منتديات سماء يافع - بنات آخر زمن

منتديات سماء يافع (http://http://yaf4.com/vb/index.php)

- بسمات وقفشات ضاحكة (http://http://yaf4.com/vb/forumdisplay.php?f=41)

- - بنات آخر زمن (http://http://yaf4.com/vb/showthread.php?t=14743)

بنات آخر زمن

هذا زمان المســـخره هذا زمان المســـــــــخره

جوال ومشيه بفشخره في وسط السوق متبختره

والكحله في وسط العيون والشفايف زود محمره

هذا زمان المسخره هذا زمان المســـــــــخره

لو يسألها ذاك الفقير وين انتي رايحه يامره

جاه الجواب يبهدله وتقول كلام بيقهره

باروح السوق ابشتري فستان للحفله المزهره

وتروح الصاله كنها عروس مزينه ومعطره

وما ترجع الا في الصباح وتشيل الزينه الساحره

هذا زمان المسخره هذا زمان المســـــــــخره

اخر الشهر تقبض الراتب وتروح السوق وتبعثره

وتعير ذاك الفقير لو اني مثل غيري ما عشت واياك محسره

شوف فلانه وشوف علانه عايشين عيشه ميسره

فله جميله وسياره كشخه ماهو مثلك تركبني سياره مكسره

هذا زمان المسخره هذا زمان المســـــــــخره

لين استلمت ذاك التلفون تبمبع مثل البقره

واتحش في الناس هذا طويل وهذا قصير وحكيها كله مسخره

وفلانه اليوم مطلقه وفلان ماتت له مره

وكلامها أصلا ماله أساس بس هذره فاضيه وبربره

والوقت يسرع والهاتف يحسب أمواله تروح مهدره

هذا زمان المسخره هذا زمان المســـــــــخره

الله يرحم ذاك الزمان الحرمه فيه مستره

كانت تجلس ويا الاذان وتصلي لله وتشــــــــــكره

وتدعي للناس الطيبين بنفس طيبه وطاهره

هذا زمان المسخره هذا زمان المســـــــــخره

مو مثل بنات هذا الزمن تركب ويه الاجنبي بيدها روج ومنظره

وقصت الشعر أخر موديل كأنها ديك منفوش جناحه وعرعره

والعبايه تحطها على الكتف حتى الشعر ماتستره

ولو تقول لها هذا حرام قالت كلامك كله دندره

كلامك كله ما يعني لي شيء أني فتاه متطوره

لا يخدعونك بأسم حضارة هالزمن آخرتها تالي المقبره

وآخر كلامي بالصلاة على النبي واياه العترة الطاهره

رد: بنات آخر زمن

ههههههههههههههههههههههههههه

حلوووووووووووووووووووووو وايد

يسلمووووووووووووووو

رد: بنات آخر زمن

حلوه ها الكلمات بس شويه قاسيه وقويه

رد: بنات آخر زمن

اقتباس:

المشاركة الأصلية كتبت بواسطة ۩‗°҉¨شمــ يااافع ــس¨҉°‗۩ (المشاركة 130282)

[align=center][align=center]السلام عليكم ورحمة الله وبركاته
بصراحه اللي كتب هالكلام ما عرف يوصف حال بعض البنات وكثير من البنات في هالزمن
الواحد صار يخاف من بكره بأي شكل وباي لون راح يكون وهذا الجيل جالس يتربى على هالفكر الخالي من أي قيم وأخلاق وتربيه
وما راح اقول الغرب لا خلاص وكفاية اتهمنا الغرب بما فيه الكفاية والغينا باللوم عليه كثير
حنا السبب يالعرب يالمسلمين رضينا بالجهل وجمدنا عقولنا عن التفكير وتناسينا دينا وبتعدنا عن الله وصرنا نعيش الدنيا بالطول والعرض وكأنا مخلدين فيها
وما الوم البنات ولا حتى هالشباب الوم الاهل اللي الام صارت تنافس البنت وتحدها في اخر صرعات الموضه والمكياج والعطور وتمشى بالمجمعات لا رقيب ولا حسيب من هالزوج اللي مدري وشأسميه بصراحه
احس بجي زمان ما نلاقي بنات ولا بنلاقي أولاد صار في تحول ومحد قام يدري هو أنولد وشو ولد ولا بنت
الصبي تجي تكلمه تكتشف انه بنت والبنت تشوفها تتفاجا أنها اصبي ضيعونا بلعبة التمويه هذي
والله ما اقول إلا ربي يسلم ويهدي عيالنا وبناتنا ويصلحهم [/align][/align]

اختي الفاضله شمس يافع ادعي لنا بالهدايه..

رد: بنات آخر زمن

مشكووووووووووووووووووور على الموضوع الحلو

ومع التوفيق

رد: بنات آخر زمن

صح لسانك

انشاء الله حامد زيد الثاني في المستقبل البعيييييييييييييييييييييييييي د

هههههههههههههههههههههههههههههه هههههههههههههههه

رد: بنات آخر زمن

ابيات جميله بصور واقعيه نتعايش معها ... ولا يسعني الا ان نقول الله يهدينا

ويهدي جميع المسلمات ... ويعطيك العافيه