|
رحلتي للرمول
السلام عليكم ورحمه الله وبركاته امس عقب صلاه العصر طلعنا 4 سياسير وكلها فورويل اثنين منهم استشنات لكزس وثنتين استيشنات نيسان ههههههههههههه ركزوووو عليهم اوكي ههههههههههههه طلعنا رحله للبر برع راس الخيمه ههههههههه منطقه للاسف ما اذكر شو اسمها غريب جداا بس لو تذكرت اسمها بخبركم عنها هي منطقه حلووو وسبحان الله يعني المنطقه وحده بس من جهه اليمين جبال ومن جهه اليسار رمووول وعراقيب سبحان الله والله منطقه روووعه المهم اخواني حظرت جنابهم للاسف ما نسموا ع التواير مخلينهم فل هوووى وتخيلوا الفضيحه غرزنا 4 استيشنات فضيحه يغرزون وما قدرنا نطلعهم حاولنا وانترسنا رمل بس ما قدرنا واخواني وعيال عمي مستحين يتصلون فربعهم بيضحكون عليهم هههههههه فضيحه عند البدووو يغرزون فالرمول هههههههههههه المشكله كل واحد فينا مغرز فمكان يعني مب فنفس المكان والمسافه بين السياير كبيره وايد هههههههه واحد شاف سياره اخويه وقال له تبي مساعده قال له هيه والله سيارتي مغرزه ويلس الريال يساعد اخويه عشان يطلعون سيارته ونحن الحريم كلنا متيمعين فوق عرقووب ومورين الضووو ( شاعلين النار ) ونسوي شاااي كرك هههههههههه ونسولف ونضحك ولا جنه فيه مشكله وفجأه يهجم علينا واحد ببانشي حليله ما انتبه لنااا عباله الشباب متيمعين واستحي بس شاااف سيارتنااا طايحه فالقص >> هذه السياره الثانيه جان يسلم ويقوولنا تبون مساعده قالت له امايه هيه والله السياير اربع مغرزات حليله ما قصر اتصل حق ربعه وقالهم يبوا القلص وقالت له امي السويج فالسياره اذا بتحاول فيها قال اوكي وحليله اول ما نزل وشاف السياااره جان يقووول والعثره ههههههههههه كيف طايحين هنيه قالت له امي نحن من راس الخيمه وما نعرف هالمناطق وما نعرف فيه قص وبالليل قال مبين انكم مب من هنيه لان سيارتكم توايرهااا وايد فيها هوى بس يا حليله ما قصر وطلع السياره بروحه بدون مساعده ويقووولكم من المغرب اللين الساعه 10 ونحن بعدنا مغرزين ولو ما شبااب المنطقه ما كنا طلعنااا هههههه انا كنت مستانسه قلت لهم عادي الجووو حلووو وشاي كرك خلاااص ما ابي ارد البيت هههههههه كان الجووو حلووو والله لا وبعد يوم طلعونا الشبااب وطلعونا للشارع العام حليلهم يعزمونا ع العشاا واخواني مستحين اونه فضيحه وفضيحه جان اقووولهم اقووول اللي اختشوا ماتوا ولو نحن ما تكلمنا ما طلعنا بس تصدقون عقب حسيت فيها فعلا فضيحه عنبووو ستيشنات ويغرزن هههههههههههههه وهذا اللي صار معانا امس استانسنا وايد بس ردينا تعبانين ع الاخر يدوووب خذنا حمام حار ورقدنا على طووول بس تصدقووون عمرنا ما بننسى هالرحله الحلوووه من مواقفنااا الغبيه هههههههه اختكم طعن الوفي |
رد: رحلتي للرمول
اقتباس:
الحمد لله على السلامه بنتي طعن الوفي رحلها ممتعه كانت اكيده بس الموضوع انه عدم الفهم في البراري هوه السبب لك شكري |
رد: رحلتي للرمول
ههههههههههههههههآآآآآآآآآآآآآي .. اي والله ماتصلح لكم البراري هع هع .. رحلة ممتعة تشكرين على الطرح .. مستعجل وباي ولي عودة للتعليق .. |
رد: رحلتي للرمول
افااااااااا عليش تستعين بناااااااس اغرااااااااااب
وابوووووش الصقر موجوووود ومعااااااااااه سيااااااره فووووور ويل ههههههههههههه يسلمووووو اختنا بنت الامااااااارات طعن الوفي وان شاااااااء دوووووووم مستأأأأأأأأنسين,,,, |
رد: رحلتي للرمول
الله يسلمك ابويه الصقر
الله لا يحرمني تواصلك الدايم |
رد: رحلتي للرمول
يا حبك يالفارس الملثم ع الضحك والشماته ههههههههههههههه
الله يعطيك العافيه اخويه الفارس الملثم |
رد: رحلتي للرمول
اخووويه الوادي
ادري ان الوالد الصقر لو كان موجود كان ساعدنا لكن الوادي لو كان موجود بيطيح ع الارض من الضحك عليه هههههههه تسلم اخووويه ع المروور اللي اسعدني |
رد: رحلتي للرمول
الحمد لله على السلامـــــــــــــــه
وارحله كويسه بتكون اذا فيها من الصعاب البسيطه لجل الذكر بتحلو على العموم اشكر من ساعدكم واقول الله يحفضه وبعدين للاسف اربع سيارات كلهم قرزو اكيد السائقين مو من النوع المميز بالسواقه بس حق زفلت السواق الكويس هو اللي يقدر يتحكم بالسياره وقت الحاجه كان المفروض ينقصو من الهوا وايدكتير لجل يقدر يطلع وما يكون يدعس عليها ويشد بالبنزين لازم شوي شوي لان هالموقف حصل امامي بعدن مع واحد كان معه جيب لاكزززز وحب يتمشى بقرب من البحر بس قرز وحاول يطلع بس للاسف مقدر حتى انه حرق الكلتش ريحته طالعه شفته من البدايه بس ماحبيت اتقرب لانه كان معه العائله لاكن بعد ماشفت الشقله طولت تقدمت وطلبت منهالموافقه للمساعده قبديت بالكفرات ونقصت الهواء زياده طلعت السياره بكل هدوا وشويش طلعته بسرعه وشكرني كتير رجعت مكاني وام سماء ههههههههههههههههههههههههههههه المهم المعذره على هالمداخله ذكرتيني بالتقريزه اتمنا ان تستمتعو بكل رحله تطلعونها بدون تقريز هههه |
رد: رحلتي للرمول
بس تصدقووون عمرنا ما بننسى هالرحله الحلوووه من مواقفنااا الغبيه هههههههه اختكم طعن الوفي اولا الف حمد لله على السلامة. والله يسعدكم يارب ومرة ثانية نخصو التواير((مثلك بالعافية نفهم بعض الكلام هع هع اعجبتني القصة واجمل ماعجبني فيها هي الذكريات والمواقف التي اكدتي على انك ماراح تنسيها الفوايد من القصة يجب علينا في الرحلات البرية او اين كانت اذا كانت اولا مرة يجب اخذ معرف ثانيا علينا ان نهيئ المركبة للرحلة من كل النواحي واخذ كل الحيطة ثالثا يجب علينا ان لا نفرق بين مجموعة الرحلة وان يكونون قريبين من بعض. رابعا ان لا ننسى اعداد الشاهي واشعال الضو عن الورطه خامسا يجب ان لا نيئس بل نقول بالعمل الي يطلع بيداتنا.. سادسا وهو الاهم ان الحياة بحلاوتها والمواقف بجمالها وبساطتها لا تحوز على رضا القلب وقمة سعادته مثل المواقف الصعبة التي تعبر عن السعادة بعد الذهول.. اشكرك اختي الفاضلة على هذه القصة الجميلة. ومرة ثانية نقصوا هو السيارات. اخوك عنتريهر |
رد: رحلتي للرمول
اقتباس:
والله يزاك الله خير وبادره طيبه منك بس تصدق نحن كل مره نسير الرمله وما نغرز بس هالمره ما عرف ليش يمكن لان المكان بعيد و غريب علينا ههههههههههه والله ما اعرف وعلى فكره اخواني وعيال عمي مطيحين بعوافي يعني يعرفون هالسوالف بس ما عرف شو صاار بس والله كانت احلي رحله بالتغريزه هههههههههههه تسلم ع المروور اخي الكريم وتسلم ع الاضاافه استانست عليها وايد الله لا يحرمني هالطله الحلوه [/overline] |
رد: رحلتي للرمول
اقتباس:
ههههههههههههههههههههه سوري بس اللي ما فهمته قوولي وانا افهمك نحن مب اول مره نطلع الرمول بس ما اعرف هالمره ليش هههههههههه بس استانسنا وايد واهم شي انا كنت مرتاحه اشرب شاي كرك تسلم اخويه ع المروور وع الرد وان شا الله المره اليايه بنسم عن التواير هههههههههه |
رد: رحلتي للرمول
الحمد لله على السلامه
الحمد لله على السلامه الحمد لله على السلامه تعتبر هذه الرحله من الرحلات التي لاتنسى وتفضل في الذاكره فعندما تكون الرحله من والى دون ان يتخللها أي احداث لاتدوم اكثر من اسبوع ولكن كان الممتع فيها الحدث والعناء وشي من الاحراج وخصوصا في مكان غريب لاتعرفوا فيه أحد وانا متأكد انها تكون متعه لكم انتوخصوصا البنات والحريم لأنه إذا طلبتوا من الشباب والرجال التوقف لحظات في الطريق لن يسمحوا لكم ولكن جائت كما جائت المهم ف الاخير عدتوا الى دياركم سالمين الله يسعد ايامك [mklb1]لك خالص تحياتي[/mklb1] |
رد: رحلتي للرمول
اقتباس:
هيه والله نحن الحريم نحب هالسوووالف واخواني وعيال عمي متفشلين ع الاخر هههههههههههه تسلم اخويه ع المروور اللي اسعدني |
رد: رحلتي للرمول
رحله حلوه اختي طعن الوفي والحمد لله على سلاااامتكم جميعا وبعدين مين اللي يروح الرمال وتواير سيارته معبأه فل هههههههههههه لو كان نسموتو الكفرات كان طلعت السيارات بنفسها من دون اي تعب ولا استعانه بصديق هههههههههههههه ولا استغرغت هذا الوقت كله هههههههههه المهم رحله سعيده ان شاء الله بس لو كان انا موجود ومعاي الواااادي كنا كنا نطلع لكم السيارات بس اهم شي العشاء هههههههههههه نتعشي ليييين نشبع ونروح نطلعهم خلاص مره ثانيه لما تروحون كلمونا عشان نكون جاهزين هههههههههههه يسعدكم الله على رحلتكم الحلوه اشكرك على الطرح كنت بروح بكره اجرب مثل هذي الرحله بس خايف من البرد لانه برد زياده عندنا ههههههههههههههه تحياتي لك |
رد: رحلتي للرمول
اقتباس:
عيل اذا اكلتوا وترستوا بطونكم بتقولون نباا ننام تعبانين ومتخومين هههههههههههههههه عيل تعرف اللي ساعدونا حاولوا اخواني وعيال عمي يعزمونهم ع العشااا ما رضوا >> يسوون خير لوجه الله خخخخخخخخخخخخخخخخخخ بالعكس زين انصحك بالرحله خذ معاك جاكيت وشعلوا الناار وبتخف البروده نحن بعد عندنا كان وايد برد تسلم ع المروور والمره اليايه بنخبركم هههههه |
رد: رحلتي للرمول
طيب خلاص خبرونا قبل يومين عشان ماناكل ههههههههههه وجهزو معاكم اكل كثير لان الواااادي تعرفون ياكل كثير لا لا ماعاد اروح قدنا ميت برد ونا جالس هنا كيف لو طلعت البر ماينفع النار حتى لو اشعلنا السياره كلها ههههههههههههههههههه |
رد: رحلتي للرمول
اقتباس:
هههههههههههههههههههه الله يستر منك انت والوادي ههههههههههه الله يعطيك العافيه اخووويه زين والله لا يحرمني هالتواصل الدايم |
رد: رحلتي للرمول
لا لا تواصل خفيف احسن هههههههههههه لاني لو تواصلت معاكم زياده بتملون مني لاني كثير كلام وخاصه لو التقينا انا وحبيب البي الوااادي يبي لنا شهر وما يكمل الكلام معنا هههههههههههههههههههه اشكرك اختي طعن الوفي |
رد: رحلتي للرمول
اقتباس:
الله يديم المحبه بينكم >> شو بالعين راديووو هع هع هع |
رد: رحلتي للرمول
هههههههههههههههههههه
يستاهل البرد من ضيع دفاااااااااااه خخخخخخخخخ منو قال لكم تروحو البر ليش ماتجمعتوا مع بعض وتمشون بخط واحد مو كل واحد بطريق وشكلكم كنتم على عجلة من امركم وتبون تغيير جو واكيد كانت معاكم مشاوي وشاهي كرك تبون توصلون بسرعه للمكان بدون اخذ الاحتياطات اللازمة افااااااااااااا ياطعونه تغرزون بالبر وانتم اهل البرفشله مابعدهاااااا فشلة ههههههههههههه واهل المنطقه انقذوكم ياحسافه على الدفع الرباعي اسم فقط لو عرف صاحب المصنع انكم غرزتوا ايجي ياخذ سيايره منكم ههههههههههههه الحمد الله على السلامه ومتمنى عدم التكرار في المستقبل ههههههههههه لاتفشلونااااا |
رد: رحلتي للرمول
اول شيء وين الصور وعقب منو اللي معطيهم الليسن واهم شيء ابغي ابلغ شركة تويوتا عشان تسحب منكم السياير انتم يبغي لكم جمال .. شوفو البدو كيف لما يتحضروا هههههههههههههههه
وابويي تغرزوا في الرمل لكزس ونيسان اخ اخ اخ قهر اليلة ما راح انام بسبتج يا طعن اللكزس وين النقيب بو عينها ما احلى النيسان في الرمال والله مثل الصابونة بس يكون الهواء على 10 – 12 بس بصراحة مفروض يحلونج على العرقوب انتي ودلتج يوم انهم طايحين في مشكلة وانتي مستأنسة بالشاي الكرك .. المهم اعطيني رقم اخوج وان اعلمه وش يسوي هههههههههههههههههههه يسلموووووووووووو موقف لا يحسد عليه ان شاء الله تتكرر بس عاد اتصلي بالصقر او ابو احمد واما انا اذا يبغون مساعدة عليا الحضور وظهار السيايير بس اخليكم مكانكم لين اليوم الثاني عشان التوبة خخخخخخخخخخ بصراحة لو احد اتصل بي وقال مغرز وقال عندة فور ويل لكزس راح اقول له صحة وعافية عليك وعلى موترك الرملة واول وآخر مرة تتصل واصك الهاتف في ويهه.. لو قال كرولا او كامري او بيك اب يمكن اساعده مب لكزس خخخخخخخخخخخخخ يسلمووووو موقف حلوووو وانتي تستاهلي ههههههههههه |
رد: رحلتي للرمول
نياسين ولكازس وتغرز .. وستيشنات بعد يافضيحاتااااه النياسين ما تغرز ع سهل يمكن اخوانج وعيال عمج مو دراوليه عدل مايسوقن في الرمل .. على العموم حمد لله ع السلامه ورحلة سعيده .. سيعدة بس وياج اضاهر كرك وشبة ضو اهي اهي البيته مستانسه والناس مشغولين .؟ شكرا لسرد ها القصه السعيده هههههههههههه سلمتي ولا هنتي |
رد: رحلتي للرمول
اقتباس:
ههههههههههههههههههههههههه هيه والله لو يدري بيسحب السيايير ههههههههههه فديت اخواني والله هههههههههههههه والله محد كثر كان مستانس انا وغيوث نلعب بالرمل ونشرب شاي كرك هههههههههههههههه |
رد: رحلتي للرمول
اقتباس:
افاا ولله يالنقيب وانا اقووول انت راعي فزعه وعلى طووول بدق موترك سلف وصووبنا على طوول ما توقعتك تسكر التليفون فويوووهنا هههههههههههههههه الله يعطيك العااافيه ههههههههههههههههههههههه لو شفت اخواني وعيال عمي كيف انعفس ويهم يوم غرزوا سيايرهم ههههههههههه |
رد: رحلتي للرمول
اقتباس:
بس ما عرف يمكن لان الهوى فل فالتواير وبعدين انا معذووره كل شووي اذكرهم بريلي ههههههههههههه حتى انه اخويه عصب مني وشلني يبا يعقني من فوق العرقووب بس قلت له افا اهون عليك ريلي وايد تعورني جان يرجعني مكاني ههههههههههههه |
رد: رحلتي للرمول
قصة جميلة الله يسعدكم يارب ويعطيك العافية على هالموضوع هذه هي الحياة وهذه جمالها وراح ارد لكم بس عندي امتحانت اختك الاميرة القايدة نور العفيفي |
رد: رحلتي للرمول
اقتباس:
http://store2.up-00.com/Dec10/Z7w01247.jpg ننتظر التغريزة الياية الاسبوع الياي |
رد: رحلتي للرمول
اختي التي لم تنجبها امي طعن الوفي اولآ الحمد لله على سلامتكم جمعيا قصة جميله وممتعه وهذا بيصير في الرحلات البريه مش انتو اول ناس تغرزون في البر فهذا يحصل كثير المهم انكم استمتعو في رحلتكم الجميله والهوى الطلق الذي يتمنا اي شخص منا ان يعمل رحلاات بريه يغير فيها جو المدينه الله يوفقكم في رحلاات قادمه والحين تعلمتو كيف تمشون وما تغرزون في الرمل . هههههههههههههه وتعملون احتياطات للرحله من اي طارى وتكونون مستعدين استعداد كامل من شان ما تروحون فيها والمثل يقول خالف تعرف هههههههه الحمد لله على السلامه تحياتي لك وللجميع اسمحي لي على التاخير (((اخيك ابو زيد اليافعي )) اليافعي اس |
رد: رحلتي للرمول
اقتباس:
تسلمين اختي الغاليه والله يعافيج حبووبه تسلمين ع المروور اللي اسعدني الله لا يحرمني هالطلع |
رد: رحلتي للرمول
اقتباس:
هههههههههههههههههههههههههههههه ههههه والله صدقك ههههههههههههههههههه فديت باباتي يوم درى عن الموضوووع يقوولك للحين يعايرهم بالتغريزه يقووولهم مالت عليكم ستيشنات وتغرزوون فشلتونا هههههههههههه |
رد: رحلتي للرمول
اقتباس:
اخويه اليافعي اس الله يسلمك اخووويه والله انا ما عليه شي اهم شي اني استانس بس فعلا رحله ما تنسى اصلا فهالجووو منو ييلس فالمدن كل اهل المدن يتجهون شمااال تسلم اخووويه ع المروور اللي اسعدني الله لا يحرمني هالتواصل الطيب من حضرتك |
| All times are GMT +3. The time now is 03:25 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لمنتديات سماء يافع
mamnoa 4.0 by DAHOM