طفولتك تحت المجهور ..

نشيد كنت/ي تحبه / تحبينه أيام الطفوله ؟؟
::::
طالع البدر علينا من ثنيات الوداع
شخصيه كرتونيه كنت/ي تحبه/تحبينها ؟؟
::::
بيل وسبستيان ، توم وجيري
أكثر كارتون كنت/ـي تحبه / تحبيها و دائماً يعجبك تشوفه / تشوفيه ؟
::::
الى الحين احب اتفرج توم وجيري
واخر مره تفرجتهم البارح كنت بموت من الضحك ونا لحالي في المجلس هههههههههههههه
كيف كنت/ي ايام طفولتك شيطان/يه ولامؤدب/ه ؟؟
::::
كنت مؤدب وكان يضرب بي المثل وكنت مستحي لو رحت عند احد ما اتكلم حتى لما كنت اروح عند اخوالي كنت اجلس وراسي منزل تحت هههههههههههههه من الحيا هههههههههههههه
ماهي المواقف اللي عرضت فيها اهلك للاحراج؟؟
::::
مواقف كثيره ومنها لما اكون مع امي او ابي واحصل بنت تقول لي انت خطيبي ههههههههههههههههه وهي اكبر مني هههههههههه
هل كنت شخص ذو شخصيه قويه أم مغلوب عليه ؟؟
::::
كنت شخصيه عند الاهل وكلهم يحبوني والى الحين مازالو
اكبر عيديه جمعته/جمعتيه كم ؟؟ ومن مين ؟؟
::::
ماكانت عندنا عيديات
يوم كنتي صغيره تسوين جدايل والا كاريه ؟؟ <<للبنات بس
::::
الحمد لله انا مو بنت ههههههههههه
يوم كنت/ي طفل/ه تلع/بين بكمبيوتر العائله ؟؟
::::
ماكان عندنا كمبيوتر
ولكن كنت العب بالولاعه حقت ابوي ومره حرقت شعر راسي فيها هههههههههههههههه
يوم كنتي تلبسين مريول المدرسه هل تحطين شباصات ميكي ماوس
وشرايط بيض ؟؟ << للبنات
:::: انا مو بنت قلت لكم عدة مرات
من كـان يدلعك أكثر أبوك او أمك ؟
::::
ابوي وللحين يدلعني ههههههههههههه

اســم دلعك بالطفوله لحد الان ينادونك به ؟؟ وماهو ؟؟
::::
ابو معجب كنيه الشاعر يحيى عمر لاني كنت اكثر ما اردد قصايد الشاعر يحيى عمر ومن معجبي شعره
والى الحين يناديني الوالد بهذا الكنيه
بطفولتك كنت/ي تبكي/ن إذا ماجلست/ي بالاول بالطابور اوالفصل ؟؟
::::
لا ماكنت ابكي بس كنت اجلس لين يجي الاستاذ وابلغ باللي جلس مكاني
عندك لعبه موجوده من صغرك إلى الآن ؟ وماهي؟؟
::::
كلهم سرقهم نسيم يافع ماخلا لي شي هههههههههههه
هـل كـنت/ي تـعانـ/ين مـن اخـطاء فـي مخـارج الحـروف .. (الوح=أروح) عثير= عصير)؟؟
:::::
لا كنت فصيح بالكلام الحمد لله
ما اكـثـر حلاوة كنـت/ي تحـبه/تحبينها ..؟؟
::::
الهريس والحلاوه باللبن
آكله تحبها كثير ...وآكله تكرها ..؟؟
::::
اللي احبها اكييييد الكل يعرفها
واللي مو عارفها يشوف الصوره الرمزيه لي وبيعرف هههههههههههه
والاكله اللي اكرهها السمك
ما اسم اول مـدرس/ه درستك ..؟
::::
حسين صالح الله يذكره بالخير
لما احد يضربك في الشارع لمين كنت تشتكي..! والا تاخذ حقكـ بنفسكـ .. ؟؟
:::
اخذ حقد في نفسي واكتمه
ايش كنت/ـي اول شيء بتشتريه اول ما تاخذ/ـي مصروفك اليومي ؟
::::
حلاوه باللبن او عصير الفايمتو
كنت تنآم لحآلك وله بين بابا و مآمآ ..؟؟
:::::
عند بابا وماما الله يحفظهم ويطول باعمارهم جميعا
اجمل موقف صار لك بطفولتك ..ومازال عالق في ذاكرتك؟؟
:::::
مواقف كثيره كلها حلوووه ومنها المره هههههههههههه
ايش الالعاب اللي كنت تلعبها بطفولتك وايش اكثر لعبه تحبها ؟ومع مين تحب تلعب اكثر شيء ؟؟
:::::
كنت العب قشر ههههههههه
مع ابن اختي واولاد الجيران ههههههههههه
أجمل مكان سافرت له وانت صغير وتتمنى ترجع له ثااني ؟؟
:::::
ماسافرت ولا مكان كنت محبوس بالبيت ههههههههههههه
واذا خرجت اروح الى لبعوووس من الوالد بس هذي اكثر مسافه رحتها بطفولتي هههههههههههه
هل مر عليك موقف بطفولتك خلاك تكره شخص معين واذكر الموقف ؟؟
:::::
مواقف كثيره
كم مرة انطقيت ..او كنت تنطق كثير؟؟
:::::
انطقيت عدة مرات ههههههههههههه
بس كنت اطق اللي هو اصقر مني هههههههه
كيف مستواك الدراسي ممتاز ..ولا كسلان ..ولا نص ونص ..؟؟
::::
كنت ممتاز ولما وصلت الثانويه نص نص
واخيراً ..ماهو الحلم البريء ..حلم طفولتك ..كنت تتمنى ان يتحقق..!
::::
كنت اتمنى اني املك سياره ههههههههههه
وافحط بها بالقريه ههههههه
كلمه اخيره تهديها لطفولتك..!!
::::::
الا ليت الزمن يرجع ورى ولا الليالي تدور
ذكرني بأجمل ما كان في طفولتي فنقلته لكمــ

تحياتي العطرة لكمــ
سيلآنية
ولك اكثر
زيـــــن اليـــــزيــــــدي

ههههههههههههههههههههههه

اااالله عيبتني سوالف زين اليزيدي


تسلمين حبيبتي سيلانيه على الموضووع الحلووو

ههههههههههههه يعطيك الف عافيه زين على الطفوله الحلوه

وشكر طعن الوفى ..

وننتظرك ,,

يالله وين اللي اخترته يكون بعدك زين


ليش وقفت الدووور

ويش رايك ارشحك انتي بنتي طعن الوفي اقوم بالواجب بدل زين

هههههههههههههههههههههه يالله ربي يكون بعونك نريد نعرف

طفولاتك اكيد كانت رهيبه ههههههههههههه ربي يسلمك

شو ابويه الصقر تبي تضحك على طفولتي مثل ما ضحكت عليك انت وزين هههههههههه


نشيد كنت/ي تحبه / تحبينه أيام الطفوله ؟؟

انا طفله على فكره كنت منشده المدرسه

شخصيه كرتونيه كنت/ي تحبه/تحبينها ؟؟
مارك اللي فرسوم ساندي بيل كنت احبه بشكل ما تتصورونه لدرجه اني استحي منه >>> شووووووووو هالخبال
أكثر كارتون كنت/ـي تحبه / تحبيها و دائماً يعجبك تشوفه / تشوفيه ؟
ليدي

كيف كنت/ي ايام طفولتك شيطان/يه ولامؤدب/ه ؟؟

شيطانه شووويه عليه العن من جيه


ماهي المواقف اللي عرضت فيها اهلك للاحراج؟؟

يوم دخلت زريبه بيت الجيران وكسرت بيض البط وجتلت الحمام ههههههههههههه والبط كنت مشاغبه شليت سجين وذبحت 6 بطات وحمامه ههههههههههههه ابويه تفشل هاكي اليوم حرمني من الطلعه

هل كنت شخص ذو شخصيه قويه أم مغلوب عليه ؟؟

كنت قووويه ما عليج اقووولج كنت اطسر رووس الهنود هههههههه

اكبر عيديه جمعته/جمعتيه كم ؟؟ ومن مين ؟؟

1000 درهم من ربيع ابويه ما انسااااه ههههههههههههه


يوم كنتي صغيره تسوين جدايل والا كاريه ؟؟ <<للبنات بس
كان شعري يا دوووب يغطي رقبتي ههههههههه

يوم كنت/ي طفل/ه تلع/بين بكمبيوتر العائله ؟؟

ما كان عندنا كمبيوتر بس كنت العب بالزقاير مال ابووويه كنت كل يوم اكسر اربع ل خمس كراتين ههههههههههه

يوم كنتي تلبسين مريول المدرسه هل تحطين شباصات ميكي ماوس
وشرايط بيض ؟؟ << للبنات
هههههههه اكيد ما انسى هالشريطه البيضه اللي كانت تضااايقني ههههههههه بس ما كنت احط شباصااات لان دايما شعري قصير بس عانوا يلفون الشريطه البيضه على راسي كانت تضايقني حيل بس اصبر هههههه

من كـان يدلعك أكثر أبوك او أمك ؟
اثنينهم الله يحفظهم حتى اخواني محسسيني اني صغيره وهم اكبر عني مب جني انا اكبر عنهم
بس يمكن لان كلهم عليهم اجسام انا الوحيده ضعيفه وقصيره ههههههههه


اســم دلعك بالطفوله لحد الان ينادونك به ؟؟ وماهو ؟؟

ههههههههههههههههه كان عندي اسمين يدلعوني بهم السولعيه وميااو لان عيوني وساع للحين ينادوني السولعيه ومياااو ههههههه

بطفولتك كنت/ي تبكي/ن إذا ماجلست/ي بالاول بالطابور اوالفصل ؟؟

لا عادي ما كنت اهتم بالطابور اصلا ولا كنت اهتم بالجلوس فاول الفصل اهم شي اكون مع بنت عمي هههههه


عندك لعبه موجوده من صغرك إلى الآن ؟ وماهي؟؟

هيه عندي لعبه من يوم كنت صف رابع يعني من 14 سنه اللي هي عروسه دميه عمي شارلي اياهااا احبهاا للحين على سريري

هـل كـنت/ي تـعانـ/ين مـن اخـطاء فـي مخـارج الحـروف .. (الوح=أروح) عثير= عصير)؟؟

لا الحمد الله كنت اوكي

ما اكـثـر حلاوة كنـت/ي تحـبه/تحبينها ..؟؟

حلاوه حليب البقر المربعات البيض يمي يمي احبه

آكله تحبها كثير ...وآكله تكرها ..؟؟
الحليب مال الاطفال كنت اسرق الرضاااعه مال عيال عمي اي حد اشوووفه يرضع سحبت رضاااعته ورضعتها ورى الكنبه وبعدين اردها لهم يوم تخلص ههههههههههه واليهال يصيحون من اليوع انا قاضيه على اكلهم هههههههه

ما اسم اول مـدرس/ه درستك ..؟

ابله فاطمه كانت تضربنا بالبيب الله يسامحها ههههههههههه بس انا كنت شاطره كانت تضرب ربيعاتي
وانا اصيح بدالهم هههههههههه

لما احد يضربك في الشارع لمين كنت تشتكي..! والا تاخذ حقكـ بنفسكـ .. ؟؟
محد يقدر يضربني لاني كنت مشهوره باعلى صرخه فالشعبيه ههههههههههه من اي حد يقرب مني بس انادي على جدي هههههههههههه يخافون منه


ايش كنت/ـي اول شيء بتشتريه اول ما تاخذ/ـي مصروفك اليومي ؟

هههههههههههه بيض تعرفين ليش عشان اضرب الهنود بالبيض على روسهم هههههههههههه كنت مشاااغبه بشكل

كنت تنآم لحآلك وله بين بابا و مآمآ ..؟؟
شي طبيعي انام بينهم لاني وحيدتهم ههههههههه وبعدين انا خوافه بشكل واحب انام بنصهم

اجمل موقف صار لك بطفولتك ..ومازال عالق في ذاكرتك؟؟


ههههههههههههههههههه الموقف الله يسلمج كنت صديقه واحد من عيال الشعبيه هههههه المهم كنت العب معاااه تخيلوا وين كنا نلعب في زريبه البط لو تشوفون المكان لوعه جبد الحين كل ما اتذكر اقووول كيف كنت العب فهالمكان ههههههههههه

وموقف ثاني صار لي كنت في حضيره البقر والدياي والمعز مال يدتي المهم انا يوم امشي المعز والدياااي يخوزون من جدامي >> عبالي ملكه هههههههههه وانا مستانسه بس جذب انتباهي ديايه مب راضيه تتحرك جان اسير لين عندها وقمت احط صبع ريلي عليها ههههههههههههههه المهم تحت الديايه طلع فيه صفاصيف وطبعااا الديااي يوم يكون تحتها صفاصيف تكون معصبه وتخاف على عيالها يقولهم تهجم عليه تركض ورااايه وانا اصرخ واركض اللين وصلت عند جدتي تحط الاكل للبقر الله يعزكم وجان اطلع على ظهر جدتي وانجلب واجي تحت البقر تخيلوا شكلي ومن غير البلاوي اللي تحت البقر هههههههههههههه موقف لا احسد عليه >> دايمااا لوعه جبد خخخخخخخخخخ

ايش الالعاب اللي كنت تلعبها بطفولتك وايش اكثر لعبه تحبها ؟ومع مين تحب تلعب اكثر شيء ؟؟

كنت العب وايد العاب خصووصا الالعاب الشعبيه ولعبه ربات بيوت هههههههه وكنت العبها مع بنت عمي اللي اعتبرها اختي ... وعندي لعبه جايبها لي عمي عمر اللعبه الحين 14 سنه من يوم كان عمري 10 سنين وهي عباره عن عروسه ( دميه )
أجمل مكان سافرت له وانت صغير وتتمنى ترجع له ثااني ؟؟


صلاله >> احب هالمنطقه مووووووووت اتمنى ازورها كل يوم هههههههههه



هل مر عليك موقف بطفولتك خلاك تكره شخص معين واذكر الموقف ؟؟

هيه فيه كرهت واحد شيبه كان يضرب عيال ولده لان امهم مصريه كان يكرهم تخيلوا مسك ولد ولده طبعاا ابوه ميت يعني يتيم وعلقه فعمود المظله وخلاااه يومين بدون اكل وبدون شرب اونه عقااب الله يسامحه ويرحمه توفى الشيبه بس مب اني اكرهه ما فيه فقلبي مكان للكره بس ما كنت استلطفه احسه قاسي على اليتامى

كم مرة انطقيت ..او كنت تنطق كثير؟؟

قووولي كم مره ما انضربت هههههههههه لاني كل يوم انضرب وللاسف اللي كان يضربني عمي هههههه لان كانت عليه حركات وانا صغيره ههههههههههههه مره طريت رااس راعي الدكان لانه ما رضى يعطيني ايس كريم >> ابويه موصنه عليه لاني كنت وايد اتعب من البلاعيم هههههههههههه يوم شااافني وانا كبيره جان يخوز الكاب قالي شوفي رااسي انتي طريتيه ههههههههههههه >> كنت بلوه


كيف مستواك الدراسي ممتاز ..ولا كسلان ..ولا نص ونص ..؟؟

ممتاااز طووول مسيرتي الدراسيه من الابتداائي الى الجامعي الحمد الله طلع مني فايده فشي هههه


واخيراً ..ماهو الحلم البريء ..حلم طفولتك ..كنت تتمنى ان يتحقق..!

كنت اتمنى اتزوج مارك هههههههههههههه اللي فرسووم ساندي بيل كنت هبله يقولج استحي منه كل ما يطلع >> شو هالغباااء

وحلمي الثاني اني اصير طياره شرات ابوووي خاطري اقوود طيااره

كلمه اخيره تهديها لطفولتك..!!
اجمل لحظات حياتي


تسلمون على اختياركم لي والله اني استانست لاني تذكرت طفووولتي

ههههههههههههههههه
طفوله حلوه اختي طعن الوفي الله يسعدك
بس في باقي كم سؤال ما جاوبتي عليهم
اشكرك واشكر ابوي الصقر لاختيارك نيابتا عني لاني نسيت اختارك انتي هههههههههه
مع خالص التحيه والاحترام اخوكي الصغير

طعن الوفى يعطيكي العافيه على الاجوبه

طفولتك تينن

بس ما قلتي مين تبغي يجاوب بعدك اختاري وارسليله رساله

الله يسعدك

بالنيابه عن اختي طعن الوفي انا راح اختار
اختار عمتي زهرة المفلحي
يله عمتي تعالي وخذي المايك وابدائي ههههههههههه

الله يهديك اخوي زين انت وسيلانية ...يعني لازم نطلع الفضايح؟؟؟هههههههههههه

نشيد كنت/ي تحبه / تحبينه أيام الطفوله ؟؟

أبله نورة ياعيوني... يللي لابسة الليموني...
لابسة الساعة اللماعة.... تسوى كل الجماعة ...

:::: شخصيه كرتونيه كنت/ي تحبه/تحبينها ؟؟
كابتن رابح كنت ارجع من المدرسة وطووووواااالللللي عالتلفزيون,,,

::::

أكثر كارتون كنت/ـي تحبه / تحبيها و دائماً يعجبك تشوفه / تشوفيه ؟
ماوكلي وكابتن رابح ....كخخخخخخخخخ مرررررة مافي انوثة

::::

كيف كنت/ي ايام طفولتك شيطان/يه ولامؤدب/ه ؟؟ كنت عفريت من الانس وهذا كلام امي وابوي..

::::

ماهي المواقف اللي عرضت فيها اهلك للاحراج؟؟ هههههههه للحين اذكر انا كنا نروح مستشفى يه قسم العاب اذا رحنا هذا المستشفى ما اطلع منه الا بكرتون العاب واذا ما رضي ابوي كنت ابكي واصرخ وارمي نفسي على الارض والناس يطالعون وش فيها هذي اكيد جاها انهيار عصبي والا جنون البقر هههههههه كنت بحرج الوالد كثير بهالحركة.. :::: هل كنت شخص ذو شخصيه قويه أم مغلوب عليه ؟؟ كنت قوية وعنيدة واسوي اللي في راسي...

::::

اكبر عيديه جمعته/جمعتيه كم ؟؟ ومن مين ؟؟
من خالو كانت ميتين ريال اول ما مسكتها رحت اشتريت لي سيكل هههههههههه قلت لكم مافي انوثة...

::::

يوم كنتي صغيره تسوين جدايل والا كاريه ؟؟ <<للبنات بس

والله اني لما دخلت المدرسة كانت الوالدة تعمل لي قرنين محترمين ..لكن باقي الاوات كانت بتسوي لي عمبورة او كعكة ههههههههههه...

::::

يوم كنت/ي طفل/ه تلع/بين بكمبيوتر العائله ؟؟
ايه كنت العب سوبر ماريو كخخخخخخخخ..

:::: ::::

يوم كنتي تلبسين مريول المدرسه هل تحطين شباصات ميكي ماوس وشرايط بيض ؟؟ << للبنات

اوممما هذا اللي ناقص احط شباصات ههههههه يالله يالله كنت اقبل بالقرنين بدون اي اضافات ...

:::: ::::

من كـان يدلعك أكثر أبوك او أمك ؟
والله كلهم الله يعطيهم العافية ...

::::

اســم دلعك بالطفوله لحد الان ينادونك به ؟؟ وماهو ؟؟
خوخة...

::::

بطفولتك كنت/ي تبكي/ن إذا ماجلست/ي بالاول بالطابور اوالفصل ؟؟
لا عادي بس كنت ابكي لما بتأخر على المدرسة ...

::::

عندك لعبه موجوده من صغرك إلى الآن ؟ وماهي؟؟ لا ...كنت بدمر الالعاب خلال شهر او شهرين بالكثييير ...

::::

هـل كـنت/ي تـعانـ/ين مـن اخـطاء فـي مخـارج الحـروف .. (الوح=أروح) عثير= عصير)؟؟

لا والله كنت عجوووووزة هههههههههههه

:::::

ما اكـثـر حلاوة كنـت/ي تحـبه/تحبينها ..؟؟

كنت بحب السكريم وشعر البنات...

::::

آكله تحبها كثير ...وآكله تكرها ..؟؟

بحب اللحوحة من يوم خلقت على وجه الدنيا وكنت بكره الايدام والخضار ,,,

::::

ما اسم اول مـدرس/ه درستك ..؟
ابلة نجلاء

::::

لما احد يضربك في الشارع لمين كنت تشتكي..! والا تاخذ حقكـ بنفسكـ .. ؟؟
والله ما اذكر ان في احد ضربني ..

::::

ايش كنت/ـي اول شيء بتشتريه اول ما تاخذ/ـي مصروفك اليومي ؟
بطاطس البطل بالكشششششتب .....

::::

كنت تنآم لحآلك وله بين بابا و مآمآ ..؟؟
نمت لوحدي بعد السبع سنوات ...

::::

اجمل موقف صار لك بطفولتك ..ومازال عالق في ذاكرتك؟؟
لي كثير مواقف احلاها كان أول يوم لي بالمدرسة...

:::::

ايش الالعاب اللي كنت تلعبها بطفولتك وايش اكثر لعبه تحبها ؟ومع مين تحب تلعب اكثر شيء ؟؟
كنت بلعب الحبل والمطاردة وكل الالعاب اللي فيها جري ونط وشقاوة ...كنت بحب العب مع صاحباتي بالمدرسة...

:::::

أجمل مكان سافرت له وانت صغير وتتمنى ترجع له ثااني ؟؟
المدينة المنورة رحت لها وعمري سبع سنوات وللحين في ذاكرتي واتمنى ازورها مرة ثانية...

:::::

هل مر عليك موقف بطفولتك خلاك تكره شخص معين واذكر الموقف ؟؟
ايه...كنت بكره وحدة من صاحبات امي لانها محارشة ... كانت بتحرش امي عليا وتقلبها مية وثمانين درجة اهئ اهئ

:::::

كم مرة انطقيت ..او كنت تنطق كثير؟؟
والله ما اذكر اني انطقيت من احد غير الوالد والوالدة وطبعا الحمد لله ما عندي اخوان كبار والا يمكن كان الوضع حيختلف...

:::::

كيف مستواك الدراسي ممتاز ..ولا كسلان ..ولا نص ونص ..؟؟
كنت ممتازة واذا ما كنت الاولى كنت بجلس ابكي ....

::::

واخيراً ..ماهو الحلم البريء ..حلم طفولتك ..كنت تتمنى ان يتحقق..!

اي بريء ؟؟؟ من الطفولة كان حلمي اني اصير دكتورة وبتخيل اني بسوي عمليات واضرب ابر...مجرررمة ههههههههههه

::::

كلمه اخيره تهديها لطفولتك..!!

نلعب بالدنيا صغارا ولا نعلم ان الدنيا ستلعب بنا كبارا ....ليت هذيك الايام ترجع ويوقف الزمن عندها ...



موضوع رائع اشكرك اختي سيلانية ربي يسعدك خيتوو...