اصبر على جور الزمن والقطيعه=من بعد ما حبيت خيبت لامال
 

[poem=font="simplified arabic,5,crimson,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
من باعني والله لازم ابيعه= لودمعته تنزل على الخد شلال
ياللي نسجتي الحب لي للخديعه =وانا رفعتك فوق عالي على العال
واصبحت انا المظلوم لانك وضيعه= من بعد ماضحيت لاجلك بكل غال
من قبل تنسي الحب كنتي مطيعه= وضحيت في روحي لاجلك وبالمال
ماكنت اتوقع بانك سخيفه= بين البشر والحب بعتيه بريال
والله ثم الله لازم اذيعه= ذي شفت منكم من مرارات واهوال
من جاز لك في الدين او في الشريعه= هجري وادعو الله في كل لاحوال
بعد الوفا والود شفت القطيعه= وشفت كل الظلم ياناس ينهال
والله ثم الله لاشيل الرضيعه= لوشفتها لاصير هايم ورحال
ضحيت بالغالي عشان الرخيصه= والله ما صدق صداقات لانذال
في القلب كانت لك مكانه رفيعه =تركت اهل الجود واخترت لانذال
راح الوفاء والحب لك في حريقه =لاطاب لي خاطر ولا ارتحت في البال
فكرت لك مبدا وشيمه نزيهه =راح الحيا ياناس في ذا الزمن قال
والله لاخلي سنينك سنينه =واشربك من نفس كاسك ولا زال
من باعني بيعه ببيعه رخيصه= وادوس من باع المحبه على الحال
جيتك انا بالامس وانتي رجيعه =والله لاحرم شوفتك خمسة اعوام
اتيت لك كالغيث حاني بشيمه =وابنيت لك عندي مكانه واامال
ما شفت غير البهذله والظليمه =منك وشفت الويل خيبتي اامال
وانكرتي المعروف يا كبر لئيمه= والحب ذي قد كان كاذب ومثال
والله من ذالحين اشد العزيمه =وادي كلامي ناس تفهم وعقال
ولا اعتبر فرقاك عني هزيمه= اتى كانه نصر والصبر قد طال
واصبر على حكم الزمن في عزيمه= وقت الشدايد كون صابر ورجال [/poem]

رد: اصبر على جور الزمن والقطيعه=من بعد ما حبيت خيبت لامال
 

ابو رفيف صح الله لسانك كلم قوي وفي العمق والله يكون بعونك
والموضوع في بطن الشاعر وصاحب الشان لا يعرفه غيرهم
الله يهدي ويصلح الشان لك شكري وانا عدت لك كلمه كنت
في المقطع الاول وتم تعديلها وهذا ولك شكري

رد: اصبر على جور الزمن والقطيعه=من بعد ما حبيت خيبت لامال
 

الله الله عليك يا ابو رفيف قصيده جميله
تحمل الكثير من المعاناة والالم والذي
تسبب فيه ترك الحبيب لمن يحب
وما الحقه من ضرر في قلب عاشق
ومخلص..الله يستر عليك ويخلف لك الخير
ولي طلب بتعديل هذا البيت من حيث القافيه
جيتك انا بالامـس وانتـي رجيعـه=والله لاحرم شوفتك خمسـة اعـوام

رد: اصبر على جور الزمن والقطيعه=من بعد ما حبيت خيبت لامال
 

والله يشهد على مااقول ابدعت

حاسه انك عايشت القصه المكتوبه في ابياتك الرائعه
صح الله لسانك وبدنك وتسلم يمينك