منتديات سماء يافع - تعلمتي على الايميل وعندج على الماسنجر ناس

منتديات سماء يافع (http://http://yaf4.com/vb/index.php)

- حــروف لا يكللها الجفــاف (http://http://yaf4.com/vb/forumdisplay.php?f=48)

- - تعلمتي على الايميل وعندج على الماسنجر ناس (http://http://yaf4.com/vb/showthread.php?t=3375)

تعلمتي على الايميل وعندج على الماسنجر ناس

[align=center]
تعلمتي على الايميل وعندج على الماسنجر ناس

حلفتيلي صديقاتج وياما جَذب الحالف

صدفه صادها ربي وبلا قصدٍ عرفت الباس

فتحته وشفت كم صوره معاهم كم رقم هاتف

أنا وش ذنبي يوم أني عطيتج صادق الأحساس

لعبتي فيه وما صنتيه بكذب أحساسج الزايف

ترى عرق الذي مثلج ولو طال الزمن جساس

وإذا فيج الغدر مذهب ترى مسموحه ما يخالف

عرفته مذهب أمثالج وكل شي راجعٍ للساس

وأنا ما عاد يعنيني غرامج صار شي سالف

طفح جدرج من الزحمه .. طلع مافيه بلا ملاس

فضح أمرج غباء وطيش وقلبي صار بج عارف

فضيحه ذوقج الواطي محتفظه بصور مس ناس

عمى يعميج يافلانه على الصوره ترى صارف

قعد يومين يتكشخ وعلى كرسي المصور خاس

باتوش ورسم لعيونه وخشم لويهه مخالف

وصورة ذاك المعضل مصورلج بدون الباس

صحيح الي اختشو ماتو فقدته ذوقج التالف

قوية عين ماتخيلين ولا تحشمين عالي الراس

قليلة أصل من يومج أنا الغلطان أنا عارف

لكن والله ما أرجع قدرج تحت ريلي ينداس

بعد ماخنتي بالباقي وبدلتيه بالذالف

عيشي يوم ندمانه وذوقي الهم والوسواس

وأنا غيرج بيوفيلي ويضمد جرحي النازف

بكملج بعد ساعه... متأخر وعندي كلاس

وإذا في وقت تنتظرين على الايميل بنتشاوف

وإذا مشغوله لج عذرج عندج دوري عندج كاس

مثل جدر الهريس أصبحتي كل من يقرف وطايف

رخيصه وبيزه ماتسوين وحبج قمة الأفلاس

ومن مثلي رفيع الشان حرام وياج يتوالف

لعبتي من ورى قلبي وفضح لعبج شديد الباس

وإذا غمضت أنا في يوم ترى رب الملى شايف [/align]