منتديات سماء يافع - قضية ((((( النعجه))))) للشاعر الكوميدي يوسف محمد المحبوش(المحتــــــرم)

منتديات سماء يافع (http://http://yaf4.com/vb/index.php)

- نـبـض الـقـوافـي (http://http://yaf4.com/vb/forumdisplay.php?f=49)

قضية ((((( النعجه))))) للشاعر الكوميدي يوسف محمد المحبوش(المحتــــــرم)

[align=center]اخواني الكرام
هذه القصيده هي آخر ابداعات الشاعر الكوميدي الكبير يوسف محمد المحترم المحبوش
وهي تحكي عن قصه طريفه حدثت لاحد الاخوان الذين بينه وبين المحترم مجادلات ضاحكه
وحدثة له قصه غنمه كانت مربوطه بجوار الطريق ومر بسيارته ولم يشاهد الحبل فعلق الحبل
في مؤخرة السياره والغنمه مربوطه فيه ولم ينتبه حتى وصل بها الى القريه الثانيه
وهولا المذكورين في اطار القصيده هم الذي نبهوه بانه يسحب الغنمه وهي في حاله يرثى لها
فماكان منه الا ان وجه التهمه لاحدهم بانه هو الذي ربط الغنمه
في سيارته فما كان من الثاني الا ان اكد كلام صاحب السياره لغرض في نفس يعقوب
فوصلت هذه القصه الطريفه لشاعرنا المحترم وعلى الفور ارسل هذه القصيده للاخ عبدالله دهول
وهي فقط من اجل المزح والتسليه فقط اتمنى ان تعجبكم مع الجواب[/align]

[poem=font="Simplified Arabic,5,white,bold,italic" bkcolor="transparent" bkimage="backgrounds/22.gif" border="double,4,black" type=2 line=0 align=center use=ex num="0,black"]
بن المحبوش بعد الظهر خزّن=على شيشه ثلاثه متر منها
تخيّر لونها من بين درزن=بتعجب من تولع في تتنها
ولا ادوني بها بيحان وابين=بقول الحاجه ابقى من ثمنها
رسولي شُلّ لك آلي ومخزن=وشُلّ ابيات من شاعر وزنها
ودور وين دهوّل كيف ما امكن=ودور ايش من حافه سكنها
سلامي كلما الرعوي تمدن=واهل الريف شدّه لامُدنها
عدة مايرعد الراعد وماحنّ=وفيظه كل جربه من ودنها
كما دهول فتى يشعر ولحّن=وكم كلمات في جوفه خزنها
ولاقدهو معي بأمن وبركن=من العُرّاف ذي تخدم وطنها
وبا يأمن على الايسر وليمن=معانا بالوسط نعجه وبنها
ومدشل قال باوصّي بن البن=فلا يُنسى حلبها او لبنها
وصالح صلب قلبه ماتليّن=كدي كلمه وهو المسؤل عنها
يقول ابصر محمد حلّ دنّن=لهف صعده بيده واطبنها
وطنبرها في الصوف المصبن=لحتى الدم سيّل من بدنها
وعبدالرب شهد وثبت وبرهن=كما الاجواد تنصف من أمنها
شهاده عادله شرعاً وعُرفاً=وعاده بن سعيد بيشظ منها
وهو ذي شنبط النعجه وطنن=بذلقي الخنزره عاده طعنها
وفعل القبيله بالذوق والفن=وماحد بيعها ولا رهنها
وصالح موقفه ممتاز جداً=وجنبيته بتلمع لادهنها
وبالتالي يقولوا السن بالسن=ولاحد قال له كلمه زكنها
وهو بالدروله معروف كبتن=ولاابصر قارشه الا مكنها
ومن شافه على الجهال زكّن=وكلاً نعجته جنبه شطنها
بيتقصي وهو بيسوق مفهن=فكم قلعه وكابه ذي دحنها
ويشهد له وطن والرون لرعن=وبالجربه بيشهد له وثنها
فكيف التاليه لاهو مسعدن=بلا تفصول والحاذق فطنها
صلاتي عالنبي سراً وجهراً=رسول الله مافصّل سُننها[/poem]

[align=center]جواب الشاعر عبدالله احمد دهوّل[/align]

[poem=font="Simplified Arabic,5,white,bold,italic" bkcolor="transparent" bkimage="backgrounds/22.gif" border="double,4,black" type=2 line=0 align=center use=ex num="0,black"]
ودهول قال يالهاجس تفهّن=وطيب نفس ابواحمد من شجنها
ومن قلبه سلي غني دندن=بنغمات الوتر لاقد وزنها
وبالمحبوش يا اهلاً وسهلاً=ملى الوديان ذي بيده حجنها
رسولي قُمّ على توقيت لندن=من القيفان نقينا لدنها
توكل شُلّ ذلخط المعنون=لذي لاقال في كلمه ظمنها
ودهول دائما منه بيسهن=نصايح كل واحد شلّ منها
ويوسف مثلنا رعوي تمدن=ترك لرياف شارد من كتنها
قباله مثلما سلطان واحسن=من الناس التي تأمر وتنها
وبأسم البندقه رامي ممكن=وياكم هي دعايم ذي طحنها
وكم عنده عسل اصلي مخزّن=دواء لكباد ذي الله امتحنها
وبيقسّم لجيرانه وديّن=وقال ازقر ذه الشرعه وظنها
وما ينكر سوى حاقد ومفتن=ومخزانه بيشهد ماخزنها
ولاكرشه كبر باتشهد الصحن=بتغرف لها خفا منما سهنها
ولاحد قال واهل البيت كربن=عجنها هي ومن فيها سكنها
وقلدني ابوحافظ وأمن=معاهم مشكلة نعجه وبنها
وفيها حُكم لاعارض ولا اطعن=وماهل كنت بدي رأي عنها
نعم منصور سحببها وجحنن=ولكنه محمد ذي كمنها
ربطها له على الترسه وشطّن=وناولها البرك لما عجنها
وقالوا جلدها دخّن وصنن=وحتى الخط كيا من سمنها
ظربها بالخطاء ماشي تزكّن=لانه بن سعيد خلفه شحنها
فلاباصدّقه مهما تكهون=عليه اثبات ذي جهّز كفنها
وقد عندك خبر صافي ميقّن=وعبدالرب كشف لك ذي طعنها
وصالح مافسل قدّر وثمن=وباسرع وقت ناولهم ثمنها
تحمّلها وهو آمن مأمن=وحلّ المشكله بالحال وانها
ومدشل لاتلومه لا تحنحن=لبس ثوب الحزن ليلة دفنها
ندم من حيث قيدها ووثن=وفي قيد القدّر ختّم زمنها
فلايحتاج توصيته بن البن=وتعويضه معه فيها وبنها
وصلوا عالنبي مالحاج مدّن=عدد مالغيث صبّه من مزنها[/poem]

مع تحيات المحبوش