رصيف الشعر

على رصيف الشِّعْر والجو بارد = امشي واتبع في خيالي سرابه
وحدي وانا بعضي لكلي معاند = والفكْر يجبرني على طرق بابه
والبدر في كبد السما وجه عابد = يتلثّم الأنوار فوق السحابة
عانق سكون الليل وانْفاس زاهد = من بسمته عاد العُمُر في شبابه
يا هاجسي زاحمتني وانت شارد = وازن امورك..كل شي في حسابه
يكفيك لو زار النسيم الوسائد = على شفاته ذاب روح الكآبة
اصبر وحط الرد في الصمت راصد = اسمع ويمكن في السؤال الإجابة
احرص على التجديد والغد واعد = والماضيَ اقْرأ له وغلّق كتابه
خلّيك يا قلبي على وجه واحد = يبرز ظهورك في وجيه الغلابة
‏من بدل النعمة بنقمة يشاهد =‏ زوالها مثل انخلاعة ثيابه
واسْراف تلحقْه التباذير واجد = فوضى بلا ترشيد يرجع صوابه
خذ لك من الدنيا وفي الدين جاهد = وابقى على نهج الرّسُل والصحابة