منتديات سماء يافع

منتديات سماء يافع (http://http://yaf4.com/vb/index.php)
-   بسمات وقفشات ضاحكة (http://http://yaf4.com/vb/forumdisplay.php?f=41)
-   -   طفلة ترفع الضغط (http://http://yaf4.com/vb/showthread.php?t=10720)

عادل العيسائي 05-03-2009 02:10 AM

طفلة ترفع الضغط
 
طفله ترفع الضغط!!!


التلفون يرن ...


الطفلة : الوووو


الامراة : الووو مرحبا


الطفلة : اهلين..


الامراة : وين الوالدة ؟


الطفلة : فش عنا وحدة والدة..


الامراة : له له عيب عليك... لا سمح الله الله يخليلكم اياها..


الطفلة : شو لا سمح الله ما لا سمح الله.... بقوليك فش عنا والدة....


الامراة : اه ... قديش عمرك يا شاطرة؟؟


الطفلة : وشو عرفك اني شاطرة...



الامراة : تضحك وتقول .. مبين عليك خفيفة دم..



الطفلة : انت الي خفيفة دم... اوعي تقولي عني هيك...



الامراة : مبين عليك زغيرة؟


الطفلة : انا اطول منك......


الامراة : طيب يلا اعطيني ماما...


الطفلة : ليش هي امك عنا؟؟



الامراة : خلص نادي امك...



الطفلة : فش عند امي نادي..



الامراة : الله يصبرني...


الطفلة : يصبرك مع شوك ولا بدون شوك؟



الامراة : تصرخ " اعطيني حدا كبيرررر"



الطفلة : كبير , بالحجم ولا بالطول ولا بالعمر..



الامراة : اعطيني واحد برميل احكي معووو..



الطفلة : استغفر الله العظيم بدك تحكي مع برميل.. بس البرميل جماد..



الامراة : هسا باجي عندك.. اعطيني حدا كبير...



الطفلة : تجيش عندي لانو عندي صاحباتي بلكي لما روحو جيتي بكون احسن...


الامراة : طيب بس لو اشوفيك لاعمل منك بطاطا..


الطفلة : بطاطا مسلوقة ولا شوي بالفرن؟


لامراة : احسنلك اسكتي لانك زعلتيني..


الطفله : مين الي زعل تيني وليش التين اصلا بزعل؟



الامراة : بكفي زودتيها عاد ..



الطفله : وين عاد الى بيته ؟


الامراة : اه الى بيته .. مبسوطة..


الطفلة : الصراحة مش مبسوطة .. في اشي مزعلني..


الامراة : خليه يزعلك بلكي فقعتي زي البالون..


الطفلة : شو لون البالون الي بلكي فقعت زيو؟؟






الامراة : تصرخ باعلى صوتها.. " وين الوالــــــدة ؟؟؟ "..






فتاخذ الام التلفون من الطفلة ..






وتقول الووووو.. مين معي..






الامراة : ول علينا .. شو هالبنت هاي اطلعت لي قرن براسي..






الام : قرن ايش , قرن الغزال ولا قرن موز..






الامراة : زي دايما رايقة وبتحبي تمزحي .. لع اطلعتلي قرن ثور ...






الام : شو حجمه الثور؟






الامراة تغلق السماعة.. وتذهب الى بيت صديقتها.. ترن الجرس...






فتقول الام للطفلة : ارمحي شوفي مين على الباب...






تركض الطفلة نحو الباب , تجلب كرسي وتصعد عليه ثم تنظر الى اعلى الباب وتقول فش حدا على الباب في وحدة وراه..






فتقول الام : خلص خليها ترن على الجرس قد ما بدها..






الطفلة : اي جرس؟ جرس المدرسة؟؟؟






الام : لع جرس الدار..






الطفلة : جرس دارنا هاي ولا الدار الجديدة الي بدنا نبنيها..






الام : لع جرس دار الجيران..






الطفلة : ليش في عند الجيران جرس وحول واركب على الفرس..





وعلى هالموال ..... ليل نهار...

يونس المشوشي 05-03-2009 02:35 AM

رد: طفلة ترفع الضغط
 
هههههههههههههههههههه

والله طفله تطلع الضغط من صدق
الله يعيطك العافية يا عادل العيسائي

سمبتيك 05-03-2009 07:19 PM

رد: طفلة ترفع الضغط
 
حتى انا طلع لي الظغط هاهاها
سلمت اخوي عادل
اي واحد عيسائي واسمه عادل
بيكون فكاهي
صاحبي عادل حسين صالح العيسائي زيك فكاهي


All times are GMT +3. The time now is 07:23 AM.

Powered by vBulletin® Version 3.8.7, Copyright ©2000 - 2026, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas

جميع الحقوق محفوظه لمنتديات سماء يافع

a.d - i.s.s.w

mamnoa 4.0 by DAHOM