[poem=font="simplified arabic,4,black,bold,normal" bkcolor="black" bkimage="backgrounds/25.gif" border="inset,8,gray" type=0 line=0 align=center use=ex num="0,black"]
ياحلم طال انتظارك كم عادنا بحلم = وليش امني النفس باحلام وهميه
اذا حظي الغابر ما لاح واتبسم = فهذا قدر مكتوب من حكمة الهيه
ودام انا قررت ادرس واتعلم = ولو كان ظرفي ما يساعد عاد لي نيه
والكل شجعني ومن نفسي بديت اهتم =ودورت عن مقصدي في كل كليه
شارفت عاالابواب وان جوها مفعم= شفت الشجر فيها كانها محميه
وبعد ايام شفت اشيا فيها اعظم = البعض قد كون علاقات سطحيه
عرفت متاخر مالم اكن اعلم = ان الصبيه تصاحب هذا مع ذيه
مرت عليا شهور لما بديت افهم = ان الصداقه والضحك اشياء عاديه
تمت دراستنا والفصل لاول تم = جاءت نتائج العشاق صفريه
فجأة تكلمني بنت دون اتكلم = قالت مبروك لك تسعين بالميه
سكت من فرحتي قالت انت ما تفهم = او ما عندك ارسال بدون تغطيه
فقلت لا والله اصم ويمكن اكون ابكم = اذا كان تعنيني فأنتي بالكلام معنيه
وليش بتكلميني لو كان عندك دم = بنات المدن لا روحه لي معاكن ولا لي جيه
فقالت العفو منك لو غلطنا ياعم = انت في مقام الاخ واحسن اشويه
حسيت في طعنه وكني بديت اندم = لما شفت ردها في كل عفويه
وبديت افكر ليش فيني تهتم = والله يستر من اشياء عادها مخفيه
يوم مريت قلت اسلم واسلم = قالت حسين قلت نعم يابنيه
قالت ممكن دقائق نقعد ونتكلم = فقلت نتكلم ولكن باشياء رسميه
قالت ايش فيك خايف وتتلعثم = اجلس وخلك طبيعي مثلي طبيعيه
الان خجلان ولكن بالوقت تتاقلم = ايش فيها لو جلسنا جلسات وديه
فقلت الناس شافونا والناس ما ترحم = باينشروا اسمي في كل مطويه
بعدين والله محد بيقول لي من كم = لا توصلي عليا وانا ساكن بجمعيه
واصبح مشرد لا مسكن ولا لي مطعم = وتوصل اخباري الى يافع ببرقيه
قالت ما في احد بيقول لكن انت تتوهم = لا تزيد قلبي عنا قدني من الهم مكفيه
خل يافع بحاله لو تسمح وتتكرم = ما خلفو غير الجهاله واجيال اميه
ما يعجبك في بنت تتجول وتتلثم = ما يعجبك بالله في بنت بدويه
شوف التحضر واتعلم ابد ما تندم = هذة عدن ارضنا ارض حريه
كلامنا حالي وفيه خفة دم = حياتنا معمورة عالحب مبنيه
عيش عمرك وسيب كل الهم = واعطيك حناني لو نقصان حنيه
من يومها حسيت انني مغرم = والعقل سارح باحلام ورديه
وين بن سينا وين بن الهيثم = قلبي خفق وزاد فوق الميه[/poem]
المواضيع المتشابهه
العرض الشجري