وعلى شان عيون الصقر اليافعي هذا ردي على السهم الخارق للصبري

[align=center]مع ان القصيده
فاضية جوهرياً ولا يوجد بداخلها الشي المهم الذي يستاهل النقاش والمحاوره
ولكن لاجل الاخ الغالي الصقر اليافعي رديت[/align]
[align=center]وهنا كان بدع الاخ احمد الصبري
بهذا الاقتباس[/align]
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بن صبر عاد بآيكتب عمود ارتكازي =طول في عرض مربوعة من الأرض ركاز
لأجل لعداء بأقدم أحر التعازي=والذي حبني بآقول له ألف ممتاز
لا تقولون ابو صبري رجل انتهازي=دام أنا من صبر بآمزمز الخصم مزماز
من تعز من صبر فخري وكل اعتزازي=برسل اليوم صاروخي من السم والغاز
وينك الآن يا ريموت بفتح جهازي=جهز السم للأعداء والخصم جهاز
لا تخاف الذي قلد أمامك حجازي=جاء لنا معتني عاني ببابور نهاز
يا عمر جيت لي مخصوص فاضح وخازي=ليت لك علم من ذي قام تشغيل هزاز
ساعة الصفر ذي دقت على أقدام رازي=وأنت قاعد بحيد العر بس ياترجاز
تنظر الناس ذا تاجر وذا برجوازي=والحسد عمكم تمشوا بصعده وعكاز
أبن يافع قضي وقتة شروع انحيازي=بانتخاباتنا ما عمره أحتل أو فاز
ليش ينسى نهار الجيش ذي جاه غازي=يوم شعنا خبرهم في إذاعة وتلفاز
يوم جاء اليافعي بيقول شلوا جوازي=بعد ما لعوزه لينين بالسوق لعواز
وأصبح اليافعي داخل مقره تجازي=داخل السجن طول الليل جاء يا ترماز
يافعي يافعي هذا وهذا حرازي=والذين يتبعون الشيخ احمد وبن باز
قدركم بس بالدولة تحلوا محازي=والذكي منكم بيكون حلال للغاز
ما وجدنا بكم عاقل وشخص امتيازي=لجل بنجهزه في مجلس الشعب جهّاز
ذا كلامي وجاوبني جوابك مجازي=ساحة المجد قدامك بفارس ومبراز
وألف صلوا على المختار ما جاد غازي=وكلما أحمد يغرز السهم بالخصم غراز[/poem]


[align=center]وهذا جوابي عليه[/align]


[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هيج ياهاجسي الليله وقايس ووازي=دام انا شاعرك بانقز الحرف نقاز
من زمن حكت أنا الاشعار تخبر طرازي=كن شعري ذهب واطرز البيت طراز
ما تقارن ببو صبري وماهو موازي=لي ولكن بلينا في مطبه وغراز
يشبك القاف صاغ الحرف يبغي اعتجازي=لاوي اللقاف واعجز به القاف عجاز
بيرق الشعر لو شبهت عمري مجازي=سيف مسلول للشيعه مناجيف واهواز
شف علاجك معي وصفات من علم رازي=كوي بأكويك واطزطز لك الكبد طزطاز
يافعي ما أكتنز مالي رجال اكتنازي=مسند الظهر مخزاني ويا خير مكناز
لاأقبل الصوت لبوالي مع كل عازي=جيش جرار بافعاله وماهو تنرفاز
لا تقارن حمامتكم بصقري وبازي=صعب توصل حدود الصقر وتنافس الباز
ويش بلاك جبت اسمي وثرت افتزازي=وانت مسكين بايع ورد وان طلت خباز
ويش لك في سموم الحرب والا ارتكازي=في الميادين في الغبراء لنا سيف جزاز
وانت يا احمد ابد لا تخاف وقت الجزازي=عادت الشهم ما يلمس عجايز وخراز
طولت الليل يتهزهز وزاد الهزازي=ظنه الحيد يتهزهز وهو يا تهزهاز
راسي العر ما يتهز من اي غازي=رافع الشان والتمجيد والفخر يحتاز
بالعداله فرض قوله وبالحق فازي=دايماً صادق أقواله وللحق منحاز
وانت وينك زمان الجد وقت الحزازي=كان اسمك ذكر وكان لك طاري انجاز
قد قتلتوا الزبيري يا كثير الطنازي=مالكم شان بالدوله سوا للتطناز
والفقيد الذي راحت حياته محازي=ما طلع صوتكم بتوزوزوا بس وزواز
قلت موزه هنا بيدلعوها موازي=وانت لخبطت في مازا ومزمز ومواز
شف حروفك ولا فيها لواقع مغازي=رابع المشي وترمز على الارض رماز
تبغي الحق والله انك تثير اشمئازي=قد بلينا بكم منكم نثير الشمئئزاز
ان فخرنا جلبتو العار واكبر مخازي=وليت حد منكم باللي تسووه مختاز
الشحاته وبعتوه الغطا والقزازي=باردي الدم ما فيكم رجوله وفزاز
وكان في وضعنا الحالي بتضحك وهازي=عاد باقي لنا تقسيم ثاني وفراز
عبرتك شوف في هتلر وفي كل نازي=بعد مجده هدم مجده وللموت مزاز
شوف وضعك وسوه لك ثلاثه حرازي=ضاء نجمي ومصباحك معك يا تكازكاز
صل يا من حضر ع اللي بعث بالحجازي=خير هادي محارب كل لامز وهماز[/poem]


[align=center]
ملاحظه:
اللقاف: جمع لقف ومرادف لقووف
الفقيد هنا اعني فيه : السلال
مع
اجمل التحايا
للجميع[/align]