منتديات سماء يافع - يكلمني عن جرووحه وانا من سبته مجروح ..

يكلمني عن جروحه.. وأنا من سبته مجروح

يسولف لي عن احبابه واسولف عنه ل حاله

أحس في دمعه عيونه وتطلع من بكاه الروح

واذا يفرح مع غيري بكى " القلب" وهنآ له

رسمته في قلم ناشف على قطعة خشب من لوح

وتهيأ لي يحاكيني ويبيني ارسم اظلاله

تحرك طيفه الدايم ولعب في حسبتي بجموح

يحب الخيل واشعاري عشانه صاروا خياله

وصار ب عيني "الاجمل " مع ان شوي هو مملوح

ولا غيره ملا عيني وقلبي بس يصفاله

ذبحني قلبي الساكت متى قلبي عليه يبوح

أحبه وما عرف أني احبه واتمنى وصاله

كتمت وهذا طبعي وتمنيت " الغلا " مفضوح

ببين له ولا اقدر مع أنه جالس قبالي

أخاف انه بعد مده يطير ومن ايديني يروح
هو نعمة من فضل ربي ويقولوا : النعمة زواله

لي قلب من كثر حبه على فراش التعب مطروح

لاهو "ميت " ولا " عايش" والله ان مات اشواله

وحبي من طرف واحد غلا صادق بدون مزوح

واذا هو طاح قدامي نزله قلبي وشاله

شكالي وكنت له اسمع وقلبي دوم له مفتوح

يطمني عن "اخباره" وشنهي اخر اعماله

واذا شفته خطأ ب حقي بدون أعذار هو مسموح

في نياته ولا يدري وطيبه قلبه هماله

في جياته يروح الهم ويبدل "دمعتي" ب فروح

تمنيت البشر مثله وكل من حولي أمثاله

من الله أحبه في قلبي حشى ما لي ترى مصلوح

عسى يكبر ويذكرني ويسمي ب " اسمي " اعياله

مماراق لي ولامس إحساسي ..