[poem=font="simplified arabic,5,crimson,bold,italic" bkcolor="transparent" bkimage="" border="double,6,firebrick" type=2 line=1 align=center use=ex num="0,black""]
ياهاجسي اكتب مقاله من بعد ما صالح تعنتر=من بعد دم الشعب سيّل حكمه لنا ماعاد مقبول
سفك دماء اهل السعيده واحرق ثمرها بالمجنزر=لكن شرب علقم مدبّل واصبح محرق بل ومعلول
رب السماء قد له مقدر وع الظلّم الله واكبر=يمهل ولا يهمل لظالم اخر حياته شخص مشلول
ثوره اجت من بعد حاله والشعب من تونس تعبّر=رفض عصابه فيه تنخرسوت قليل الاصل مسؤول
يمن محصن في رجاله فيه القبيلي والمعصّر=مابا تجي شله سقيمه فيها مرض مزمن ومجهول
نحلم نقع دوله غنيه وارض اليمن في الخير تزخر=وارد وصادر لارشاوي ميناء عدن للكل مدخول
اليوم لن نقبل عماله ولا الاجانب فينا تنحر=يكفي علي قد باع ارضي والشعب بيد الغرب مقتول
ثوره اردناها سهاله وبعدها النصر المؤزر=بالصبر نوصل لا هدفنا واحمد علي بالنعش محمول
هذه نهاية كل عاله ذي دك جنده ارض خنفر=نهايته قبعا مهينه وفي المحاكم شخص مذلول
ثوره بوسط الظلم هاله اجت لاجل الحق يظهر=وينتهي باطل حكومه ذي كان فيها كل مهبول
كم شيدو صاله ومبنى بامر سامي من مجور=لاجلهم تصلح لمسمر والشعب بالجرعات مشمول
هذا يمن حكم العصابه وما خفي ع الشعب اخطر=وإعلامهم كاذب مسخّر من كذبهم الشعب مذهول
ما اليوم ياصيره وصنعاء ولّى زمن مدبر واغبر=واقبل زمن فيه العداله والزرع يطرح خير محصول
ثوره نهايتها سلامه وبنهجها السلمي بنفخر=نوضع حجر بالساس صلبه والسيف بيد الشعب مسلول
لاعاد حاكم له اوامر ولامنافق له بمزمر=الحكم لشعب اليماني حكم الزعامه صار مفصول
ومن نصر حكم الجهاله ماله معانا اسم يذكر=مع العصابه صار نازي وفي النهايه شخص مسحول
يا ارض بلقيس الجماله ياعز راسي فيش نُقبر=لاعاد نقبل حكم طاغي خلي بلدنا صحن منخول
ومن رقد شل الفساله العيب صابه ما بيعذر=ياالله يقول اليوم ثوره وارض اليمن بالصدق مزلول
وبعدها الوحده رساله لاجيالنا ذي هيه بتكبر=وحدة عداله بل تسامح والحق فيها صار مكفول
هذا خطابي في عجاله يوصل لشاعرنا منصر=اصل اليزيدي ساس شامخ يردلي بالشعر مدبول
ختامها ادعي الهي مع النبي ابعث واحشر=وازكى صلاه توصل محمد ذي جاء هدى بل خير مرسول [/poem]