بدع وجواب بين عمر اليافعي ومحمد الصلاحي 27/09/2007 م

[align=center]بدع الشاعر/ عمر اليافعي[/align]
[poem=font="Simplified Arabic,5,darkblue,bold,normal"
[poem=font="Simplified Arabic,6,blue,bold,normal" bkcolor="transparent" bkimage="backgrounds/23.gif" border="double,4,darkred" type=2 line=0 align=center use=ex num="0,black"]
وبن صالح عمر يا هاجسي ازجل=تعنه في سلامك والحليله
لمن في صدر قافي صار يحتل=مواقع شامخه فيني جليله
سرى في القلب بالشريان هرول=جرى بالدم مايبغي يشيله
ابو زايد رعاه الله من حل=سويدا القلب واستوطن دليله
وفي ليله بها الميلاد سجل=سما للطيب والكف النبيله
كرم واخلاق والمزن المحمل=غيوث الخير ومطاره هطيله
يقف نبض التواضع له ويذهل=رجل واحد ولكن عن قبيله
دعاني البارحه للدار وارسل=وماقصر وله عاده اصيله
معيا بو اصيل الفهد الاكحل=وهو عمه وبنه وسط هيله
جلس جنبي وشاورني وفصل=علوم الخير من صافي مسيله
اخذنا بالسوالف دون نعجل=وناقشنا مواضيع(ن) طويله
ذكرنا المنتدى في طيب مرحل=وذي مني وهذا كان ذي له
ذكرناكم بطيب وخير منزل=وخاف احكي وموضوعي اطيله
رجل معروف ابو زايد من اول=رعيل الخالدي وابناء جيله
وشاعر فذ لاالهاجس تزمل=بخط الشعر راسه ما يميله
وفارس شهم لو لحظه ترجل=ويخشاه العدوا في كل كيله
وانا باقي مكاني ما تحول=ركاب الصعب بيدي تنتخي له
علوم ابن الصلاحي خير منهل=اخذ منه وبرشف سلسبيله
مدرس للحياه في كل مدهل=وتشهد له قصايده الجميله[/poem]
[align=center]جواب الشاعر/ محمد الصلاحي على عمر اليافعي 27/09/2007 م[/align]
[poem=font="Simplified Arabic,6,blue,bold,normal" bkcolor="transparent" bkimage="backgrounds/17.gif" border="double,4,darkred" type=2 line=0 align=center use=ex num="0,black"]
بدانا بالذي يحكم ويعدل=على الظالم عسى ربي يزيله
رساله بالقلم والحبر بارسل=لها فعل الصواريخ الثقيله
الى حاكم ظلم شعبه وفضل=قبيله عن قبيله ذه فشيله
ومن يشكي لخلق الله ينذ ل=ومن يشكي لربه هو وكيله
الى الله اشتكينا بيده الحل=من الظالم ولا باليد حيله
ثقيل الظلم مثل الحيد واثقل=على شعب اليمن كم بايشيله
ويسقون المواطن مر حنظل=ومن جرعه قفا جرعه تجي له
مسيكين اليماني كم تبهذل=في الغربه ليرعى من يعيله
ملف المغترب ماشي تحلحل=محلك سر بطيئاً سر سبيله
مسيكين الشمالي كم تغربل=وصدق وعد لوجاه البخيله
مسيكين الجنوبي كم تحمل=ثلتعشر سنه مده طويله
حقوقه ضايعه ع الارض مهمل=تشرد من بلاده واحليله
وقاتلنا معك في العهد لول=دحرنا البدر واعوانه وخيله
وحررنا عدن من عدو محتل=ومن ردفان شعللنا الفتيله
وحد يسجن وحد بالحرب يقتل=وفر الانجليز أعلن رحيله
لقينا ظلم من عدوان محتل=وظلمك أشد وطئاً من جليله
بسبتمبر تحقق حلم عجل=لأكتوبر أماني مستحيله
وناديناك للوحده تفضل=وقد كانت نوايانا نبيله
تنازلنا وقلنا لك تديول=جبالك أرضنا هذه الجميله
وسلمنا البلد لك ليش تبخل=علينا يا علي في قوت ليله
وما ندري بان الغش والغل=معك لخوك ذي جيته بحيله
ومثلنا وسمينا المسلسل=دجاجتنا أكلها باثعيله
شفك جازيتنا بالقتل تقتل=كوادرنا وقلبك فيه غيله
وفنشت الكوادر كل بالكل=وقانون المخوه جوف سيله
اذا طالب حقوقه قلت يعزل=تسميه انفصالي او خبيله
أساس الحكم هوه العدل فاعدل=ومن يعدل ترى الجنه سبيله
وحاكم عدل عرش الله له ظل=بيوم الحشر ظل الله ظليله
نبي وحده لكل الشعب تكفل=حقوق الشعب للغايه وسيله
نصيحه يا علي خذها وبسمل=وشاور اهل لفكار النبيله
رعى الحكمه يمانيه وقد دل=حديث المصطفى ثابت دليله
ولا تسمع نصيحه من مغفل=يكيل الحقد كيله بعد كيله
أنا باخذرك ان كنت تعقل=تجنب من فتن جتنا دخيله
وفي لوضاع صلح لا تعطل=ترى شعب اليمن لعلع زجيله
غلاء لسعار مثل النار تشعل=وتحرق شعبنا ماحد رثي له
ومن نار الفساد اللي تغلغل=رشاوي سحت للفاسد جعيله
وباجمال هدد قال بانزل=وباقاتل على وحده عليله
تقاتل من تقاتل يا مغفل=أهذا الحل عندك يا هبيله
هموم الشعب سهلها تسهل=وباجمال جانا في صميله
وبالحكمه تعقل ليش تزعل=حقوق الشعب دستوره كفيله
دعينا الله في الشهر المفضل=بشهر الصوم في شهر الفضيله
عسى يا رب تقتل كل محتل=واعوانه وأذنابه وذيله
أجا يهدم مبادينا بمعول=وينشر كل آفات الرذيله
هدم بغداد وكابول ثم قتل=ألوف المسلمين الله يزيله
باسم الحرب عالارهاب علل=وله غايه تبررها الوسيله
فصول المسرحيه والمسلسل=عرفناها وباننشر غسيله
وبو زايد يقول الهاجس اقبل=وجاب الدر بيده والحليله
الا يا مرحبا بابيات بلبل=يغرد فوق لغصان الجميله
لعمر اليافعي يا مرسلي شل=اليه الرد ذي يشفي غليله
الا يا مرحبا باللي توصل=الى داري بدعوه with زميله
ويا فرحه فؤادي ضيفنا هل=بليله من ليالي الف ليله
لبن صالح فرشنا الدار له فل=اذا جاني على راسي أشيله
مأصل أصل من يافع توصل=الى داري هلا سيد القبيله
أصيل الأصل من تلب تأصل=ومن خيرة قبايلنا الأصيله
وصلوا ع النبي ما الغيث يهطل=ملى الوديان سيله بعد سيله
عسى يشفع لنا في يوم معضل=ونشرب من عيون السلسبيله[/poem]