ديوان الشاعر القدير الصلاحي م

بدع وجواب رقم (1) بين الشاعر القدير الصقر الصلاحي ومحمد عبدالله الصلاحي
البدع من الشاعر القدير الصقر الصلاحي

[poem=font="simplified arabic,6,blue,bold,normal" bkcolor="tomato" bkimage="backgrounds/27.gif" border="ridge,6,black" type=2 line=0 align=center use=sp num="0,black""]
بدينا باسم الله لا ماطره هطل = وما تلجب الوديان لاحنه السيول
ابوعبده المقدام جاءت على عجل = حليله بتنظم شعر تبهر به العقول
و هاجس حضر عندي بيرتب الجمل = وابيات شعريه بيفصل الفصــــــــول
وابداء تحياتي للوالد الاجــــــــــــل = ابو زايد المقدام ذي يعرف الاصول
اصيل النسب والطبع نضرب به المثل = وفي جملت الشعار حطه مع الفحول
سلامي وتقديري للشاعر البـــــــــطل =وللمنتدى كله وذي سجلوا دخــــــول
ابو زايد الحقني شف القلب اشتعل = من اوضاع في ارضي صعيبه على الحلول
تمنيت لوترجع بلادي كما الـــــــــدول = وترجع سعادتها اليها ولا تـــــــــــزول
وترجع له البسمه مليحه كما العسل = وتشرق كما شمس الضحيه على الحقول
اميره على قلبي بتبعث به الامل = حبيبه ومحبوبه عسى عمره يطــــــول
مليحه وبعشقها اقولها بلا خجل = على العين فوق الراس باشلها شلول
انا لاجلها مقهور جابت لي العلل = لمه وردتي تذبل واغصانها ذبـــــــول
بتبكي وبكتني ودمعي على المقل = واحزان من حولي على حزنها تجول
لمه وجهها شاحب لمه صابه الزعل = وهي كانه البسمه بتشرق لها الطـلول
وهي من تغنى الشعر فيها مع الغزل =ومن انجب الابطال لا دقه الطــــــــبول
ومن ارسل الفرسان للسهل والجبل =لاجل التقى والدين كم قدمه قتــــــول
عسى من يزعلها يدخل له الشلل =ويحرم من العافيه ولا صحته ينــــــول
وذا ء الان يالشاعر اشرح لي العمل =وكيف نخليه سعيده بنا تصــــــــــول
وصلى على المختار ذي ربنا رسل = محمد حبيب الله هادي من الزلول
صلاة بها تغشاه بالعطر والحلل = مع الال والاصحاب يارب بالقبول[/poem]


الجواب من محمد عبدالله الصلاحي

[poem=font="simplified arabic,6,blue,bold,normal" bkcolor="orange" bkimage="backgrounds/27.gif" border="ridge,6,black" type=2 line=0 align=center use=sp num="0,black""]
بدأنا باسم الله ذي يشفي العلل = سألته باسمه كل مؤذي عسى يزول
ويا رب غفرانك من الذنب والزلل = برى الآدمي يا ربنا دائما عجول
ويا مرحبا حيّا بذي جا وذي وصل = بابو عبده الشاعر ولبيات ذي يقول
هلا بالصلاحي في زجيله وما زجل = صدق في كلامه شعر ذي يبهر العقول
سلامي لبو عبده محمّل وبالجُمل = وفي العطر والكاذي يعطَّر به الدخول
شاعر محنّك يعجبك لازجل زمل = رعى الله ابو عبده وعمره عسى يطول
وأمّا عن الخله وعن سبة الحلل = فلا سامح البياع ذي باع وش نقول
وبنت الحسب ذي زوّجوها وبالعجل = ولا سو لها حفله ولا دقّوا الطبول
على زوج متحايل أخذها وبالحيل = وشمّت بها الحاسد وشمّت بها العذول
أخذ كل ما تملك من المال والحُلل = وصادر أراضيها وخيله بها تجول
وحد ياكل الثومة وحد يشرب العسل = وحد يزرع الحنطة وحد ياكل السبول
وحد خبزته يابس يكلها على بصل = وحد ياكل المندي ومن لحمة العجول
وحد قد تعب فيها ويعمل بلا كلل = وغيره تنعّم سار في سهلها يصول
وذي قلت باعيده اعاده بها ملل = نصيحة لظالم ما تلاقي لها قبول
وهذا جوابي مُختصر جاك في عجل = ولا قلت باشرح خفت ذا الشرح بايطول
فلا سامح الجمّال ذي ضيّع الجمل = وباع العروسة رُخص والحمل والحمول
وما بين لمحة عين يحدث حدث جلل = وتتغيّر الآحول يا الظالم الجهول
وربّي له الملكوت يا الشاعر البطل = ولا دامت الدنيا لمن حلها حلول
وصلّوا على المختار هو سيّد الرُّسل = وآله وأصحابه هم الأصل والآصول[/poem]