكـ ويوفقكـ ^_*

يسلمكـ ربي ويعطيكـ مليون عافية ..

دائما تسعدني بمروركـ العطِر والمتميز ..

أشكركـ من الأعماق لجميل حضوركـ وتألق ردودكـ ..

دمت بود وكما تتمنى ..

خالص تحياتي وتقديري لكـ ..