التلفون
 

التلفون يرن ...







الطفلة : الوووو







المراة : الووو مرحبا







الطفلة : اهلين..







المراة : وين الوالدة ؟







الطفلة : فش عنا وحدة والدة..







المراة : له له عيب عليك... لا سمح الله الله

يخليلكم اياها..







الطفلة : شو لا سمح الله ما لا سمح الله....

بقوليك فش عنا والدة....







امراة : اه ... قديش عمرك يا شاطرة؟؟







الطفلة : وشو عرفك اني شاطرة..>>







المراة : تضحك وتقول .. مبين عليك خفيفة دم..







الطفلة : انت الي خفيفة دم... اوعي تقولي عني

هيك...







المراة : مبين عليك زغيرة؟







الطفلة : انا اطول منك......







المراة : طيب يلا اعطيني ماما...







الطفلة : ليش هي امك عنا؟؟







المراة : خلص نادي امك...







الطفلة : فش عند امي نادي..







المراة : الله يصبرني...







الطفلة : يصبرك مع شوك ولا بدون شوك؟







المراة : تصرخ " اعطيني حدا كبيرررر"







الطفلة : كبير , بالحجم ولا بالطول ولا بالعمر..







المراة : اعطيني واحد برميل احكي معووو..







الطفلة : استغفر الله العظيم بدك تحكي مع

برميل.. بس البرميل جماد..







المراة : هسا باجي عندك.. اعطيني حدا كبير...







الطفلة : تجيش عندي لانو عندي صاحباتي بلكي

لما روحو جيتي بكون احسن...







المراة : طيب بس لو اشوفيك لاعمل منك بطاطا..







الطفلة : بطاطا مسلوقة ولا شوي بالفرن؟







المراة : احسنلك اسكتي لانك زعلتيني..







الطفل : مين الي زعل تيني وليش التين اصلا

بزعل؟







المراة : بكفي زودتيها عاد ..







الطفل : وين عاد الى بيته ؟







المراة : اه الى بيته .. مبسوطة..







الطفلة : الصراحة مش مبسوطة .. في اشي مزعلني..







المراة : خليه يزعلك بلكي فقعتي زي البالون..







الطفلة : شو لون البالون الي بلكي فقعت زيو؟؟







المراة : تصرخ باعلى صوتها.. " وين الوالــــــدة

؟؟؟







فتاخذ الام التلفون من الطفلة ..







وتقول الووووو.. مين معي..







المراة : ول علينا .. شو هالبنت هاي اطلعت

لي قرن براسي







الام : قرن ايش , قرن الغزال ولا قرن موز..







المراة : زي دايما، رايقة وبتحبي تمزحي ..

لع طلعلي قرن ثور ... يا ستي







الام : شو حجمه الثور؟







المراة تغلق السماعة.. وتذهب الى بيت صديقتها..

ترن الجرس







فتقول الام للطفلة : روحي شوفي مين على الباب...







تركض الطفلة نحو الباب , تجلب كرسي وتصعد

عليه ثم تنظر الى اعلى الباب وتقول







فش حدا على الباب في وحدة وراه..







فتقول الام : خلص خليها ترن على الجرس قد ما

بدها..







الطفلة : اي جرس؟ جرس المدرسة؟؟؟







الام : لع جرس الدار..







الطفلة : جرس دارنا هاي ولا الدار الجديدة

الي بدنا نبنيها







الام : لع جرس دار الجيران..