خفافيش الظلام

[frame="7 70"][poem=font="simplified arabic,6,firebrick,normal,ital ic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
نبدى بالذي مدها من عنده وماله مدد=ثبتها بميزانها سخر خيرها للعباد
فاتق ارضها والسما جاعل من جباله وتد=تجري في مداراتها مرفوعة بسبعا شداد
غلابة بثرواتها مادامت لواحد ابد=تتغير سياساتها في تغييرها لقتصاد
مايبقى سوى ربها خالقها وليه المرد=ذي رتب سجلاتها لا يوم الجزى والمعاد
والرجفة باركانها من فكر بها مارقد=يتجهز لحلاتها يجمع عدته والعتاد
للدنيا قوانينها مرصودة لواحد احد=من خالف تعاليمها يتبع قوم تبع وعاد
حد يفرح لخير الولا والثاني محمل كمد=من مزروع يداتنا نستوفي بيوم الحصاد
ونته في صغر مرقدك يازارع بذور الحسد=مزعتك ومحصولها معروضة بسوق الكساد
بوحاصل يقول الزمن مابين الخلايق ردد=يوما لك ويوما لهم ذي بتبيعهم بالمزاد
يومك حش به بالخفى مارس فيه بيع البرد=ومسح في عراقيبها قد مافي عليك اعتماد
خفاشك بظلماتها تتقمص بزي الاسد=ون شمس عليها نمت لا جرف البكا والحداد
طالعاتك بعلاتها محسوبة معي بالعدد=ورموشك وهزاتها تكشف عن خيوط السواد
مالك مثل مالي بها لاهيبة ولا لك سند=وحنا صانعي مجدها وحنا اركانها والعماد
نبنيها بيداتنا ونتم تطلبون الهدد=خليتوا تشاريفها مرميات جوف الرصاد
كانت ثابتة بهلها لو جو المشاكل رعد=والان الضغينة بها تقضي عل وفى والوداد
من روحت رجاجيلها زيد بؤسها والنكد=وستبقى الذي دنيته مثل الكبش مشرب وزاد
ضاقت فيكم اخلاقكم في عزلة وغيره وصد=وحنا اخلاقنا واسعة لولاها تضيق البلاد
والصنف الخطير الذي يشعل نارها بالعمد=شلة حاقدة فاسدة مايعحبهم الاتحاد
لو خيط القضية معه بيزيد العقد عل عقد=ون مرت بدرب الفرج يتمنى لها لنسداد
والثالث يخذ خيطها وعيونه مليئة رمد=قصده يربط اطرافها لكنه يزيد الفساد
ان صابت معه صادها ون خابت بعينه شرد=وتحقق بزعزاعها مجمل غايته والمراد
ماله قصد في حلها الا قول خيرت ولد=في وادي محبينها والمغرور يمشي بواد
يقلب خيرها شرها في مصرع طويل الامد=وفروق العمل واضحة بين الامعة والجواد
لا تنظر مقاصيدها فيما الخصم لول سرد=او تبني على العاطفة من تاثير دمعة سعاد
من خاطب صناديدها بايلقى كلامه صدد=ون طارت على اشكالها فسر طلسمات الجماد
وختمها بذكر النبي مالمسلم عليها سجد=وعداد القراءة بها للتوبة ومريم وصاد[/poem][/frame]