شاعر يافعي في السعودية

اليوم جبت لكم هذا القصيدة الشعرية لشاعر يافعي في السعودية
القصيدة فكاهية اتمنى ان تنال اعجابكم للشاعر الخضر سالم .
[poem=font="Arial,6,white,bold, normal" bkcolor="transparent" bkimage="backgrounds/50.gif" border="double,4,red" type=2 line=0 align=center use=ex num="0,black"]
قال الرماعي خضر سالم كبدشيني بالكبتشيني=أنا بحافظ على العملة ونتي بسبعة كرفشـيني
صرف البيس عندنا عادي لكن لماذا تغشيني=وحرمشني من غداءبكرةومن صبوحي حرمشيني
لوكان مديش لي يدش وقلش لي قوم مشيني=قد كنت باصبر على رزقي وعين لما تمشـني
ماشي شبعنامن القهوةماهل فلوسي خفعشيني=ومسيت خسران من جيبي لاجنب دحشةدحشتيني
ما جئت رغبان في القهوة ولكن أنتي وحشتيني=سهمك جرحني ويقتلني مقتول وأنتي قتلتيــني
خليش قلبي بيترمح تي مثل دوكي ذبحشيني=قد كنت داخل جبل يافع سافع ولكن سفعشيني
قالت لي أسكت كظم لقفك فقلت مالش كظمشيني=خليني أهدر أنا أحذالش لا تمنعيني قبرشيــني
ياليت أنا خبزفي يدش ولا عصيدة عصدشيني=ولا حقن داخل الدبيةمعجوش وأنتي عجشـيني
يا قرع ياقاش يادهن ياسمن قشوةعجبشيني=أموت في القرع والقاشي وحبحب أحمرفدجشيني
قالت ويش الحقن هذاويش كلمةفدجشيني=ويشوة القاش والقرعي وضح كلامك ومشينـي
فقلت مالش كذامالش مالش علياءربشيني=نحنا بنتكلم الفصحى وانتي لمة ما فهمشينــي
القاش بنصلحة منشع والقرع دبية فدشيني=والجحف للسمن والقمة باضيفش لوعزمشيـني
يابوي ماأحلىالمذرحامي لمابتكتع كتعشيني=والدخن في أرضنا بزرع يا دخن جهشة جهشتيني
قالت تكلم على مهلك لاتخلط السين بالشيني=ياجحف يادخن يامنشع هشيت عقلي وتهشيـني
فقلت الله لاجابش خفي علياجرحشينـي=ماقط عليا حدتكلم كلام جارح جرحشينــي
والان مفرض نتعارف مادام ماشي عرفشيني=أنا يماني ومتغرب الله معي لو ضلمشيــــني
وبدوي أهبل ومتطرف لاتمدحيني وترشيني=والأصل من يافع ال***ةباخشرش لوخشرشـيني
وانتي ذلحين قولي لي من فين ذاالساع جيشيني=ويش هذا الدلع كلة والحسن هذا سحرشيـني
أن كان أصلش سعودية بسيط لأنتي هبرشيني=قدنا معش داخل العطفة حتى برشاش رشـيني
أنتى كفيلي وأنا عندش دومي عليا وبعشيني=أو رحليني على كفيش ولا أعتقيني وخشيـني
مادام للمال في يدش وفي التطور سبقشيني=باجيب يافع وعقالة لا عندرجلش دفنشــيني
معروف يافع وعقالةفي كل دولةسمعشيني=والناس بتخاف من يافع حتىأمريكةبتخشـيني
واليوم تاريخناباقي في باب صنعاءكتبشيني=اليافعي رطل قدامش وانتي وقية وزنشيـــني
وقالت هل عندكم دولة وحكم ذاتي باتقشيني=ماشي سمعناولاشفنافي الخارطةأسمك الشيــني
فقلت شلش عسى شلش على يفاعة كرهشيني=يافع كبيرة ومشهورة حتي ولا أنتي شطبتــيني
وكل واحد معة بندق وجنبية لو طعنشيني=ما أحد علينا بيتحكم لا أنتي ولاأمش حكمشيني
فقالت ربنا يستر يشفيك ربي ويشفيني=كم هم مجانين تي مثلك وبدوي أهبل تحاشيني[/poem]