في الغربة لقى شيطان (( جني مغترب ))
 

جني مغترب
[poem=font="simplified arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black""]
يقول المسعدي مسعد صدفني مغترب جني= معه كعسة ومتحزم ولابس جنبيه صيفان‏
تبسم لي وأنا مرعوب وقال لي لا تخاف مني=أنا جني ومتغرب ورحنا بالهوى سيان‏
قرب نحوي يصافحني وتحتي سيل سقسقني=دعوت الله يكفيني شرور الجن والشيطان‏
صافحته وقف جسمي والقشبوب يسردني‏=واخرج لي من الشنطه هدية عرفها دخان
وأنا دارة بي الدنيا وحسيتة بيسندني =قرب ويرشني بالماء وقال العفو يا إنسان
الا يا مسعدي اسف على ما صار سامحني=انا مخطئ ومتأسف وبالنمره انا غلطان
انا رايح واذا تأمر بخدمه بس كلمني=أنا عبدك وخدامك وهذا الرقم والعنوان‏
تعجب بن عبد منه وقال اجلس وخبرني=وقل لي ويش ذي جابك إلى عند البشر يا جان‏
تأوه قبل ما ينطق فطر كبدي وقطبني =من الآهات وعيونه بتقطر مثلما لمزان‏
قبركه بن عبد قلي وش اللي فيك طمني=كفايه لا تزيد الهم يا جني على حيران
قُل لي ويش اسوي لك ويش اللي تطلبه مني=اذا بقدر البي لك واذا ماشي على الرحمن
قال لي جتكم عاني بدور حد يكفلني= كفيلي قال ما عنده عمل للانس كيف الجان!!‏
كفيلي حيل ما يرحم طلب سبعة وهددني=اذا ماشي دفعنا له يرحلني على لوطان
انا وحدي بذه الغربة وماحّد لي يشغلني=ساعدني وبدعي لك اذا لي عندكم قبلان
شف لي حد باصحابك يسلفني ويمهلني=ولّا شغل اذا تعرف بن شيهون او بغشان‏
زاد الهم لا همي وبقواله يحيرني=بيحكي صدق او يكذب او يمكن انا سهران
او يمكن يكون إنسان بيحاول يفجعني‏=وما صدقت اقواله لما رفع السيقان
طلبته يظهر إثباته وقال لي مش مصدقني=قلت العفو يا جني فهذه عادة الانسان ‏
قال الصدق من حقك تطمن وتسألني =شفت اسمه وعنوانه طلع جني ولد شيطان
قال لي كيف با سوي يا مسعد تساعدني=انا شاقي على اسرة معي عزرة من الصبيان‏
قلت ابعد وكف عني كفايه لا تعذبني =حالي خس من حالك لا تحسب احد كسبان
لا تشكي ولا اشكي لك وذي فيني يكفيني=انا يائس من الدنيا وبالغربة انا خسران
سالته عن بلاده قال بالله لا تذكرني=انا شارد من أوطاني ومتغرب عن الأخوان
في ارض اليمن عشنا وكان الكل يحسدني=وفجأه ينقلب حالي حدث ما كان بالحسبان
في الإغواء أنا لول ومحد ذي ينافسني‏=بشقي لي بحق اليوم من وسواس للانسان
بكسب قوت أيامي وجنب الأهل متهني‏=بوسوس للشريف اسرق وللزاهد على العصيان
وبلعب لي على كيفي ومحد ذي يحاسبني=لكن لعبتي بالعقل خفيفة ما تضر إنسان
أما اليوم لا تسال شفت الوضع وأذهلني=اوسوس صرت بالمقلوب يا قهري على الشيطان
للظالم اقول اعدل خاف الله وارحمني=وللعاصي اتقي ربك اما يكفيك من عصيان
والمسئول ما يشبع وعادة زيد يغويني =يوسوس لي ادخل بحزبة وانا ذي كنت له فتان
ما خلو لنا عيشه ورزقي ياخذه مني=رجعت الزاهد العابد وبدعي الله بالغفران
للتوبه انا الداعي ومافي اذن تسمعني =الا يا رب غفرانك دعوتك يا عظيم الشان‏
تعبدنا تضرعنا وقام الشيخ يلعني=وهو ذي يفعل المنكر وقال انه عمل شيطان
الا يا رب انا سالك من الانسان جنبني=وارحم عبدك المسكين من أفعال ذا الإنسان
وصلى الله على طه شفيع الانس والجني= عدد ما ينزل الماطر وسال الخير بالوديان[/poem]